بلوچستان میں ڈیجیٹل مالیاتی نظام کا باقاعدہ آغازہو گیا
اشاعت کی تاریخ: 30th, September 2025 GMT
اسلام آباد (اُردو پوائنٹ اخبارتازہ ترین - این این آئی۔ 30 ستمبر2025ء)بلوچستان حکومتِ نے مالیاتی نظام میں اصلاحات کے اپنے پرانے مالیاتی طریقہ کار کو تبدیل کرتے ہوئے ایک نیا ڈیجیٹل مالیاتی نظام متعارف کرا دیا ہے۔گوادر پرو کے مطابق اس نظام کا باقاعدہ افتتاح وزیراعلیٰ بلوچستان میر سرفراز بگٹی نے کیا۔ گوادر پرو کے مطابق اس نظام میں ای فائلنگ سمیت کئی جدید ڈیجیٹل سہولیات شامل کی گئی ہیں، جن کے ذریعے دفتری تاخیر کم کرنے، شفافیت بڑھانے اور مالی نظم و نسق کو مؤثر بنانے کے اہداف کو فروغ دینا ہے۔
عوامی شعبے سے متعلق نئے نظام کے تحت انسانی وسائل، بجٹ اور ترقیاتی منصوبوں کا مکمل ڈیٹا ڈیجیٹل پلیٹ فارم پر یکجا کر دیا گیا ہے۔ حکام کا کہنا ہے کہ اس نظام کے ذریعے پالیسی سازوں، سرکاری ملازمین اور عوام کے لیے ایک متحدہ معلوماتی پورٹل دستیاب ہوگا۔(جاری ہے)
گوادر پرو کے مطابق اس منصوبے کے مقاصد میں سرخ فیتے کا خاتمہ، سرکاری ملازمین کی جوابدہی میں اضافہ، اور کاروبار میں آسانی پیدا کر کے سرمایہ کاری کو فروغ دینا شامل ہے۔محکمہ خزانہ کے ایک سینئر اہلکار نے گوادر پرو سے گفتگو کرتے ہوئے بتایا کہ اگر یہ نظام مؤثر طور پر نافذ کر لیا گیا تو یہ نہ صرف عوامی شمولیت کو فروغ دے گا بلکہ بجٹ سازی اور پالیسی امور میں بھی نمایاں بہتری لائے گا۔
.ذریعہ: UrduPoint
کلیدی لفظ: تلاش کیجئے گوادر پرو
پڑھیں:
این ایچ اے کے مالیاتی خسارے میں 5 سال کے دوران تشویشناک حد تک اضافہ
اسلام آباد:نیشنل ہائی وے اتھارٹی (این ایچ اے) کے مالیاتی خصارے میں تشویش ناک حد تک اضافہ ہوگیا۔
تفصیلات کے مطاق گزشتہ پانچ سال کے دوران این ایچ اے کو 13کھرب 65 ارب خسارے کا سامنا رہا جبکہ مجموعی آمدنی 159 ارب رہی۔
سال 2021 میں این ایچ اے کو 2کھرب 54ارب اور 2022 میں 1کھرب 68ارب کا خسارہ ہوا۔
اسی طرح سال 2023 میں این ایچ اے کو 4کھرب 13ارب اور 2024 میں 3کھرب 18ارب روپے کے خسارے کا سامنا کرنا پڑا۔
سال 2025میں ادارے کو 3کھرب 10ارب کا خسارہ برادشت کرنا بڑا۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت