قومی بیڈمنٹن پلیئر پلوشہ بشیر رشتۂ ازدواج میں منسلک
اشاعت کی تاریخ: 28th, August 2025 GMT
لاہور (اسپورٹس ڈیسک) قومی بیڈمنٹن پلیئر پلوشہ بشیر شادی کے بندھن میں بندھ گئیں۔ کھلاڑی نے سماجی رابطے کی ویب سائٹس فیس بک اور انسٹاگرام پر اپنی شادی کی تصاویر شیئر کرتے ہوئے اس نئی زندگی کا اعلان کیا۔
37 سالہ پلوشہ بشیر نے اپنے پیغام میں کہا کہ “شکر الحمدللّٰہ، یہ بتاتے ہوئے خوشی محسوس کر رہی ہوں کہ اب ہم شادی شدہ ہیں”۔ انہوں نے اللّٰہ تعالیٰ کا شکر ادا کرتے ہوئے دعا کی کہ یہ رشتہ ہمیشہ محبت، رحمت اور برکت کا ذریعہ بنے۔
پلوشہ نے شادی کے اعلان کے ساتھ ایک قرآنی آیت بھی شیئر کی۔ وہ 17 اگست کو رشتۂ ازدواج میں منسلک ہوئی ہیں، تاہم مداحوں کے ساتھ یہ خوشخبری اب شیئر کی گئی۔
View this post on InstagramA post shared by Palwasha Bashir (@bashirpalwasha)
سوشل میڈیا پر اعلان کے فوراً بعد ان کے چاہنے والوں، عزیز و اقارب اور کھیلوں کے حلقوں کی جانب سے مبارکباد اور نیک خواہشات کا سلسلہ شروع ہوگیا ہے۔
ذریعہ
ذریعہ: Daily Mumtaz
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم