روس کا یوکرین کے سیکڑوں ڈرونز گرانے کا دعویٰ
اشاعت کی تاریخ: 6th, July 2025 GMT
ماسکو:
روس کی وزارت دفاع نے کہا ہے کہ روسی اینٹی ایئرکرافٹ سسٹم نے یوکرین کے 120 ڈرونز مار گرائے ہیں، جن میں سے اکثر سرحدی علاقوں میں گرائے گئے۔
غیرملکی خبرایجنسی رائٹرز کی رپورٹ کے مطابق روس کی وزارت دفاع نے بیان میں کہا کہ یوکرین کے ڈرون حملوں میں کوئی نقصان نہیں ہوا ہے اور 120 ڈرونز کامیابی سے گرا دیے گئے ہیں۔
وزارت دفاع نے کہا کہ رات کو گرائے گئے ڈرونز میں سے 30 سے زائد مغربی بریانسک ریجن، 29 کرسک ریجن اور 17 بلگورود میں گرائے گئے ہیں، ان تمام علاقوں کی سرحد یوکرین سے ملتی ہے۔
مزید بتایا گیا کہ مزید 18 ڈرونز اوریول ریجن میں گرائے گئےہیں، جس کی سرحد کرسک سے ملتی ہے جہاں اس سے قبل یوکرین نے تیل کی تنصیبات کا ڈرون حملوں سے نشانہ بنایا تھا۔
روس کی سول ایوی ایشن اتھارٹی روساویاٹسیا نے بیان میں کہا کہ سینٹ پیٹرزبرف، کالوگا، ماسکو اور نیزہنے نوگورود میں ایئرپورٹ پر ڈرون حملوں کی وجہ سے حفاظتی اقدامات کے تحت رات گئے عائد کی گئیں پابندیاں ہٹا دی گئی ہیں۔
یوکرین نے تین سال سے زائد عرصے سے جاری جنگ میں ڈرون حملوں میں بتدریج اضافہ کردیا ہے اور روس کے اندر مختلف اہداف کو نشانہ بنانے کے لیے ڈرون حملوں میں اضافہ کر دیا ہے۔
.ذریعہ: Express News
کلیدی لفظ: ڈرون حملوں
پڑھیں:
اسرائیلی حملوں کی محض مذمت کافی نہیں، اسحاق ڈار
وزیر خارجہ کا کہنا ہے کہ دنیا کو اب اسرائیل کا راستہ روکنا ہو گا، سلامتی کونسل میں اصلاحات کی جانی چاہیں اور بطور ایٹمی طاقت پاکستان مسلم امہ کے ساتھ کھڑا ہے۔ اسلام ٹائمز۔ نائب وزیر اعظم اور وزیر خارجہ اسحاق ڈار نے کہا ہے کہ اسرائیلی حملوں کی محض مذمت کافی نہیں، اب ہمیں واضح لائحہ عمل اختیار کرنا ہو گا۔ عرب ٹی وی کو انٹرویو دیتے ہوئے انہوں نے کہا کہ اسرائیل کا لبنان اور شام کے بعد قطر پر حملہ ناقابل قبول اور خلافِ توقع تھا۔ اسحاق ڈار کا کہنا ہے کہ وقت آگیا ہے کہ غزہ میں غیر مشروط جنگ بندی یقینی بنائی جائے، اسرائیلی اشتعال انگیزیوں سے واضح ہے کہ وہ ہرگز امن نہیں چاہتا۔ وزیر خارجہ کا کہنا ہے کہ دنیا کو اب اسرائیل کا راستہ روکنا ہو گا، سلامتی کونسل میں اصلاحات کی جانی چاہیں اور بطور ایٹمی طاقت پاکستان مسلم امہ کے ساتھ کھڑا ہے۔
پاکستان اور قازقستان کا تعلقات مزید مضبوط بنانے کا عزم