ایف بی آر نے گریڈ 17 کے کسٹمز اپریز طارق کھوکھر کو ملازمت سے برخاست کر دیا
اشاعت کی تاریخ: 11th, August 2025 GMT
وقاص عظیم فیڈرل بورڈ آف ریونیو (ایف بی آر) نے گریڈ 17 کے کسٹمز اپریز طارق کھوکھر کو ملازمت سے برخاست کر دیا ہے۔
ایف بی آر کی جانب سے جاری کردہ نوٹیفیکیشن میں بتایا گیا ہے کہ طارق کھوکھر مستقل ڈیوٹی سے غیر حاضر رہے جبکہ ان کی بیرون ملک رخصت 2023 میں ختم ہو چکی تھی۔
نوٹیفیکیشن کے مطابق طارق کھوکھر کے خلاف متعدد بار انضباطی کارروائی کی گئی اور انہیں شوکاز نوٹسز بھی جاری کیے گئے تھے تاہم وہ ڈیوٹی پر واپس نہ آئے۔ اس کے بعد چیئرمین ایف بی آر نے طارق کھوکھر کو ملازمت سے برخاست کرنے کا حکم جاری کیا۔
عمان کا شناختی کارڈ سے متعلق اہم فیصلہ
ذریعہ: City 42
کلیدی لفظ: طارق کھوکھر ایف بی آر
پڑھیں:
کراچی میں کسٹمز کی کارروائی، 42 ہزار لیٹر سے زائد اسمگل شدہ ایرانی ڈیزل برآمد
کراچی میں محکمہ کسٹمز انفورسمنٹ نے اسمگل شدہ ایرانی ڈیزل کے خلاف کارروائی کرتے ہوئے جمعے کے روز 42 ہزار 200 لیٹر سے زائد ایرانی ڈیزل برآمد کرلیا۔
برآمد کردہ ڈیزل کی مالیت 1 کروڑ 20 لاکھ روپے سے زائد بتائی گئی ہے۔
یہ بھی پڑھیں: پیٹرول اور ڈیزل اسمگل کرنے والوں کے خلاف کیا کارروائی ہو گی؟
یہ کارروائی ناردرن بائی پاس کے علاقے میں غیرقانونی ذخیرہ گاہوں اور فروخت کے مراکز کیخلاف کی گئی۔
محکمہ کسٹمز کی جانب سے جاری کردہ بیان کے مطابق، مستند خفیہ اطلاع پر کسٹمز کی ٹیموں نے اعلیٰ افسران کی نگرانی میں علی الصبح مشترکہ کارروائی کی۔
اس ضمن میں بتایا گیا کہ علی الصبح کی گئی اس کارروائی کا مقصد ممنوعہ سامان کو محفوظ مقام پر منتقل ہونے سے روکنا بھی تھا۔
کارروائی کے دوران متعدد خفیہ ٹینک اور عارضی اسٹوریج کی جگہیں دریافت ہوئیں، جن سے تقریباً 42 ہزار 200 لیٹر ایرانی ڈیزل برآمد کیا گیا۔
مزید پڑھیں: کوئٹہ میں ایرانی پیٹرول کی غیر قانونی فروخت پھر شروع، حکومتی پابندی مؤثر کیوں نہ رہی؟
محکمہ کسٹمز کے مطابق، ضبط شدہ ایندھن کو کورنگی میں واقع کیسپیین اسٹیٹ ویئرہاؤس منتقل کر دیا گیا ہے تاکہ اسے محفوظ تحویل میں رکھا جا سکے۔
ایف بی آر نے بیان میں کہا کہ یہ کارروائی پیٹرولیم مصنوعات کی اسمگلنگ کے خلاف ایف بی آر کے عزم کی عکاس ہے۔
ان کے مطابق، اسمگلنگ سے قومی خزانے کو بھاری نقصان پہنچتا ہے اور جائز تجارت متاثر ہوتی ہے۔
ایف بی آر نے ملک بھر میں اسمگلنگ کے خلاف زیرو ٹالرنس پالیسی جاری رکھنے، سخت کارروائیاں یقینی بنانے اور قانونی کاروبار و قومی محصولات کے تحفظ کے عزم کا اعادہ کیا۔
گزشتہ ماہ بھی کراچی میں کسٹمز انفورسمنٹ کے میرین یونٹ نے 3 لکڑی کی لانچوں سے 1 لاکھ 32 ہزار 564 لیٹر ایرانی ہائی اسپیڈ ڈیزل برآمد کیا تھا۔
جس کی مالیت 7 کروڑ 80 لاکھ روپے سے زائد تھی، یہ اب تک ایرانی ڈیزل کی سب سے بڑی ایک روزہ برآمدگی قرار دی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ ویئرہاؤس اسمگلنگ ایف بی آر زیرو ٹالرنس پالیسی قومی خزانے کراچی محکمہ کسٹمز انفورسمنٹ ناردرن بائی پاس
استعمال شدہ اور سیکنڈ ہینڈ آٹو پارٹس کی غیر قانونی کلیئرنس کا انکشاف