سابق گورنر پنجاب میاں اظہر انتقال کر گئے
اشاعت کی تاریخ: 22nd, July 2025 GMT
لاہور(اُردو پوائنٹ اخبارتازہ ترین۔ 22 جولائی2025ء) سابق گورنر پنجاب میاں اظہر انتقال کر گئے۔ تفصیلات کے مطابق پاکستان تحریک انصاف کے سینئر رہنما لاہور میں انتقال کر گئے۔
(جاری ہے)
میڈیا رپورٹس کے مطابق سابق گورنر پنجاب اور پی ٹی آئی کے سابق وفاقی وزیر حماد اظہر کے والد میاں اظہر منگل کی شب کو انتقال کر گئے۔ میاں اظہر طویل عرصے سے علیل تھے۔ میاں اظہر نے اپنے صاحبزادے حماد اظہر کی روپوشی کے باعث عام انتخابات 2024 میں تحریک انصاف کے ٹکٹ پر لاہور سے الیکشن میں فتح حاصل کی تھی، تاہم علالت کے باعث وہ سیاسی سرگرمیوں سے دور رہے۔
.
ذریعہ
ذریعہ: UrduPoint
کلیدی لفظ: تلاش کیجئے انتقال کر گئے میاں اظہر
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار