میرپورماتھیلو ،سیلاب متاثرین سے رشوت طلب کرنے پربینک حکام کانوٹس
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
میرپور ماتھیلو (نمائندہ جسارت) میرپور ماتھیلو سندھ بینک کے منیجر کی جانب سے سیلاب متاثرین کی قسط سے مبینہ طور پر 10 ہزار روپے رشوت طلب کرنے کی نیوز اخبارات میں شائع ہونے کے بعد سندھ بینک کے اعلیٰ حکام کا نوٹس ٹیم سندھ بینک میرپور ماتھیلو پہنچ گئی متاثرہ خواتین کی چیخ و پکار بینک منیجر پرویز شاہ پر10 سے15 ہزار رشوت لینے کے الزام ٹیم میں شامل افسر عوامی شکایات کا ازالہ کرنے کے بجائے تحفے تحائف لے کر روانہ۔ تفصیلات کے مطابق سندھ بینک میرپور ماتھیلو کے منیجر پرویز شاہ کی جانب سے سیلاب بارش متاثرین کی گھروں کی بحالی کے لئے آنے والی قسط سے دس سے پندرہ ہزار رشوت طلب کرنے کی نیوز اخبارات میں شائع ہونے کے بعد سندھ بینک کے ریجنل منیجر سندھ ذیشان قریشی کو آرڈینیٹر آل سندھ سید گل محمد شاہ ایریا منیجر شکیل احمد شیخ گزشتہ روز سندھ بینک میرپور ماتھیلو پہنچے تو مستحق خواتین نے گھیر لیا اور بینک منیجر پرویز شاہ ھینڈز کے ملازمین کے خلاف شکایات کے انبار لگا دیے لیکن ٹیم میں شامل افسران نے میڈیا کے پہنچنے کے باعث بغیر کوئی مؤقف دیے بینک سے چلے گئے اور میڈیا کو بریفنگ دینے سے انکار کردیا۔ اس موقع پر میڈیا سے بات چیت کرتے ہوئے متاثرہ خواتین کا کہنا تھا کہ ظلم کی انتہا ہے بینک منیجر اور ھینڈز والوں نے درجنوں ایجنٹ بینک کے باہر کھڑے کر دیے ہیں جو سر عام دس سے پندرہ ہزار رشوت طلب کر رہے ہیں جو رشوت نہیں دیتا ان کا بینک کے اندر داخلہ بند ہے جسکی وجہ سے ہم گزشتہ ایک ماہ سے ھینڈز آفس اور سندھ بینک کے دھکے کھا رہے ہیں لیکن ہماری کوئی بھی داد رسی کرنے کو تیار نہیں ہے جو ظلم ہے ۔انہوں نے سیشن جج گھوٹکی سے نوٹس لینے کا مطالبہ کیا ہے۔ دوسری جانب فون کال پر مؤقف معلوم کرنے پر ٹیم میں شامل سید گل محمد شاہ کا کہنا تھا کہ سندھ بینک کے منیجر پرویز شاہ اور ھینڈز کے عملے کیخلاف شکایات ملی ہیں جن کا ازالہ کیا جائے گا۔
.
ذریعہ
ذریعہ: Jasarat News
کلیدی لفظ: منیجر پرویز شاہ میرپور ماتھیلو سندھ بینک کے رشوت طلب
پڑھیں:
مشرقِ وسطیٰ کشیدگی کے اثرات، اسٹاک ایکسچینج میں 1,200 سے زائد پوائنٹس کی کمی
مشرقِ وسطیٰ میں بڑھتی ہوئی کشیدگی کے باعث سرمایہ کاروں کے اعتماد کو دھچکا پہنچا ہے، جس کے نتیجے میں پاکستان اسٹاک ایکسچینج میں جمعہ کو بھی فروخت کا دباؤ برقرار رہا۔
آج کاروبار کے پہلے نصف حصے میں بینچ مارک کے ایس ای 100 انڈیکس 1,200 سے زائد پوائنٹس کی کمی کا شکار ہوگیا۔
دوپہر 12 بج کر 5 منٹ پرانڈیکس 170,475.30 پوائنٹس پر ٹریڈ کر رہا تھا، جو 1,264.14 پوائنٹس یعنی 0.74 فیصد کمی کو ظاہر کرتا ہے۔
یہ بھی پڑھیں: عالمی کشیدگی سے سرمایہ کار محتاط، پاکستان اسٹاک مارکیٹ مندی سے دوچار
مارکیٹ میں فروخت کا رجحان آٹوموبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں، آئل مارکیٹنگ کمپنیوں (او ایم سیز) اور بجلی پیدا کرنے والے شعبوں میں نمایاں رہا۔
حب پاور، اٹک ریفائنری لمیٹڈ، ماری انرجیز، او جی ڈی سی ایل، پاکستان پیٹرولیم لمیٹڈ، حبیب بینک، مسلم کمرشل بینک، میزان بینک اور نیشنل بینک جیسے زیادہ وزن رکھنے والے شیئرز مندی کے ساتھ کاروبار کرتے رہے۔
Market is down at midday ????
⏳ KSE 100 is negative by -1253.65 points (-0.73%) at midday trading. Index is at 170,485.8 and volume so far is 113.98 million shares (12:00 PM) pic.twitter.com/DtJJR8AXhS
— Investify Pakistan (@investifypk) July 24, 2026
جمعرات کو بھی پاکستان اسٹاک ایکسچینج شدید دباؤ کا شکار رہی تھی، جب کے ایس ای 100 انڈیکس 2,690.48 پوائنٹس یعنی 1.54 فیصد کمی کے بعد 171,739.45 پوائنٹس پر بند ہوا تھا۔
ماہرین کے مطابق امریکا اور ایران کے درمیان بڑھتی ہوئی جغرافیائی کشیدگی اور عالمی منڈی میں خام تیل کی قیمتوں میں تیزی نے سرمایہ کاروں میں خدشات بڑھا دیے ہیں، جس کے باعث مختلف شعبوں میں بڑے پیمانے پر فروخت دیکھنے میں آئی۔
عالمی منڈیوں میں بھی مندیعالمی سطح پر بھی ایشیائی اسٹاک مارکیٹوں میں جمعہ کو نمایاں کمی دیکھی گئی، جبکہ برینٹ خام تیل کی قیمت بڑھ کر 100.85 ڈالر فی بیرل تک پہنچ گئی۔
گزشتہ روز اس میں تقریباً 7 فیصد اضافہ ریکارڈ کیا گیا تھا اور قیمت مختصر طور پر 102 ڈالر فی بیرل تک جا پہنچی۔
مزید پڑھیں: عالمی معیشت میں بہتری: اسٹاک مارکیٹ اور سونے چاندی میں سرمایہ کاری کب کی جائے؟
تیل کی قیمتوں میں یہ اضافہ ایران سے منسلک حوثی گروپ کی جانب سے بحیرہ احمر میں سعودی آئل ٹینکروں پر حملوں اور آبنائے ہرمز کی بندش کے خدشات کے باعث سامنے آیا، جس سے عالمی تیل کی رسد متاثر ہونے کا اندیشہ پیدا ہوگیا ہے۔
دوسری جانب امریکا کی جانب سے 60 تجارتی شراکت دار ممالک کی درآمدات پر مزید ٹیرف عائد کرنے کے فیصلے نے بھی مہنگائی کے خدشات میں اضافہ کر دیا ہے۔
مالیاتی منڈیوں میں یہ توقع بھی زور پکڑ رہی ہے کہ عالمی مرکزی بینک سخت مانیٹری پالیسی اختیار کر سکتے ہیں۔
سرمایہ کاروں کے مطابق امریکی فیڈرل ریزرو کی جانب سے آئندہ ہفتے ہی شرح سود میں اضافے کا امکان ایک تہائی تک پہنچ چکا ہے، جبکہ ستمبر میں شرح سود بڑھانے کا امکان تقریباً یقینی سمجھا جا رہا ہے۔
مزید پڑھیں: لائیو اسٹاک اور زراعت پر توجہ دے کر ایک سال میں معیشت بہتر کی جا سکتی ہے، وزیراعظم شہباز شریف
ادھر یورپی مرکزی بینک نے اگرچہ اپنی حالیہ میٹنگ میں شرح سود برقرار رکھی، تاہم مالیاتی منڈیوں میں ستمبر میں شرح سود میں اضافے کے امکانات تقریباً 70 فیصد تک پہنچ گئے ہیں۔
ایشیائی منڈیوں میں ایم ایس سی آئی ایشیا پیسیفک انڈیکس میں ایک فیصد، جاپان کے نکی انڈیکس میں 2.9 فیصد جبکہ جنوبی کوریا کے کوسپی انڈیکس میں 3.7 فیصد کمی ریکارڈ کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبنائے ہرمز آئل ٹینکر اسٹاک ایکسچینج انڈیکس بحیرہ احمر پاکستان حبیب بینک حوثی سیمنٹ مانیٹری پالیسی میزان بینک نیشنل بینک
بھارت سے جنگ اور افغانستان میں کارروائی خارج ازامکان نہیں، وزیردفاع