سیاست چھوڑیں، ملک کے لیے کھیلیں، یونس خان کی ٹیم کو تنبیہ
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان کرکٹ ٹیم کے سابق کپتان اور مایہ ناز بیٹر یونس خان نے کھلاڑیوں پر سخت برہمی کا اظہار کرتے ہوئے کہا ہے کہ سیاست کو کھیل سے الگ رکھیں اور صرف ملک و قوم کے لیے میدان میں اتریں۔
میڈیا سے گفتگو کرتے ہوئے یونس خان نے کہا کہ پاکستان ٹیم میں مستقل مزاجی کا فقدان ہے اور یہ کمزوری جیت کی راہ میں بڑی رکاوٹ ہے، میچز میں کامیابی صرف بہتر منصوبہ بندی اور کم سے کم تبدیلیوں سے ممکن ہے، جبکہ بار بار تبدیلیاں ٹیم کی کارکردگی پر منفی اثر ڈالتی ہیں۔
انہوں نے کھلاڑیوں کو تنبیہ کی کہ اپنے لیے نہیں بلکہ پاکستان کے لیے کھیلیں، اگر شاہین شاہ آفریدی جیسا فاسٹ بولر بیٹنگ میں بھی بہترین کارکردگی دکھا سکتا ہے تو دوسرے کھلاڑیوں کو بھی اپنی صلاحیتیں بہتر بنانی چاہییں۔
ایشیا کپ کے حوالے سے یونس خان نے کہا کہ اگر پاکستان اور بھارت کے درمیان فائنل کھیلا گیا تو یہ شائقین کے لیے بڑا موقع ہوگا، بھارتی ٹیم کو کمزور اور پاکستان ٹیم کو ناقابلِ شکست سمجھنا درست نہیں، دونوں ہی ٹیمیں متوازن ہیں، بھارتی ٹیم کی اچھی کارکردگی کا راز کم سے کم تبدیلیاں اور ہر کھلاڑی کا اپنے کردار کو بخوبی نبھانا ہے۔
انہوں نے بھارتی کھلاڑیوں کی طرف سے ہاتھ نہ ملانے کے واقعے پر افسوس کا اظہارکرتے ہوئے کہا کہ یہ اسپورٹس مین اسپرٹ کے منافی تھا۔ “اگر وہ حکومت کے کہنے پر ہاتھ نہیں ملا رہے تو ہمیں جیت کے ذریعے اپنا جواب دینا چاہیے، جیت کر آگے ہاتھ بڑھائیں۔
یونس خان نے بابر اعظم اور محمد رضوان کو بہترین اور باصلاحیت بیٹرز قرار دیا۔ انہوں نے اپنے افغان کرکٹ ٹیم کے بیٹنگ کنسلٹنٹ کے تجربے کو خوشگوار یاد کرتے ہوئے کہا کہ افغان کھلاڑی ان کے سامنے پروان چڑھے اور وہاں انہیں عزت و پذیرائی ملی۔
ذریعہ: Jasarat News
کلیدی لفظ: یونس خان نے کہا کہ کے لیے
پڑھیں:
پی سی بی کا سکولوں میں ٹیلنٹ ہنٹ پروگرام کا آغاز
کرکٹ کے افق پر چمکتے ستاروں کی تلاش، پی سی بی نے ملک بھر کے سکولوں میں ٹیلنٹ ہنٹ پروگرام کا آغاز کردیا۔ چیئرمین پی سی بی محسن نقوی نے ٹیلنٹ ہنٹ پروگرام کا افتتاح کردیا، کریسنٹ ماڈل ہائیر سکول میں پروگرام کی افتتاحی تقریب کا انعقاد کیا گیا، چیئرمین پی سی بی محسن نقوی نے ٹورنامنٹ کی ٹرافی کی رونمائی کی۔محسن نقوی کو کریسنٹ ماڈل سکول اور کریسنٹ گرائمرسکول کے کھلاڑیوں کا تعارف کرایاگیا، اس موقع پر چیئرمین محسن نقوی نے ٹیموں کو پی سی بی کے کٹ بیگز دئیے۔ محسن نقوی نے کہا کہ ٹیلنٹ ہنٹ پروگرام تمام صوبوں میں بیک وقت شروع ہو رہا ہے،پروگرام میں ملک بھر سے 391 سکولز حصہ لے رہے ہیں، پروگرام میں 175 سرکاری سکولز،218 نجی سکولز شامل ہیں۔چیئرمین پی سی بی کا کہنا تھا کہ ہمارا مقصد یوتھ سے نئے کرکٹ سٹارز کی تلاش ہے، امید ہے کہ ٹورنامنٹ سے نئے کھلاڑی سامنے آئیں گے، ٹیلنٹ ہنٹ پروگرام سے سکولز سے کرکٹ سٹارز اُبھریں گے۔انہوں نے کہا کہ میں نے کریسنٹ ماڈل ہائیر سکول میں تعلیم حاصل کی، اس سکول سے بہت سے یادیں وابستہ ہیں،خوشی ہے کہ ٹورنامنٹ کا آغاز کریسنٹ ماڈل سکول سے ہو رہا ہے۔ چیئرمین پی سی بی محسن نقوی نے کہا کہ ہم اسی گراؤنڈ میں کئی کئی گھنٹے گھنٹے گزارتے تھے، پروگرام ٹیلنٹ کی تلاش کے دائرہ کار کو وسعت دینے کیلئے اہم قدم ہے،طلباء کو تعلیم کے ساتھ پیشہ وارانہ کرکٹ میں کیریئر بنانے کا موقع ملے گا۔محسن نقوی نے مزید کہا کہ تمام سکولز بہترین ٹیلنٹ سامنے لائیں گے،اچھے کھلاڑیوں کا انتخاب کرینگے، پی سی بی ٹورنامنٹ میں جیتنے والی سکولز ٹیمز کی حوصلہ افزائی کرے گا، بہترین کارکردگی پر کھلاڑیوں کو انڈر 15، انڈر 17 ریجنل ٹیموں میں شامل کیا جائیگا۔ انہوں نے کہا کہ بہترین کارکردگی پر کھلاڑیوں کو انڈر 19 ریجنل ٹیموں،اکیڈمیوں میں شامل کیا جائیگاتقریب میں بورڈ آف گورنرز پی سی بی کے ممبر انوار غنی، منیجنگ ٹرسیٹز میاں سلیم الطاف، پرنسپل رابعہ نجم، صدر ایل سی سی اے خواجہ ندیم،چیف فنانشل آفیسر پی سی بی جاوید مرتضیٰ، ڈائریکٹر ڈومیسٹک کرکٹ عبداللہ خرم اور پی سی بی سے متعلقہ حکام نے شرکت کی۔ ان کا یہ بھی کہنا تھا کہ بہترین کارکردگی دکھانے والے کھلاڑیوں کو انڈر 15، انڈر 17 اور انڈر 19 ریجنل ٹیموں اور اکیڈمیوں میں شامل کیا جائے گا۔
تحریک انصاف کا پاک، سعودی عرب مشترکا دفاعی معاہدہ کا خیرمقدم