آجکل پیپلز پارٹی اور ن لیگ کی جو لڑائی چل رہی ہے اسے بھی بند ہونا چاہیے: خواجہ سعد رفیق
اشاعت کی تاریخ: 6th, October 2025 GMT
---فائل فوٹو
سابق وزیرِ ریلوے خواجہ سعد رفیق نے کہا ہے کہ آج کل پیپلز پارٹی اور ن لیگ کی جو لڑائی چل رہی ہے اسے بند ہونا چاہیے۔
لاہور ڈویلپمنٹ پروگرام کے سلسلے میں صدر میں ترقیاتی کاموں کی افتتاحی تقریب سے خطاب کے دوران خواجہ سعد رفیق نے کہا ہے کہ جلاؤ گھیراؤ یا ماردو کی سیاست نہیں ہونی چاہیے، جن کو سمجھ نہیں آئی ان کو بھی سمجھ جانا چاہیے۔
خواجہ سعد رفیق نے مزید کہا کہ اگر پنجاب کے نمائندوں نے پنجاب کی پَگ کی حفاظت نہ کی تو پھر ہمیں مجرموں کے کٹہرے میں کھڑا کردیا جائے گا۔
وزیر اطلاعات پنجاب عظمیٰ بخاری نے کہا ہے کہ شرجیل.
سعد رفیق کا کہنا تھا کہ آزاد کشمیر میں صورتحال کو افہام و تفہیم سے حل کروانے کا کریڈٹ شہباز شریف اور کمیٹی کو جاتا ہے، سیاسی معاملات ڈنڈے یا جبر سے نہیں ٹیبل پر حل کرنا ہوں گے۔
انہوں نے مزید کہا کہ آزاد کشمیر میں پھیلائی گئی افراتفری کو اتحادی جماعتوں نے افہام و تفہیم سے حل کر لیا ہے۔
سعد رفیق نے یہ بھی کہا کہ فوج کی وردی ہو یا پولیس کی اس کی اتھارٹی کو چیلنج نہیں کرنا چاہیے۔
ذریعہ: Jang News
کلیدی لفظ: خواجہ سعد رفیق سعد رفیق نے
پڑھیں:
کراچی سے 17 سالہ جعلی حکومت کا خاتمہ ہونا چاہیے، خالد مقبول
کراچی (نیوزڈیسک) متحدہ قومی موومنٹ ( ایم کیو ایم ) پاکستان کے کنوینر ڈاکٹر خالد مقبول صدیقی نے کہا ہے کہ کراچی کے ماسٹر پلان کو کرپشن پلان میں بدلنے کی تیاریاں ہورہی ہیں، ایوان اورعدالتوں سے انصاف نہ ملا تو سڑکوں پرآئیں گے، اس شہر میں 17 سالہ جعلی حکومت کا اب خاتمہ ہونا چاہیے۔
کراچی میں گورنر سندھ کامران ٹیسوری اور ڈاکٹر فاروق ستار کے ہمراہ پریس کانفرنس کرتے ہوئے ڈاکٹر خالد مقبول صدیقی نے کہا کہ کراچی کے ماسٹر پلان کو کرپشن پلان میں بدلنے کی تیاریاں ہورہی ہیں، عام شہریوں کے مسائل پر ہمارے وکلا عدالتوں سے رجوع کرتے ہیں، ہم عدالتوں سے رجوع کرکے قانونی چارہ جوئی کریں گے۔
انہوں نے کہا کہ آج کی پریس کانفرنس کی بنیادی وجہ ہماری لیگل ایڈ کمیٹی کے آئندہ کا پروگرام دینا ہے، آج ہماری کراچی ماسٹر پلان 2047 کے خلاف مہم کا آخری دن تھا،لیکن اس مہم کو اب ہم مزید 10 دن کے لئے بڑھا رہے ہیں۔
خالد مقبول نے کہا کہ ہمارے کارکنان اس شہر کا مقدمہ لڑ رہے ہیں، اس شہر میں 17 سالہ جعلی حکومت کا اب خاتمہ ہونا چاہیے۔
انہوں نے کہا کہ ہم نے اس حکومت میں رہ کر کراچی اور حیدرآباد کے لئے پیکیج لیا ہے، 77 سال کے بعد حیدرآباد میں ایک یونیورسٹی قائم ہوئی ہے اور کراچی کے کئی کالجز کو یونیورسٹی کا درجہ دیا جا رہا ہے۔
کنوینر ایم کیو ایم پاکستان نے کہا کہ کراچی لوٹ کا مال نہیں سندھ کا 97 فیصد بجٹ دیتا ہے جبکہ ایک فیصد ٹیکس نہ دینے والے سو فیصد اختیار استعمال کررہے ہیں اور سندھ میں سوفیصد دینے والوں کوایک فیصد اختیارنہیں۔
ڈاکٹر خالد مقبول صدیقی نے کہا کہ ایسے تو گھر بھی نہیں چلتے خاندان تقسیم ہوجاتے ہیں ،ایوان اورعدالتوں سے انصاف نہ ملاتوسڑکوں پرآئیں گے۔
کراچی میں رواں برس ٹریفک حادثات سے اموات 755 تک پہنچ گئیں