فواد خان کی فلم ’عبیر گلال‘ کب ریلیز ہو گی، تاریخ سامنے آ گئی
اشاعت کی تاریخ: 11th, August 2025 GMT
پاکستانی سپر اسٹار فواد خان کی بالی ووڈ فلم ’عبیر گلال‘، جس کی ریلیز پہلگام واقعے کے بعد مؤخر کر دی گئی تھی، اب بالآخر اس کی نئی ریلیز کی تاریخ سامنے آ گئی ہے۔
یہ فلم اصل میں 9 مئی کو سینما گھروں میں پیش کی جانی تھی، مگر 22 اپریل کو پہلگام حملے کے بعد اس کی ریلیز غیر معینہ مدت تک روک دی گئی تھی اور خدشہ تھا کہ شاید یہ فلم کبھی بھی ریلیز نہ ہو سکے۔
یہ بھی پڑھیں: ’فواد خان کی فلم ریلیز نہیں ہونی چاہیے‘، پہلگام حملے کے بعد بھارت میں پاکستانی فنکار کے خلاف احتجاج
رپورٹس کے مطابق اس فلم کو ’آبیر گلال‘ کے نام سے 29 اگست کو دنیا بھر میں تھیٹرز میں ریلیز کیا جائے گا۔ لیکن فلمی حلقوں کا ماننا ہے کہ پاکستانی فنکاروں کے خلاف موجودہ مخالفت کے پیش نظر، یہ فلم بھارت میں باضابطہ طور پر ریلیز ہونے کا امکان نہیں رکھتی۔
بھارتی میڈیا رپورٹس کے مطابق ’عبیر گلال‘ کے پروڈیوسرز نے بھی وہی طریقہ اپنانے کا فیصلہ کیا ہے جو ’سردار جی 3‘ کے لیے اپنایا گیا تھا۔ اس فلم میں دلجیت دوسانجھ اور پاکستانی اداکارہ ہانیہ عامر شامل تھیں، اور بھارت میں ریلیز نہ ہونے کے باوجود فلم نے بیرونِ ملک شاندار بزنس کیا۔
یہ بھی پڑھیں: فواد خان بالی ووڈ میں واپسی پر کتنا معاوضہ لے رہے ہیں؟
اسی طرح ’چل میرا پُت 4‘، ایک اور پنجابی فلم ہے جو بھارت سے باہر ریلیز کی گئی اور وہ بھی بڑی ہٹ ثابت ہوئی۔ اب دیکھنا یہ ہے کہ آیا ’آبیر گلال‘ بھی وہی راستہ اختیار کرتے ہوئے عالمی سطح پر کامیاب ہو پاتی ہے یا نہیں۔
واضح رہے کہ پہلگام حملے سے پہلے، ’عبیر گلال‘ کی تشہیر زور و شور سے جاری تھی۔ فلم کا میوزک لانچ 19 اپریل کو دبئی کے گلوبل ولیج میں ہوا تھا، جسے مداحوں اور میڈیا کی جانب سے خوب پذیرائی ملی تھی۔ تاہم، حملے کے صرف دو دن بعد صورتحال بدل گئی اورساریگاما نے گانوں اور ٹیزر کو یوٹیوب اور انسٹاگرام سے ڈیلیٹ کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دلجیت دوسانجھ سردار جی 3 عبیر گلال فواد خان ہانیہ عامر.ذریعہ: WE News
کلیدی لفظ: بالی ووڈ دلجیت دوسانجھ عبیر گلال فواد خان ہانیہ عامر عبیر گلال فواد خان
پڑھیں:
ہم حکومت اور نااہل اپوزیشن کے درمیان پس رہے ہیں،فواد چودھری
ہم حکومت اور نااہل اپوزیشن کے درمیان پس رہے ہیں،فواد چودھری WhatsAppFacebookTwitter 0 8 August, 2025 سب نیوز
لاہور(سب نیوز)سابق وفاقی وزیر فواد چودھری نے کہا ہے کہ ہم بدقسمتی سے حکومت اور نااہل اپوزیشن تحریک انصاف کے درمیان پس رہے ہیں۔
لاہور میں عدالت کے باہر میڈیا سے گفتگو کرتے ہوئے فواد چودھری نے کہا ہے کہ پاکستان میں سیاسی حالات بدترین حالت میں ہیں جہاں حکومت اور اپوزیشن تحریک انصاف کی اندرونی سیاسی لڑائیاں عوام کیلئے مشکلات کا باعث بن رہی ہیں۔فواد چودھری نے کہا ہے فیصلے جو آ رہے ہیں وہ سب آپ کے سامنے ہیں، صبح ایک بندہ اٹھتا ہے اور کہتا ہے کہ آج ہم احتجاج کریں گے پھر ساری قیادت اڈیالہ جیل پہنچ جاتی ہے، کھانے کھا کر واپس آ جاتی ہے لیکن عام کارکن پس رہا ہے، یہ سلسلہ کب تک جاری رہے گا اس کا علم نہیں۔
انہوں نے موجودہ سیاسی بحران پر تنقید کرتے ہوئے کہا ہے کہ نہ تو سیاست ہو رہی ہے اور نہ ہی وکالت، آپ کو ویسا لائحہ عمل اختیار کرنا چاہیے تھا جیسے ہندوستان میں راہول گاندھی نے الیکشن کمیشن کے خلاف ثبوت پیش کیے، پاکستان میں اس وقت ایک غیر یقینی صورتحال ہے، عوام اور حکومت کے درمیان فاصلہ بڑھ چکا ہے۔
قبل ازیں انسداد دہشت گردی عدالت لاہور میں فواد چودھری کی عبوری ضمانت پر سماعت ہوئی جس میں پانچ مختلف مقدمات شامل ہیں، ان مقدمات میں الزام ہے کہ فواد چودھری نے اپنے کارکنان کو پولیس کی گاڑیاں جلانے اور ہنگامہ آرائی کیلئے اکسایا۔فواد چودھری نے عدالت میں پیش ہو کر تفتیش مکمل ہونے کی اطلاع دی اور ان کے وکیل نے ضمانتوں پر دلائل مکمل کئے۔پراسیکیوٹر نے کہا کہ فواد چودھری پر جناح ہاقس کے قریب چوک میں پولیس کی گاڑیاں جلانے کے تین مقدمات میں ضمانت پہلے ہی موجود ہے، جبکہ مغلپورہ اور زمان پارک میں پولیس کی گاڑیاں جلانے کے دو مقدمات میں ضمانت دائر کر رکھی ہے۔عدالت نے دلائل سننے کے بعد فواد چودھری کی عبوری ضمانت میں 26 ستمبر تک توسیع کر دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسکیورٹی فورسز نے لاہور میں مناواں کے قریب بھارتی ڈرون مارگرایا سکیورٹی فورسز نے لاہور میں مناواں کے قریب بھارتی ڈرون مارگرایا زاہد اقبال چوہدری کا تاجر رہنما قاضی محمد اکبر کی وفات پر گہرے دکھ کا اظہار وزیر اعظم محمد شہباز شریف نے رحمت العالمین اتھارٹی کے پانچ ارکان تعینات کر دیئے،نوٹیفکیشن سب نیوز پر قومی اسمبلی کے بعد سینیٹ سیکرٹریٹ نے بھی اپوزیشن لیڈر شبلی فرازکا دفتر خالی قرار دینے کا نوٹیفکیشن جاری کر دیا پاک افغان بارڈر سے خواجیوں کی پاکستان میں داخلے کی کوشش ناکام ، 33جہنم واصل جب سے فتنہ جیل گیا ملک میں سب ٹھیک ہورہا ہے، عظمی بخاریCopyright © 2025, All Rights Reserved
رابطہ کریں ہمارے بارے ہماری ٹیم
وزیراعظم شہباز شریف ایرانی صدر کے اعزازمیں ظہرانہ دیں گے