ایس ایس جی سی کی مبینہ کرپشن‘اووربلنگ‘بدنظمی سامنے آگئی
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)سوئی سدرن گیس کمپنی (SSGC) کی کارکردگی ایک بار پھر سوالیہ نشان بن گئی۔ گیس بلوں کی ترسیل ٹھیکے پر دینے کے باوجود ٹھیکیدار اور اس کا عملہ کئی کئی ماہ سے صارفین تک بل پہنچانے میں ناکام رہا ہے، جس کے باعث شہری ذہنی اذیت اور معاشی نقصان کا شکار ہیں۔اورنگی ٹاؤن کے رہائشی سید ایوب الحسن نے کمپنی کے ایم ڈی کو جمع کرائی گئی درخواست میں شکایت کی ہے کہ انہیں کئی ماہ سے گیس کے بل موصول نہیں ہوئے۔ بل نہ ملنے کی وجہ سے صارفین کو بروقت ادائیگی نہ کرنے پر 10 فیصد اضافی ٹیکس دینا پڑتا ہے۔ گیس صارفین نے الزام لگایا ہے کہ انہیں حالیہ دنوں میں اضافی اور ایوریج بل بھیجے جا رہے ہیں۔ جب متاثرین نے اس بابت کمپنی سے رابطہ کیا تو انہیں بتایا گیا کہ آپ کے بل پر اضافی چارجز عائد کئے گئے ہیں۔ شہریوں نے اس فیصلے کو عوام پر نیا معاشی بوجھ اور غیر قانونی ہتھکنڈہ قرار دیا ہے۔یہ پہلا موقع نہیں کہ SSGC کے خلاف سنگین الزامات سامنے آئے ہیں۔گزشتہ برس بھی اوور بلنگ اور جعلی ریڈنگ کے کیسز پر شہری عدالتوں اور ریگولیٹری اتھارٹیز کے دروازے کھٹکھٹا چکے ہیں، مگر کمپنی انتظامیہ نے کوئی مؤثر کارروائی نہیں کی۔ اس مہنگائی کے دور میں اضافی بل بھرنا مشکل ہوجاتا ہے۔ شہریوں کا کہنا ہے کہ یہ غیر قانونی کٹوتی عوام کی جیبوں پر ڈاکہ ڈالنے کے مترادف ہے۔ سوئی سدرن گیس کمپنی بھی کے الیکٹرک کی طرز پر ایورج بلنگ اور ناجائز ٹیکسز کے ذریعے صارفین کو لوٹنے کے حربے آزما رہی ہے۔ گیس کمپنی کے اس رویے سے یہ تاثر مزید گہرا ہوتا جا رہا ہے کہ ادارہ جان بوجھ کر صارفین کو مشکلات میں مبتلا کر کے ناجائز منافع کما رہا ہے۔شہریوں نے مطالبہ کیا ہے کہ حکومت اور ریگولیٹری اتھارٹیز فوری نوٹس لیتے ہوئے سوئی سدرن کی مبینہ کرپشن، اوور بلنگ اور بدنظمی کی شفاف تحقیقات کریں، ورنہ عوامی غصہ شدید احتجاج کی شکل اختیار کر سکتا ہے۔
ذریعہ: Jasarat News
پڑھیں:
میسجز کا ترجمہ کریں فوراً، واٹس ایپ نے شاندار فیچر متعارف کرا دیا
data-id="863a0a8" data-element_type="widget" data-widget_type="theme-post-content.default">
واٹس ایپ نے دنیا بھر کے صارفین کے لیے ایک اہم اور کارآمد فیچر متعارف کرایا ہے جو زبان کی رکاوٹ کو توڑنے میں مددگار ثابت ہوگا۔
اب صارفین ایپ کے اندر ہی میسجز کا فوری ترجمہ کرسکیں گے اور انہیں کسی تھرڈ پارٹی ایپ یا کاپی پیسٹ کرنے کی ضرورت نہیں ہوگی۔ یہ نیا آن ڈیوائس ٹرانسلیشن فیچر اینڈرائیڈ اور آئی او ایس دونوں ڈیوائسز پر متعارف کرایا گیا ہے اور اس کی بدولت چیٹ کا ترجمہ صرف چند سیکنڈز میں ممکن ہوگا۔
اینڈرائیڈ صارفین کے لیے اس فیچر میں انگریزی، ہندی، ہسپانوی، پرتگیز، روسی اور عربی زبانوں کی سہولت فراہم کی گئی ہے، جبکہ آئی او ایس ڈیوائسز پر ایپل ٹرانسلیشن کے تحت 19 زبانوں کی سپورٹ موجود ہے۔ اس فیچر کو استعمال کرنے کا طریقہ بھی نہایت آسان ہے۔ صارفین کو صرف اس میسج کو دبانا ہوگا جس کا ترجمہ چاہیے، پھر اوپر موجود تھری ڈاٹ مینیو پر کلک کرکے ٹرانسلیٹ اور زبان کا انتخاب کرنا ہوگا۔ اس کے بعد فوری ترجمہ سامنے آجائے گا۔
اینڈرائیڈ میں ایک اضافی سہولت یہ بھی دی گئی ہے کہ صارف چاہے تو آٹومیٹک ٹرانسلیشن کو آن کر سکتا ہے۔ اس سے مستقبل میں مخصوص کانٹیکٹ یا چیٹ کے تمام میسجز خودکار طور پر ترجمہ ہوجائیں گے۔ تاہم آئی او ایس میں یہ سہولت فی الحال دستیاب نہیں ہوگی۔ کمپنی کے مطابق یہ فیچر ون آن ون چیٹس، گروپ چیٹس اور چینل اپ ڈیٹس پر بھی کام کرے گا، البتہ یہ فیچر فی الحال واٹس ایپ ویب یا ونڈوز ورژن میں دستیاب نہیں ہے۔
واٹس ایپ نے یقین دہانی کرائی ہے کہ ترجمے کا عمل صرف ڈیوائس کے اندر مکمل ہوگا اور صارفین کی چیٹس تک کسی اور کو رسائی حاصل نہیں ہوگی۔ اس نئے آپشن کے بعد مختلف زبانیں بولنے والے افراد کے درمیان گفتگو اور بھی آسان ہوجائے گی اور یہ فیچر جلد ہی تمام صارفین کو دستیاب ہوگا۔
حلف کی پاسداری کرتے ہوئے جرأت مندانہ فیصلے کریں( عمران خان کا چیف جسٹس کو خط)