معروف سیاسی، سماجی و تاجر رہنما علی حسین نقوی مسلم لیگ (ق) میں شامل
اشاعت کی تاریخ: 12th, July 2025 GMT
پی ایم ایل (ق) کے مرکزی سیکرٹری جنرل نے کہا کہ مسلم لیگ (ق) میں پاکستان کی مذہبی جماعت کے معروف سیاسی و تاجر رہنما سمیت عوام کی مسلسل شمولیت اس بات کی غمازی ہے کہ عوام مسلم لیگ پر اعتماد و بھروسہ کرتے ہیں، مسلم لیگ بلاتفریق عوامی مسائل ق لیگ حل کرے گی۔ اسلام ٹائمز۔ پاکستان مسلم لیگ (ق) کے مرکزی سیکرٹری جنرل محمد طارق حسن نے کہا ہے کہ مسلم لیگ چوہدری شجاعت حسین کی قیادت قومی یکجہتی کی علامت ہے جسں میں ہر محب وطن کو عزت و وقار دی جاتی ہے، مسلم لیگ (ق) میں پاکستان کی مذہبی جماعت کے معروف سیاسی و تاجر رہنما سمیت عوام کی مسلسل شمولیت اس بات کی غمازی ہے کہ عوام مسلم لیگ پر اعتماد و بھروسہ کرتے ہیں، مسلم لیگ بلاتفریق عوامی مسائل ق لیگ حل کرے گی۔ ان خیالات کا اظہار انہوں نے معروف رہنما علی حسین نقوی کی مسلم لیگ (ق) میں شمولیت کے موقع پر کیا۔ اس موقع پر ق لیگ سندھ کے صدر سرائی نیاز حسین خاصخیلی، صوبائی سیکرٹری اطلاعات محمد صادق شیخ، نائب صدر سندھ حاجی زاہد اعوان، کراچی ڈویژن کے صدر محمد جمیل احمد خان، نعیم خان و دیگر بھی موجود تھے۔ اس موقع پر سیاسی، سماجی و تاجر رہنما علی حسین نقوی نے کہا کہ مسلم لیگ (ق) کو ملک بھر میں مزید فعال و منظم کریں گے اور عوام کے حقوق دلائیں گے۔ اس موقع پر سندھ کے صدر سرائی نیاز حسین، صوبائی سیکرٹری اطلاعات محمد صادق شیخ، کراچی کے صدر محمد جمیل خان نے قومی سیاسی رہنما علی حسین نقوی کی ق لیگ میں شمولیت پر خوش آمدید کہتے اور انکی شمولیت سے مسلم لیگ ق ملک بھر میں مزید فعال و مضبوط ہوگی۔
.ذریعہ: Islam Times
کلیدی لفظ: رہنما علی حسین نقوی تاجر رہنما مسلم لیگ کے صدر
پڑھیں:
عمران خان کے بیٹے تحریک میں شامل ہوتے ہیں تو بڑا اثر آئے گا.فوادچوہدری،محمدزبیر
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔11 جولائی ۔2025 )سابق وفاقی وزیر فواد چوہدری اور سابق گورنر سندھ محمد زبیر نے کہا ہے کہ عمران خان کے بیٹوں کی شمولیت سے تحریک کو نئی زندگی مل سکتی ہے فواد چوہدری نے موجودہ قیادت پر عدم اطمینان کا اظہار کیا جبکہ محمد زبیر نے حکومت سے مذاکرات کو بے معنی قرار دیا. نجی ٹی وی کے پروگرام میں گفتگو کرتے ہوئے فواد چوہدری کا کہنا تھا کہ اگر تحریک انصاف کے بانی چیئرمین کے بیٹے سلیمان یا قاسم سیاست میں فعال کردار ادا کریں تو تحریک میں نئی جان پڑ جائے گی ان کا کہنا تھا کہ برصغیر میں خاندانوں کا اثر بہت ہوتا ہے اور اگر عمران خان کے بیٹے تحریک میں شامل ہوتے ہیں تو بڑا مجمع بھی اکھٹا ہوگا.(جاری ہے)
انہوں نے پی ٹی آئی کی موجودہ قیادت پر تنقید کرتے ہوئے کہا کہ اس میں وہ دم خم نہیں جو تحریک کو دوبارہ فعال کر سکے فواد چوہدری نے کہا کہ ہم سیاستدان ہیں، ہم پہاڑوں پر چڑھنے کے بجائے سیاسی میدان میں بات چیت کو ترجیح دیتے ہیں. سابق گورنر سندھ محمد زبیر نے بھی موجودہ حکومت پر تنقید کرتے ہوئے کہا کہ ان سے بات کرنا بالکل بے کار ہے ان کی پارٹی سب کو ساتھ لے کر چلنے کی حکمت عملی نہیں اپناتی، یہ سب سے بڑی ناکامی ہے ان کا کہنا تھا کہ اگر عمران خان کے بیٹے سامنے آئیں گے تو یقینی طور پر سیاسی منظرنامے میں بہت فرق آئے گا. محمد زبیر نے کہا کہ جب کوئی اسلام آباد کی جانب مارچ کا اعلان کرتا ہے تو حکومت پنجاب پورا صوبہ بند کر دیتی ہے اور اس دوران پی ٹی آئی کی قیادت میدان میں موجود ہی نہیں ہوتی یہ پہلا اعلان ہی اسلام آباد آنے کا کرتے ہیں جس سے پکڑ دکھڑ شروع ہو جاتی ہے ان کے لیڈران اپنے ڈرائنگ روم میں بیٹھ کر تحریک چلا رہے تھے بات چیت نہیں ہو سکتی تو اب احتجاج کے سوا کیا آپشن رہ جاتا ہے، پچھلے احتجاجوں میں حکمت عملی اچھی نہیں تھی، بیٹوں کے آنے سے فرق پڑے گا ایئر پورٹ سے اترتے ہی عمران خان کے بچوں کو گرفتار کیا جا سکتا ہے حکومت ہر انتہا تک جائے گی.
واٹس ایپ صارفین کیلئے خوشخبری، چیٹس میں بہترین فیچر کا اضافہ