دوران سفر شوہر بیوی کو گیس اسٹیشن پر بھول گیا، تلاش کے لیے پولیس کو بلانا پڑا
اشاعت کی تاریخ: 12th, July 2025 GMT
فرانس میں ایک ایسا انوکھا واقعہ پیش آیا جہاں سیر و تفریح کے لیے جانے والا شخص اپنی بیوی کو ہائی وے پر واقع گیس اسٹیشن پر غلطی سے بھول گیا۔
غیر ملکی میڈیا رپورٹس کے مطابق پیرس سے تعلق رکھنے والے ایک شخص نے اپنی بیوی اور بیٹی کے ہمراہ گاڑی میں مراکش کی سیر کا منصوبہ بنایا اور 5 جولائی کو سیر و تفریح کے لیے روانہ ہوا۔
یہ بھی پڑھیں: کیلیفورنیا میں خاتون کا گھر اَن چاہے ایمازون پارسلز سے بھر گیا
رپورٹس کے مطابق چونکہ انہوں نے سفر کے لیے ہائی وے کا انتخاب کیا تھا، اس لیے راستے میں مختلف گیس اسٹیشنز پر گاڑی کا فیول ڈلوانے کے لیے رکتے رہے۔ تاہم ایک اسٹیشن پر وہ اپنی بیوی کو غلطی سے چھوڑ کر روانہ ہو گیا اور قریباً 300 کلومیٹر کا فاصلہ طے کرنے کے بعد اسے بیوی کی غیر موجودگی کا احساس ہوا۔
مزید حیرت کی بات یہ تھی کہ شوہر کو یہ بھی یاد نہ رہا کہ کس گیس اسٹیشن پر اس نے بیوی کو پیچھے چھوڑا، جس پر بیوی کو تلاش کرنے کے لیے اس نے پولیس سے مدد طلب کی۔
پولیس کا کہنا تھا کہ انہیں اس غیر معمولی کال پر حیرت ہوئی، جب کہ گاڑی میں موجود 22 سالہ بیٹی بھی والدہ کے بارے میں کچھ نہ بتا سکی کیونکہ وہ گاڑی میں سو رہی تھی اور اسے علم ہی نہیں ہوا کہ وہ اپنی والدہ کو کہاں چھوڑ کر آ گئے ہیں۔
پولیس نے خاتون کی تلاش کے لیے ہائی وے پر قائم کئی سروس ایریاز کا جائزہ لیا مگر کامیابی نہ ملی، جس کے بعد جدید ٹیکنالوجی کی مدد لیتے ہوئے موبائل نیٹ ورک کے ذریعے خاتون کا سراغ لگایا گیا۔
یہ بھی پڑھیں: اظہار محبت کے خفیہ اشارے: کیا ایموجیز صدیوں پرانے کوڈ ورڈز کا تسلسل ہیں؟
پولیس کے مطابق خاتون اسی موٹر وے سروس اسٹیشن پر موجود تھیں اور اپنے شوہر اور بیٹی کی واپسی کا انتظار کررہی تھیں۔ بعد ازاں خاتون اپنے شوہر اور بیٹی سے دوبارہ ملیں اور فیملی نے مراکش کے لیے سفر دوبارہ شروع کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انوکھا واقعہ پولیس مدد طلب سفر سیر شوہر بیوی کو بھول گیا گیس اسٹیشن وی نیوز.
ذریعہ
ذریعہ: WE News
کلیدی لفظ: انوکھا واقعہ پولیس مدد طلب گیس اسٹیشن وی نیوز گیس اسٹیشن اسٹیشن پر بیوی کو کے لیے
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ