پاکستان کے 5 کوہ پیماؤں نے 24 گھنٹوں میں نانگا پربت سر کرلی
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان کے پانچ بہادر کوہ پیماؤں نے گزشتہ 24 گھنٹوں کے دوران دنیا کی نویں بلند ترین اور پاکستان کی دوسری بلند ترین چوٹی نانگا پربت (8,126 میٹر) کو کامیابی سے سر کر لیا، ان میں سے دو کوہ پیماؤں نے بغیر کسی مصنوعی آکسیجن کے اس خطرناک اور بلند پہاڑ پر فتح حاصل کی جو عالمی کوہ پیمائی کے حوالے سے ایک نمایاں کارنامہ قرار دیا جا رہا ہے۔
میڈیا رپورٹس کےمطابق الپائن کلب آف پاکستان اور ماؤنٹینئرنگ کمیونٹی کے مطابق نانگا پربت سر کرنے والے کوہ پیماؤں میں اشرف صدپارہ، سہیل سخی، ڈاکٹر رانا حسن جاوید، علی حسن اور شیر زاد کریم شامل ہیں۔
مرحوم لیجنڈری کوہ پیما علی رضا صدپارہ کے بیٹے اشرف صدپارہ نے بھی آج نانگا پربت سر کی اور اس کے ساتھ ہی انہوں نے پاکستان میں موجود تمام 8 ہزار میٹر سے بلند پانچ چوٹیوں کو سر کرنے کا اعزاز حاصل کرلیا، ان کے اس کارنامے کو ملک بھر میں بھرپور پذیرائی حاصل ہو رہی ہے۔
ہنزہ کے علاقے علی آباد سے تعلق رکھنے والے کوہ پیما سہیل سخی نے مقامی وقت کے مطابق صبح 11 بجے نانگا پربت کی چوٹی پر قدم رکھا، انہوں نے یہ کامیابی بغیر آکسیجن سپورٹ کے حاصل کی، اور یہ ان کی چوتھی 8 ہزار میٹر سے بلند چوٹی ہے، وہ اس سے قبل کے ٹو، گیشربرم ون (جی 1) اور گیشربرم ٹو (جی 2) کو بھی بغیر آکسیجن کے سر کر چکے ہیں۔
راولپنڈی سے تعلق رکھنے والے کوہ پیما ڈاکٹر رانا حسن جاوید نے گزشتہ روز نانگا پربت سر کی، وہ 8 ملکی و غیر ملکی کوہ پیماؤں کے ہمراہ اس مہم کا حصہ تھے، نانگا پربت ان کی دوسری 8 ہزار میٹر سے بلند چوٹی ہے۔ اس سے قبل انہوں نے 2023 میں گیشربرم ٹو کو سر کیا تھا۔
ان کے ساتھ وادی ہوشے سے تعلق رکھنے والے ہائی ایلٹیٹیوڈ پورٹر علی حسن نے بھی چوٹی سر کی، جو ان کے کیرئیر کا ایک نمایاں سنگ میل ہے۔
دریں اثنا ہنزہ کے ہی ایک اور کوہ پیما شیر زاد کریم نے بھی آج دوپہر 1 بجے نانگا پربت کی چوٹی پر کامیابی سے قدم رکھا، جس سے پاکستانی کوہ پیماؤں کی اس مہم کو مزید کامیاب بنایا۔
خیال رہےکہ نانگا پربت اپنی تکنیکی پیچیدگی، موسم کی شدت اور “قاتل پہاڑ” کے طور پر پہچانے جانے کی وجہ سے دنیا کی خطرناک ترین چوٹیوں میں شمار ہوتا ہے، پاکستانی کوہ پیماؤں کی یہ کامیابی نہ صرف انفرادی سطح پر ایک قابل فخر کارنامہ ہے بلکہ یہ پاکستان کے بلند ہوتے کوہ پیمائی کے معیار کی بھی واضح علامت ہے۔
الپائن کلب آف پاکستان اور ماؤنٹینئرنگ کمیونٹی نے ان تمام کوہ پیماؤں کو خراج تحسین پیش کرتے ہوئے کہا ہے کہ ان کی یہ کامیابیاں پاکستان کا نام عالمی سطح پر مزید روشن کر رہی ہیں۔
.ذریعہ: Jasarat News
کلیدی لفظ: نانگا پربت سر کوہ پیماؤں کوہ پیما
پڑھیں:
بانی پی ٹی آئی کا چیف جسٹس کو خط، 24 گھنٹوں میں جواب دینے کی یقین دہانی
data-id="863a0a8" data-element_type="widget" data-widget_type="theme-post-content.default">
اسلام آباد: عمران خان کی بہنوں کی کوششیں رنگ لے آئیں، چیف جسٹس پاکستان یحییٰ آفریدی نے پاکستان تحریک انصاف کے وکیل سردار لطیف کھوسہ سے ملاقات کی۔
سردار لطیف کھوسہ نے ملاقات کے بعد میڈیا سے گفتگو میں بتایا کہ انہوں نے بانی پی ٹی آئی عمران خان کا خط چیف جسٹس کو پیش کیا جسے بڑے سکون سے سنا گیا۔ چیف جسٹس نے 24 گھنٹوں میں اس پر جواب دینے کی یقین دہانی کروائی۔ لطیف کھوسہ نے کہا کہ عمران خان 9×11 فٹ کی کال کوٹھڑی میں قید ہیں اور انہیں اور ان کی اہلیہ کو جیل میں شدید مشکلات کا سامنا ہے۔
ملاقات میں چیف جسٹس کو عدلیہ بارے تحفظات اور جیل میں پیش آنے والی مشکلات سے آگاہ کیا گیا۔ چیف جسٹس نے 24 گھنٹوں کے اندر گرفتار ملزمان کو عدالت میں پیش کرنے کی پالیسی اور جیل ریفارمز پر ان پٹ لینے کی یقین دہانی کروائی۔ انہوں نے کہا کہ بانی پی ٹی آئی کو جیل اصلاحات پر تجاویز دینے کا بھی کہا گیا ہے جبکہ چیف جسٹس نے ایک یونیفارم پالیسی بنانے پر زور دیا۔
کھوسہ نے مزید کہا کہ میں نے تین ادوار کے مقدمات دیکھے ہیں لیکن کبھی وکلاءکی سر تا پا تلاشی نہیں لی گئی، آج یہ صورتحال ناقابل قبول ہے۔ فیملی کو بھی عمران خان سے علیحدگی میں ملاقات کی اجازت نہیں دی جاتی۔ انہوں نے کہا کہ چیف جسٹس کو بتایا ہے کہ مقدمات کے ٹرائلز کو بلڈوز کیا جا رہا ہے، بنیادی حقوق کی پاسداری عدلیہ کی ذمہ داری ہے۔ سردار لطیف کھوسہ نے چیف جسٹس سے کہا کہ آپ عدلیہ کے باپ ہیں اور باپ کی حیثیت سے آپ کو اپنی ذمہ داری پوری کرنی ہو گی۔
بالنیدرا شاہ، جنہیں نیپالی نوجوان اپنا وزیراعظم دیکھنا چاہتے ہیں