الخدمت فاؤنڈیشن سندھ اور ادویہ ساز کمپنی کے درمیان معاہدہ
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) الخدمت فاؤنڈیشن سندھ اورادویہ ساز کمپنی PharmEvo کے درمیان خصوصی میڈیکل کیمپس کے انعقاد کے حوالے سے مفاہمتی یادداشت پر دستخط کیے گئے۔ اس معاہدے کے تحت ہر ماہ دو کیمپس لگائے جائیں گے جن میں ماہرین نفسیات عوام کو علاج، مشاورت اور آگاہی فراہم کریں گے۔اس موقع پر صدر الخدمت فاؤنڈیشن سندھ ڈاکٹر سید تبسم جعفری اور PharmEvo کے ڈائریکٹر مارکیٹنگ و سیلز کامران علی زمان نے مفاہمتی یادداشت پر دستخط کیے۔تقریب سے خطاب کرتے ہوئے ڈاکٹر سید تبسم جعفری کاکہناتھاکہ ذہنی تناؤ اور اضطراب آج کے دور کا ایک نہایت اہم مسئلہ ہے اور اس پر توجہ دینا معاشرے کی مجموعی صحت کے لیے ناگزیر ہے۔ ہم فارم ای وو کے تعاون سے عوام کو بہترین طبی سہولیات فراہم کرییں گے۔اس موقع پرکامران علی زمان نے کہاکہ مستحقین کیلئے الخدمت فاؤنڈیشن کی خدمات قابل تحسین ہیں،الخدمت کے ساتھ شراکت داری ہمارے اس عزم کی عملی مثال ہے کہ ہم معاشرے کو معیاری طبی سہولیات فراہم کریں۔اس معاہدے کے نتیجے میں سندھ بھر میں عوام کو ذہنی و نفسیاتی صحت کے حوالے سے بہتر سہولیات اور آگاہی فراہم کی جائے گی۔
ذریعہ: Jasarat News
کلیدی لفظ: الخدمت فاو نڈیشن
پڑھیں:
محکمہ تعلیم گلگت بلتستان اور گرین ایج کالج کے درمیان سکالرشپ کا معاہدہ
اس معاہدے کے تحت گلگت بلتستان کے سرکاری اساتذہ کے 20 بچوں کو بی ایس نرسنگ سمیت دیگر میڈیکل شعبوں میں 50 فیصد اسکالرشپ فراہم کی جائے گی۔ اسلام ٹائمز۔ گلگت بلتستان میں اساتذہ کے بچوں کیلئے گرین ایچ کالج پچاس فیصد سکالرشپ دے گا۔ صوبائی وزیر تعلیم غلام شہزاد آغا اور کالج کے ڈائریکٹر انجینئر امتیاز احمد نے اس حوالے سے ایم او یو پر دستخط کر دیئے۔ صوبائی وزیر تعلیم غلام شہزاد آغا نے آج گرین ایج کالج کا تفصیلی دورہ کیا اور ایجوکیشن ڈیپارٹمنٹ اور گرین ایج کالج کے درمیان ایم او یو پر دستخط کیے۔ اس معاہدے کے تحت گلگت بلتستان کے سرکاری اساتذہ کے 20 بچوں کو بی ایس نرسنگ سمیت دیگر میڈیکل شعبوں میں 50 فیصد اسکالرشپ فراہم کی جائے گی۔ غلام شہزاد آغا نے میڈیا سے گفتگو کرتے ہوئے کہا کہ اس نوعیت کے کالجز کا سکردو ریجن میں قیام خوش آئند ہے۔ انہوں نے کہا کہ انہوں نے کالج کی لیبارٹریز اور دیگر شعبوں کا مکمل معائنہ کیا ہے، جو معیار کے اعتبار سے انتہائی بہترین ہیں۔ انہوں نے کالج انتظامیہ کی کوششوں کو سراہتے ہوئے خراجِ تحسین بھی پیش کیا۔
وزیر تعلیم کا مزید کہنا تھا کہ آج اساتذہ کے لیے ایک اہم خوشخبری کا اعلان کرتے ہوئے مجھے خوشی ہو رہی ہے کہ ہمارے محکمے اور گرین ایج کالج کے درمیان معاہدہ طے پا گیا ہے، جس کے مطابق اساتذہ کے 20 بچوں کو میڈیکل شعبے میں 50 فیصد اسکالرشپ فراہم کی جائے گی۔ انہوں نے کہا کہ ان کا مقصد گلگت بلتستان کو تکنیکی اور پیشہ ورانہ مہارتوں کی طرف لے جانا ہے، اور محکمہ اس کالج کے ساتھ ہر ممکن تعاون جاری رکھے گا۔ گرین ایج کالج کے ڈائریکٹر انجینئر امتیاز احمد نے صوبائی وزیر تعلیم کا شکریہ ادا کرتے ہوئے کہا کہ آج طے پانے والے ایم او یو ایک سنگِ میل ثابت ہوگا اور مستقبل میں بھی دونوں اداروں کے درمیان تعاون جاری رہے گا۔
ستائیسویں آئینی ترمیم سے متعلق جسٹس محسن اختر کیانی کے دلچسپ ریمارکس