نالوں کی بروقت صفائی نہ ہونے سے بارش کے بعد شہر میں بد ترین صورتحال پیدا ہوئی ،منعم ظفر خان
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیر جماعت اسلامی کراچی منعم ظفر خان نے شہر میں بارش سے پیدا شدہ صورتحال اور برساتی نالوں کے بھر نے کے باعث شہریوں کو درپیش مشکلات و پریشانیوں پر گہری تشویش کا اظہار اور سندھ حکومت و قابض میئر کی ناقص کارکردگی کی شدید مذمت کی اور کہا ہے کہ بار بار توجہ دلانے کے باوجود بروقت نالوں کی صفائی کا بندو بست نہ کرنے کی وجہ سے شہر میں یہ بدترین صورتحال پیدا ہوئی ہے ، سندھ حکومت و قابض میئر کی نا اہلی کی سزا کراچی کے عوام بھگت رہے ہیں ۔ منعم ظفر خان نے کہا کہ بارش ہوتے ہی نیو کراچی نالہ ، گجر نالہ اور محمود آباد نالہ، شادمان ٹائون نالہ برساتی پانی سے بھر گیا اور پانی سڑکوں پر آگیا ہے جبکہ برساتی پانی کی نکاسی کا کوئی موثر انتظام نہ ہونے کے باعث شہر بھر میں سڑکوں و شاہرائوں اور گلیوں میں بھی پانی بھر گیا ہے ،
گٹر اُبلنے سے گندگی بھی پھیل گئی ہے اور جگہ جگہ بارش کا اور گٹر کا گندا پانی جمع ہو گیا ہے جس سے شہریوں کی آمد و رفت ، ٹریفک کی روانی اور تجارتی مراکز میں کاروباری سرگرمیاں بھی متاثر ہو رہی ہیں اور شہری شدید ذہنی و جسمانی اذیت اور پریشانی کا شکار ہو گئے ہیں ، منعم ظفر خان نے کہا کہ گزشتہ سال 41کروڑ روپے نالوں کی صفائی کے لیے مختص کیے گئے تھے اور قابض میئر نے دعویٰ کیا تھا کہ ہر تین ماہ بعد نالوں کی صفائی کی جائے گی مگر افسوس کہ ان کا یہ دعویٰ دیگر دعوئوں کی طرح دعویٰ ہی رہا اور نالوں کی صفائی نہ کروائی گئی ، منعم ظفر خان نے کہا کہ ایک ہفتہ قبل اپوزیشن لیڈر کے ایم سی سیف الدین ایڈوکیٹ نے متوقع برسات کے پیش ِ نظر کراچی کے مختلف نالوں کی صورتحال کا جائزہ لینے کے لیے شہر کے مختلف علاقوں اختر کالونی ، منظور کالونی ، محمود آباد ، پی ای سی ایچ ایس ، کراچی ایڈمن سوسائٹی ، عیسیٰ نگری اور گجر نالہ ،لیاقت آباد ، ناظم آباد اور دیگر جگہوںکا دورہ کیا اور بذات ِ خود نالوں کی صورتحال کاجائزہ لیا ، ہر جگہ صورت حال انتہائی تشویش ناک پائی گئی ، نالے کچرے سے بھرے ہوئے ملے ، اپوزیشن لیڈر نے سندھ حکومت و قابض میئر کو توجہ دلائی اور خبر دار کیا کہ نالوں کی فی الفور صفائی نہ کرائی گئی تو ان کی نا اہلی کے باعث صورتحال سنگین ہونے کا خطرہ ہے اورجس خدشے کا اظہار کیا گیا تھا دو روز کی بارش کے بعد وہی صورتحال پیدا ہو گئی ،ابھی تو بارشوں کا آغاز ہو ا ہے اور یہ صورتحال ہے تو اندازہ لگایا جا سکتا ہے کہ کیا صورتحال پیدا ہو سکتی ہے اس لیے ہنگامی بنیادوں پر نالوں کی صفائی پر توجہ دی جائے ۔
ذریعہ: Jasarat News
کلیدی لفظ: صورتحال پیدا ہو نالوں کی صفائی
پڑھیں:
پنجاب کے دریاوں میں طغیانی کا خد شہ ،بھارت کی جانب سے آئندہ 2 روز میں دریائے ستلج میں پانی چھوڑے جانے کا امکان ہے،پی ڈی ایم اے
لاہور (اُردو پوائنٹ اخبارتازہ ترین - اے پی پی۔ 12 اگست2025ء) بالائی علاقوں میں بارشوں کے باعث پنجاب کے دریائوں میں طغیانی کا خدشہ ہے ۔ترجمان پی ڈی ایم اے کے مطابق بھارت کی جانب سے آئندہ 2 روز میں دریائے ستلج میں پانی چھوڑے جانے کا امکان ہے۔بھارتی ڈیمز میں پانی کی سطح میں غیر معمولی اضافہ ریکارڈ کیا گیا ہے ۔بھاکڑا ڈیم 61 ،پونگ ڈیم 76 اور تھین ڈیم 64 فیصد تک بھر چکے ہیں ۔ترجمان کے مطابق پی ڈی ایم اے، ارسا اور محکمہ آبپاشی 24 گھنٹے دریاوں و ڈیمز کی صورتحال کو مانیٹر کر رہے ہیں ۔دریائے ستلج میں گنڈا سنگھ کے مقام پر سیلاب نچلے درجے سے معمول پر آ گیا ہے جبکہ دریائے ستلج کے بہائو میں مزید اضافے کا خدشہ ہے ۔اسی طرح دریائے چناب میں مرالہ ،خانکی اور قادر آباد کے مقام پر درمیانے سے اونچے درجے کے سیلاب کی وارننگ جاری کر دی گئی ہے ۔(جاری ہے)
ڈی جی پی ڈی ایم اے عرفان کاٹھیا نے کمشنرز ڈپٹی کمشنرز اور متعلقہ محکموں کو الرٹ رہنے کی ہدایات کردی ہیں ۔انہوں نے کہا کہ دریائوں کے پاٹ میں موجود شہری فوری محفوظ مقامات پر منتقل ہو جائیں ۔ہنگامی انخلا کی صورت میں انتظامیہ سے تعاون کریں ۔احتیاطی تدابیر اختیار کریں ۔دریائوں، نہروں ،ندی نالوں اور تالابوں میں ہر گز مت نہائیں ۔سیلابی صورتحال میں دریائوں کے اطراف پکنک اور غیر ضروری کراسنگ سے گریز کریں ۔بچوں کو دریاوں ندی نالوں کے قریب ہرگز مت جانے دیں۔ڈی جی پی ڈی ایم نے مزید کہا ایمرجنسی کی صورتحال میں پی ڈی ایم اے پنجاب کی ہیلپ لائن 1129 پر رابطہ کریں۔شہریوں کی جان و مال کا تحفظ پی ڈی ایم اے پنجاب کی ذمہ داری ہے ۔
بھارت کے ایک اور معروف مزاحیہ اداکار کسمپرسی کے عالم میں انتقال کرگئے