کیا شاہ چارلس کے چھوٹے بیٹے ہیری دوبارہ اپنا شاہی کردار دوبارہ حاصل کرلیں گے؟
اشاعت کی تاریخ: 11th, August 2025 GMT
بادشاہ چارلس سوم کی اپنے علیحدہ کیے گئے چھوٹے بیٹے پرنس ہیری سے متوقع مستقبل کی ملاقات نے کئی سوالات کھڑے کر دیے ہیں جن میں سے ایک اہم سوال یہ ہے کہ کیا پرنس ہیری دوبارہ اپنا شاہی کردار واپس حاصل کرلیں گے اور جانشینی کی لائن میں کوئی ڈرامائی تبدیلی آئے گی؟
یہ بھی پڑھیں: اپنی شادی پر بادشاہ چارلس اور لیڈی ڈیانا کے چپکے چپکے آنسو بہانے کا عقدہ کھل گیا
شاہی مداح اور مبصرین بکنگھم پیلس سے بڑی اعلان کا انتظار کر رہے ہیں اور کچھ نے جانشینی لائن میں ممکنہ تبدیلیوں اور ہیری کے فعال کردار کے بارے میں بحث کی ہے۔
جانشینی کی موجودہ لائن اس طرح ہے: ڈیوک آف سسیکس (پرنس ہیری) برطانوی تخت نشینی کے لحاظ سے 5ویں نمبر پر ہیں۔ ان کے بڑے بھائی پرنس ولیم (پہلے نمبر پر)، پرنس ولیم کے بیٹے پرنس جارج آف ویلز (دوسرے نمبر پر)، بیٹی شہزادی شارلٹ آف ویلز (تیسرے نمبر پر) اور بیٹے پرنس لوئس آف ویلز (چوتھے نمبر پر) ہیں۔
پرنس ہیری کے بعد ان کے بچے، پرنس آرچی ماؤنٹ بیٹن ونڈسر (چھٹے نمبر پر) اور پرنسز لِلیبیٹ ماؤنٹ بیٹن ونڈسر (7ویں نمبر پر)، جو بادشاہ چارلس سوم کے پوتے اور پوتیاں ہیں، جانشینی کی لائن میں آتے ہیں۔
مزید پڑھیے: بادشاہ چارلس کا بیٹے شہزادہ ہیری کو حوصلہ افزا اشارہ، بہو میگھن کی سالگرہ پر مثبت جذبے کی جھلک
ڈیوک کے بچوں کے بعد جانشینی کی لائن یارک خاندان سے شروع ہوتی ہے، جس میں پرنس اینڈریو، ڈیوک آف یارک (8ویں نمبر پر) شامل ہیں جو بادشاہ کے چھوٹے بھائی ہیں اور ان کے بعد پرنسز بیٹریس آف یارک (نواں نمبر) اور ان کے بچے،اور پھر پرنسز یوجینی آف یارک (10ویں نمبر) اور ان کا بیٹا آتے ہیں۔
76 سالہ بادشاہ کی صحت کی غیر یقینی صورتحال نے بھی برطانوی شاہی خاندان کے مستقبل کے حوالے سے قیاس آرائیوں کو مزید تقویت دی ہے۔
تاہم محل کے ایک معاون نے جانشینی لائن میں کسی بھی ممکنہ تبدیلی کی افواہوں کی سختی سے تردید کی اور کہا کہ انہیں، قریبی مستقبل میں ایسا ہونے والا نہیں ہے۔
ایک تازہ رپورٹ کے مطابق، پرنس اور پرنسز آف ویلز اس ہفتے وی جے ڈے کی 80 ویں سالگرہ کے موقع پر بادشاہ چارلس اور کوئین کیملا کے ساتھ شاہی تقریبات میں شامل نہیں ہوں گے۔
وی جے ڈے یعنی جاپان پر فتح کا دن (Victory over Japan Day) جو ہر سال اس دن کی یاد میں منایا جاتا ہے جب دوسری جنگ عظیم کا اختتام ہوا تھا۔ یہ دن 15 اگست 1945 کی یاد میں منایا جاتا ہے جب جاپان نے اتحادی افواج کے سامنے غیر مشروط ہتھیار ڈال دیے تھے اور دنیا بھر میں جنگ کا خاتمہ ہوا۔
برطانیہ، امریکا اور دیگر اتحادی ممالک میں وی جے ڈے کی تقریبات اور یادگاریں امن، آزادی اور قربانی کی اہمیت کو اجاگر کرتی ہیں۔
مزید پڑھیں: حقیقی زندگی میں طلسماتی کہانی جیسا سماں باندھتی مشہور شاہی شادیاں
ہیری، جنہوں نے بورڈ کی چیرپرسن اور ٹرسٹیز کے درمیان تنازع کے باعث سینٹی بیل کے سرپرست کے طور پر استعفیٰ دیا ہے، نے ایک نئے چیریٹی شروع کرنے کی تصدیق کی ہے جو ان کے سینٹی بیل چیریٹی سے ان کے خروج کے بعد سامنے آیا ہے۔
برطانوی تخت کے ورثا (Line of Succession)
نمبر نام رشتہ بادشاہ چارلس سے
1️⃣ پرنس ولیم، پرنس آف ویلز سب سے بڑے بیٹے
2️⃣ پرنس جارج آف ویلز پوتے (پرنس ولیم کے بیٹے)
3️⃣ پرنسز شارلٹ آف ویلز پوتی (پرنس ولیم کی بیٹی)
4️⃣ پرنس لوئس آف ویلز پوتے (پرنس ولیم کے بیٹے)
5️⃣ پرنس ہیری، ڈیوک آف سسیکس چھوٹے بیٹے
6️⃣ پرنس آرچی ماونٹ بیٹن ونڈسر پوتے (پرنس ہیری کے بیٹے)
7️⃣ پرنسز للیبیٹ ماونٹ بیٹن ونڈسر پوتی (پرنس ہیری کی بیٹی)
8️⃣ پرنس اینڈریو، ڈیوک آف یارک چھوٹے بھائی
9️⃣ پرنسز بیٹریس آف یارک بھتیجی (پرنس اینڈریو کی بیٹی)
???? پرنسز یوجینی آف یارک بھتیجی (پرنس اینڈریو کی بیٹی)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بادشاہ چارلس برطانوی تخت کے جانشین برطانوی شاہی خاندان پرنس ہیری.ذریعہ: WE News
کلیدی لفظ: بادشاہ چارلس برطانوی تخت کے جانشین برطانوی شاہی خاندان پرنس ہیری بادشاہ چارلس پرنس اینڈریو جانشینی کی بیٹن ونڈسر پرنس ولیم پرنس ہیری لائن میں کے بیٹے آف ویلز آف یارک کی بیٹی کے بعد
پڑھیں:
عرب میڈیا بھی پاکستانی ڈراموں کی تعریف کیے بغیر نہ رہ سکا
پاکستان کے نجی ٹی وی پر نشر ہونے والے ڈراموں کا بھارت کے بعد اب عرب پر بھی چرچا ہورہا ہے۔
گلف نیوز کی رپورٹ کے مطابق پاکستانی ڈراموں کی جاندار کہانی، شاندار اداکاری کی وجہ سے دھوم اور سحر آج بھی برقرار ہے ہے اور لوگ انہیں آج بھی دیکھنا پسند کرتے ہیں۔
نشریاتی ادارے کی رپورٹ میں سب سے زیادہ دیکھے جانے والے 5 ڈراموں کا تذکرہ کیا گیا ہے۔
رپورٹ میں لکھا گیا ہے کہ پاکستانی ڈراموں کی کہانی درد بھری اور خوبصورت ہوتی ہے جو ناظرین کو اپنی طرف کھنیچتی ہے۔
یہ سیریل ہمیشہ روایتی 'خوشگوار انجام' پر ختم نہیں ہوتے بلکہ زندگی کی الجھنوں، درد اور المیوں کو بڑی بے باکی سے دکھائے جاتے ہیں۔
رپورٹ کے مطابق پہلے نمبر پر ڈرامہ ہم سفر ہے جس میں دکھائی جانے والی محبت کی کہانی اور اتار چڑھاؤ آخر تک ناظرین کو باندھے رکھتا ہے۔
دوسرے نمبر پر زندگی گلزار ہے ڈرامہ رہا جس میں طبقاتی تقسیم، صنفی توقعات اور پرانے زخموں کی عکاسی کی گئی ہے۔
تیسرے نمبر پر ڈرامہ دام رہا، جس میں دو لڑکیوں کی دوستی کو دکھایا گیا ہے اور ان میں سے ایک لڑکی اپنی دوست سے جھگڑے کے بعد اُس کے بھائی سے محبت میں مبتلا ہوجاتی ہے۔
چوتھے نمبر پر ڈرامہ داستان ہے جس کی کہانی جھنجھوڑ دینے والی ہے۔ اس میں فرقہ وارانہ تقسیم کے دور میں اصول پسند اور مثالی جوڑے کو دکھایا گیا ہے، جو معاشرے کی وجہ سے بہت سے اتار چڑھاؤ دیکھتا ہے۔
رپورٹ میں پانچویں نمبر پر ڈرامہ رہائی رہا، جس میں ظلم کا شکار لڑکی دوبارہ عزت حاصل کرتی اور اپنی بہو کو کم عمری کی شادی کی فرسودہ رسم سے بچاتی جبکہ اُس کا بیٹا وسیم (کردار) ظالم ہوتا ہے۔
سعودی عرب کا اسرائیلی وزیر کی مسجد الاقصیٰ میں اشتعال انگیزی پر شدید ردعمل