فرانسیسی صدر اور خاتون اول کے درمیان تناؤ؟ برطانیہ میں ہاتھ نہ تھامنے کے واقعے پر نئی قیاس آرائیاں
اشاعت کی تاریخ: 9th, July 2025 GMT
فرانس کی خاتون اول بریجٹ میکرون نے برطانیہ کے 3 روزہ سرکاری دورے کے دوران اپنے شوہر، فرانسیسی صدر ایمانول میکرون کا ہاتھ پکڑنے سے گریز کیا، جس کے بعد جوڑے کے درمیان ممکنہ ناخوشگوار تعلق کی خبریں ایک بار پھر گردش کرنے لگیں۔
فرانسیسی صدر منگل کو اپنی اہلیہ کے ہمراہ برطانیہ پہنچے، جہاں شہزادہ ولیم اور شہزادی کیٹ نے ان کا استقبال کیا۔ لیکن اس موقع پر جب میکرون نے اہلیہ کے لیے اپنا ہاتھ آگے بڑھایا، تو خاتون اول نے ان کا ہاتھ تھامنے سے انکار کر دیا۔
یہ واقعہ فوری طور پر میڈیا کی توجہ کا مرکز بن گیا، اور کئی حلقوں میں جوڑے کے تعلقات میں ممکنہ دراڑوں کے بارے میں قیاس آرائیاں کی جانے لگیں۔
???????????????? Drama Unfolding: Macron’s wife REJECTS his hand upon arrival in London
Weeks after shoving him in the face right before cameras… pic.
— Sputnik (@SputnikInt) July 8, 2025
پہلا واقعہ
یاد رہے کہ مئی میں ویتنام پہنچنے پر بھی ایک ایسا ہی واقعہ پیش آیا تھا، جب فرانسیسی صدر کے طیارے کا دروازہ کھُلا اور صدر میکرون کی اہلیہ کا ہاتھ ان کے منہ پر پڑا۔ اس واقعے کے بعد میڈیا میں اس طرح کی خبریں آئیں کہ فرانسیسی خاتون اوّل نے صدر میکرون کو تھپڑ مارا ہے، جس پر صدر نے صحافیوں سے بات کرتے ہوئے وضاحت دی کہ وہ صرف ہنسی مذاق کر رہے تھے۔
یہ بھی پڑھیے فرانسیسی صدر کو خاتونِ اول سے مبینہ تھپڑ پڑنے کی ویڈیو وائرل
دوسرا واقعہ
برطانیہ میں اپنے دورے کے دوران، جب میکرون کا قافلہ ونزر کاسل سے روانہ ہوا، ایک اور دلچسپ واقعہ پیش آیا۔ گاڑی کا دروازہ کھلا رہ گیا، جس کے نتیجے میں 2 بیگ سڑک پر گر گئے۔ اس دوران گاڑی کے پیچھے موجود اہلکاروں کی بھاگ دوڑ اور ایک دوسرے گاڑی کے کھلے دروازے کے باعث یہ منظر مزید دلچسپ بن گیا۔
میکرون کی وضاحت
اگرچہ میڈیا میں ان واقعات کو بڑھا چڑھا کر پیش کیا جا رہا ہے، صدر میکرون نے اس بارے میں کہا تھا کہ وہ اپنی اہلیہ کے ساتھ ’ہلکے پھلکے انداز میں گپ شپ‘ یا مذاق کر رہے تھے۔ تاہم، ان کے اس بیان کے باوجود، عوامی سطح پر جوڑے کے درمیان کشیدگی کے حوالے سے مختلف قیاس آرائیاں کی جا رہی ہیں۔
یہ بھی پڑھیے فرانسیسی صدر کو خاتون اول سے مبینہ تھپڑ؛ ڈونلڈ ٹرمپ نے عالمی رہنماؤں کو کیا مشورہ دیا؟
فرانس اور عالمی میڈیا میں اس وقت یہ سوال اُٹھ رہا ہے کہ کیا واقعی یہ صرف ایک معمولی بات ہے، یا فرانسیسی جوڑے کے درمیان تعلقات میں کوئی حقیقی مسئلہ ہے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمانول میکرون
ذریعہ
ذریعہ: WE News
کلیدی لفظ: ایمانول میکرون خاتون اول کے درمیان جوڑے کے
پڑھیں:
ایران نے فوجی اڈوں کے استعمال پر برطانیہ کو سخت وارننگ دے دی
ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔ اسلام ٹائمز۔ ایران کی وزارت خارجہ نے کہا ہے کہ ایران پر حملوں کے لیے برطانوی فوجی اڈوں کا استعمال بین الاقوامی قانون اور اقوام متحدہ کے چارٹر کی کھلی خلاف ورزی ہے۔ ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔
بیان میں مزید کہا گیا کہ ایسے اقدامات ایران کے خلاف براہِ راست جارحیت میں شرکت تصور کیے جا سکتے ہیں، جس کے سنگین نتائج برآمد ہوں گے۔ ایرانی وزارت خارجہ نے واضح کیا کہ ایران اپنی خودمختاری، سلامتی اور علاقائی سالمیت کے دفاع کا حق محفوظ رکھتا ہے۔ وزارت خارجہ نے خبردار کیا کہ جو بھی ملک ایران پر حملوں میں مدد فراہم کرے گا، اسے اپنے اقدامات کے نتائج بھگتنا ہوں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی