لکی مروت: پولیس اسٹیشن پر پر دہشت گردوں کا حملہ ناکام، بروقت کارروائی سے بڑی تباہی ٹل گئی
اشاعت کی تاریخ: 12th, July 2025 GMT
خیبرپختونخوا کے ضلع لکی مروت میں تھانہ گمبیلا کو دہشت گردی کا نشانہ بنانے کی کوشش ناکام بنا دی گئی۔ پولیس کے مطابق 10 سے 12 مسلح دہشت گردوں نے تھانے پر مورچہ زن ہو کر حملہ کرنے کی کوشش کی، تاہم پولیس کے چاق و چوبند دستے نے بروقت جوابی کارروائی کرتے ہوئے دہشت گردوں کو پسپا ہونے پر مجبور کر دیا۔
پولیس حکام نے تصدیق کی ہے کہ تھانہ گمبیلا کی نفری مکمل طور پر محفوظ رہی جبکہ دہشت گرد حملے میں کوئی جانی نقصان نہیں ہوا۔ حملے کے فوراً بعد علاقے میں سرچ آپریشن شروع کر دیا گیا تاکہ دہشت گردوں کے فرار کے راستوں کی نشاندہی کی جا سکے۔
آئی جی خیبرپختونخوا ذوالفقار حمید نے تھانے پر حملے کو ناکام بنانے پر لکی مروت پولیس کو خراج تحسین پیش کیا اور پولیس اہلکاروں کی جرات اور مستعدی کو سراہا۔ انہوں نے کہا کہ خیبرپختونخوا پولیس ہر حال میں شہریوں کے تحفظ اور امن دشمن عناصر کی سازشیں ناکام بنانے کیلئے پرعزم ہے۔
ریجنل پولیس آفیسر (آر پی او) بنوں، سجاد خان نے بھی پولیس کی مؤثر اور بروقت کارروائی پر جوانوں کو شاباش دی اور کہا کہ ایسے واقعات پولیس کے حوصلے پست نہیں کر سکتے، بلکہ دہشت گردوں کے خلاف ہمارے عزم کو مزید مضبوط بناتے ہیں۔
ادھر عوامی حلقوں اور مقامی عمائدین نے بھی پولیس کی بہادری پر اطمینان کا اظہار کرتے ہوئے امن قائم رکھنے میں قانون نافذ کرنے والے اداروں کے کردار کو سراہا۔
Post Views: 6.ذریعہ: Daily Mumtaz
پڑھیں:
بلوچستان: ضلع شیرانی میں تھانوں پر دہشت گردوں کا حملہ، پولیس اور لیویز اہلکار شہید
بلوچستان کے ضلع شیرانی میں دہشت گردوں نے پولیس اور لیویز کے تھانوں پر حملہ کر دیا۔دہشتگردوں کے حملے کے نتیجے میں ایک پولیس اور ایک لیویز اہلکار شہید جبکہ 6 اہلکار زخمی ہوگئے۔ سول اسپتال ژوب میں ایمرجنسی نافذ کردی گئی۔ڈپٹی کمشنر شیرانی نے بتایا کہ دہشت گردوں کے حملے میں تھانوں کے کمیونیکیشن سسٹم کو بھی نقصان پہنچا۔یاد رہے کہ ضلع شیرانی بلوچستان اور خیبر پختونخوا کی آخری حدود میں واقع ہے اور اس علاقے میں ماضی میں بھی دہشت گردوں کی جانب سے کئی بار پولیس تھانوں کو نشانہ بنایا جا چکا ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام