ٹرمپ اور نتن یاہو کا قتل جائز ہے، حوزہ علمیہ تہران کا فتویٰ
اشاعت کی تاریخ: 3rd, July 2025 GMT
فقہی بیان جس میں امریکی صدر کی جانب سے عالم تشیع کے مرجع اعلیٰ کو دھمکی دینے کی مذمت کیساتھ ٹرمپ اور نیتن یاہو کو کافر حربی اور مفسد فی الارض قرار دیتے ہوئے ان کے لیے شرعی طور پر "مہدور الدم" اور "مفسد فی الارض" کا قطعی حکم صادر کیا گیا ہے، اور دنیا بھر کے مسلمانوں کو ان دھمکیوں کے مقابلے کے لیے تیار رہنے اور مزاحمت کرنے کا مطالبہ کیا گیا ہے۔ اسلام ٹائمز۔ اسلمی جمہوریہ ایران کے دارالحکومت تہران سے حوزہ علمیہ کے فقہاء نے شرعی حکم جاری کرتے ہوئے کہا ہے کہ امریکی صدر ٹرمپ کمینہ اور احمق ہے اور اس کا صیہونی ساتھی نیتن یاہو کافر حربی ہیں۔ یہ دونوں مفسد فی الارض، نسل کش، زمین کو ویران کرنیوالے ہیں، ان کا قتل جائز ہے۔
متن حسب ذیل ہے:
بِسمِ الّلهِ قاصِمِ الجبّارین، مُبیرِ الظالمین، مُدْرِکِ الْهَارِبِینَ.
«وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ ﴿۲۰۴﴾ وَ إِذا تَوَلَّي سَعي فِي الْأَرْضِ لِيُفْسِدَ فيها وَ يُهْلِکَ الْحَرْثَ وَ النَّسْلَ وَ اللَّهُ لايُحِبُّ الْفَسادَ ﴿۲۰۵﴾ وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالْإِثْمِ فَحَسْبُهُ جَهَنَّمُ وَلَبِئْسَ الْمِهَادُ» (البقرة:۲۰۴ـ ۲۰۶)
فریب خوردہ، ہذیان گو امریکی صدر کی یاوہ گوئی رکنے کا نام نہیں لے رہی، ایک بار پھر اس نے ہمارے دلوں کے سلطان، زعیم و حکیم امت اسلامی، عالم تشیع کے رہبر و مرجع شجاع آیت اللہ سید علی خامنہ ای کی اہانت کرتے ہوئے انہیں دھمکی دینے کے لئے غلیظ زبان کو حرکت دی ہے۔ یہ واضح طور پر بین الاقوامی قوانین اور معاہدوں کے خلاف ہونے کے علاوہ، فیصلہ کن فقہی احکام کے منافی ہے۔ شرعی لحاظ سے ایسی مجرمانہ حرکت کا مرتکب آمر سبب اور عامل مباشر ہے، جو مفسد فی الارض اور مھدور الدم ہے۔
امریکی صدر ٹرمپ کمینہ اور احمق ہے اور اس کا صیہونی ساتھی نیتن یاہو کافر حربی ہیں۔ یہ دونوں مفسد فی الارض، نسل کش، زمینوں کو ویران کرنیوالے ہیں، ان کا قتل جائز ہے۔ یہ دونوں کئی جرائم جیسے «نُکث یمین، نقض عہد، محاربه، فساد في الأرض، اهلاک حرث» کے مرتکب ہو رہے ہیں۔ اسی طرح «انسانی منابع کی تباہی، اسلامی سرزمینوں پر تجاوز، قبضہ، دھمکیوں، قتل و غارت، دہشت گردی، نسل کشی، ممتاز اسلامی شخصیات کے قتل، غیر مسلموں کی موت، بے بس فلسطینی، شامی، لبنانی، ایرانی بچوں، عورتوں، بوڑھوں اور جوانوں سمیت دوسری کئی اقوام کے اجتماعی قتل» کے خلاف سنگین جرائم کی فہرست بھی اس میں شامل ہے۔
اگر اس امریکی مسخرے کی زبان سے نکلنے والے الفاظ اور احمقانہ حرکات عملی شکل اختیار کرتی ہیں، (جو ہرگز نہیں ہوگا کہ وَ اللهُ خیرٌ حافِظاً وَ هُو أرحَمُ الرّاحِمینَ)، اسلام احکام کے مطابق ولی امر مسلمین (حفظهالله) کے سربکف جانثار فدائی پورے خطے کو امریکی افواج، سفارتکاروں کے لئے بھڑکتی جہنم میں بدل دینگے، دنیا میں امریکیوں کو پناہ نہیں ملے گی۔
اس موقع پر ہم ان عظیم مراجع کا تہہ دل سے شکریہ ادا کرتے ہیں جنہوں نے امریکی صدر کے مضحکہ خیز الفاظ کے بارے میں فتویٰ اور واضح حکم جاری فرمایا، دیگر مراجع (دام ظلّہم) جو حکم شرعی صادر کرنے اور عالم اسلام کے فریضہ کا تعین کرنے کے درپے ہیں، مسلمانان عالم اس معاملے کے بارے میں ان کی فقہی آراء حاصل کرنے کے منتظر ہیں، کے سپاس گزار ہیں۔ تمام دنیا کے مسلمانوں، خاص طور پر غیرت مند، مومن اور بہادر نوجوانوں سے درخواست ہے کہ وہ ہوشیاری سے کام لیں اور اسلامی رہنماؤں کے حکم پر عمل کرنے کے لیے تیار رہیں۔ «فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ» (البقرة: ۱۹۴)
دستخط کنندگان:
آیتالله سید علیاصغر هاشمي علیا، آیتالله علیاکبر رشاد، آیتالله محمدباقر تحریري، آیتالله حسن عالمي، حجتالاسلام و المسلمین حسینعلي سعدي، حجتالاسلام و المسلمین محمدجواد محمدی گلپایگاني، آیتالله سید باقر خسروشاهي، حجتالاسلام و المسلمین علیرضا تقوائي، حجتالاسلام و المسلمین جواد مجتهد شبستري، حجتالاسلام و المسلمین سید مصطفی حسینینسب. و جمعي دیگر. ششم محرمالحرام ۱۴۴۷ هجری قمري.
ذریعہ: Islam Times
کلیدی لفظ: حجت الاسلام و المسلمین مفسد فی الارض امریکی صدر آیت الله
پڑھیں:
سعودی عرب 142 ارب ڈالر کا اسلحہ خریدے گا، ٹرمپ
واشنگٹن:امریکی صدر ڈونلڈ ٹرمپ نے کہا ہے کہ سعودی عرب امریکا سے 142 ارب ڈالر مالیت کا اسلحہ خریدے گا، جس میں ایف 35 جنگی طیارے اور جدید ٹینک سمیت دیگر اسلحہ شامل ہے۔
وائٹ ہاؤس میں سعودی ولی عہد شہزادہ محمد بن سلمان کے اعزاز میں دیے گئے عشائیے سے خطاب کرتے ہوئے انہوں نے کہا کہ دونوں ممالک کے تاریخی اور دیرینہ تعلقات نئی بلندیوں کی طرف بڑھ رہے ہیں۔
ٹرمپ نے سعودی عرب کو امریکا کا سب سے بڑا نان نیٹو اتحادی قرار دیتے ہوئے کہا کہ واشنگٹن اور ریاض کے درمیان اسٹریٹیجک دفاعی معاہدے پر دستخط ہو چکے ہیں، جس کے بعد سعودی عرب پہلے سے زیادہ محفوظ اور دفاعی طور پر مضبوط ہوگا۔
امریکی صدر نے کہا کہ ایران مستقبل میں امریکا کے ساتھ معاہدہ کرنے کا خواہش مند ہو سکتا ہے، جبکہ غزہ میں سیکیورٹی کی صورتحال پہلے کے مقابلے میں واضح طور پر بہتر ہوئی ہے۔
ان کے مطابق غزہ امن بورڈ میں متعدد ممالک کے سربراہان شامل ہوں گے جو خطے میں امن کی بحالی کے لیے اہم کردار ادا کریں گے۔
تقریب کے دوران سعودی ولی عہد محمد بن سلمان نے امریکی صدر کی مہمان نوازی پر شکریہ ادا کیا اور کہا کہ دونوں ملک باہمی اعتماد، تعاون اور سرمایہ کاری کے نئے دور میں داخل ہو رہے ہیں۔
وزیراعلیٰ پنجاب مریم نواز کلائمٹ چینج واریئر قرار