ناروے کپ کے ہیروز لیاری کراچی کی فٹبال ٹیم کا سندھ اسمبلی میں شاندار استقبال
اشاعت کی تاریخ: 8th, August 2025 GMT
سینئر وزیر شرجیل میمن نے وزیرِ اعلیٰ سندھ اور اسپورٹس ڈپارٹمنٹ کی جانب سے ان کھلاڑیوں کو انعامات دینے کی یقین دہانی کرائی اور کہا کہ ان کے شایانِ شان انعامات کا باضابطہ اعلان جلد کیا جائے گا۔ اسلام ٹائمز۔ ناروے کپ جیت کر ملک و قوم کا نام روشن کرنے والی لیاری کراچی کی فٹ بال ٹیم پارلیمانی سیکریٹری و ایم پی اے لیاری شازیہ کریم سنگھار کے ہمراہ سندھ اسمبلی پہنچی۔ اسپیکر سندھ اسمبلی اویس قادر شاہ، سینئر وزیر شرجیل انعام میمن، سابق اسپیکر آغا سراج درانی اور اپوزیشن رہنما صابر راجپوت نے فلور آف دی ہاؤس پر کھڑے ہو کر ٹیم کو شاندار الفاظ میں خوش آمدید کہا۔ ارکانِ اسمبلی نے ان نوجوان کھلاڑیوں کو ’قومی ہیروز‘ قرار دیتے ہوئے کہا کہ انہوں نے پاکستان اور سندھ کا وقار بلند کیا ہے۔ سینئر وزیر شرجیل میمن نے وزیرِ اعلیٰ سندھ اور اسپورٹس ڈپارٹمنٹ کی جانب سے ان کھلاڑیوں کو انعامات دینے کی یقین دہانی کرائی اور کہا کہ ان کے شایانِ شان انعامات کا باضابطہ اعلان جلد کیا جائے گا۔
اس موقع پر دلچسپ صورتحال اس وقت پیدا ہوئی، جب آغا سراج درانی نے وزیر ٹرانسپورٹ شرجیل میمن کو تجویز دی کہ بچوں کو ریڈ بس کا تحفہ بھی دیا جائے، تاکہ انہیں انٹر سٹی میچز میں آمد و رفت کی سہولت میسر ہو۔ اس تجویز پر اسمبلی ارکان نے ڈیسک بجا کر بھرپور تائید کی، جس سے ناروے کپ کے فاتح کھلاڑیوں میں خوشی کی لہر دوڑ گئی۔ پارلیمانی سیکریٹری و ایم پی اے شازیہ کریم سنگھار کے ہمراہ سندھ اسمبلی پہنچنے والی ٹیم نے عالمی فٹبال ایونٹ ناروے کپ 2025ء اپنے نام کر کے دنیا بھر میں سبز ہلالی پرچم لہرایا۔ ’بیٹر فیوچر پاکستان‘ کے نام سے میدان میں اُترنے والی لیاری کراچی کے باصلاحیت نوجوانوں کی اس جیت نے ناصرف کھیل کے میدان میں تاریخ رقم کی، بلکہ پاکستان کا نام عالمی افق پر فخر سے بلند کیا۔
ذریعہ: Islam Times
کلیدی لفظ: سندھ اسمبلی ناروے کپ
پڑھیں:
سنگا کپ فٹبال: لیاری فٹبال اکیڈمی نے تاریخ رقم کردی
سنگا کپ فٹبال ٹورنامنٹ 2025 میں پاکستان کی نمائندگی کرنے والی لیاری فٹبال اکیڈمی نے تاریخ رقم کرتے ہوئے فائنل میں جگہ بنا لی۔
تفصیلات کے مطابق سنگاپور میں جاری ایشیا کے سب سے بڑے یوتھ فٹبال ٹورنامنٹ کے بوائز انڈر16 سیمی فائنل میں لیاری فٹبال اکیڈمی نے انڈونیشیا کی مضبوط ٹیم ٹاپ ٹینگ ایبولا کو 0-1 سے شکست دے کر ٹائٹل پر نظریں جمالیں۔
سیمی فائنل میں فتح پاکر سلور میڈل یقینی بنانے والی لیاری فٹبال اکیڈمی کی ٹیم اب گولڈ میڈل کے لیے مقابلہ کرے گی۔
سیمی فائنل میں مضبوط حریف ٹیم کے خلاف کامیابی لیاری سے تعلق رکھنے والے نو عمر کھلاڑیوں کی انتھک محنت، عمدہ ٹیم ورک کے ساتھ کوچنگ اسٹاف طارق تاج اور زبیر فیض کی بہترین حکمت عملی کا نتیجہ رہی۔
پنجگور، لیویز فورس کے پولیس میں انضمام کیخلاف اہلکاروں کا احتجاج