منصورہ :فلوٹیلا سے واپس آنیوالے عزیز الدین کے اعزازمیں تقریب
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور(نمائندہ جسارت)سیکرٹری جنرل جماعت اسلامی پاکستان امیر العظیم نے کہا ہے کہ کراچی اور لاہور میں ہونے والے غزہ ملین مارچ میں لاکھوں عوام نے حکمرانوں پر واضح کردیا ہے کہ اگر انہوں نے قومی موقف سے انحراف کیا تو وہ اقتدار سے ہاتھ دھو بیٹھیں گے اور قوم انہیں ایک دن کے لیے بھی برداشت نہیں کرے گی۔ پاکستان صرف ایک ریاست فلسطین کو مانتا ہے،اسرائیل فلسطینی سرزمین پر ناجائز طور پر قابض ہے۔ حکمرانوں نے ٹرمپ کی ہاں میں ہاں ملائی تو عوام انہیں برداشت نہیں کریں گے۔ ان خیالات کا اظہار انہوں نے غزہ کے محصور عوام کے لیے امداد لے جانے والے مشن گلوبل صمود فلوٹیلا میں شریک پاکستانی نوجوان سید محمد عزیز الدین کی منصورہ آمد پر ان کے اعزاز میں منعقدہ تقریب سے خطاب کرتے ہوئے کیا۔ تقریب سے امیر حلقہ لاہور ضیاالدین انصاری نے بھی خطاب کیا۔ قبل ازیں عزیز الدین کی وطن واپسی پر جماعت اسلامی کے مرکز منصورہ میں ان کا پرتپاک استقبال کیا گیا۔ سیکرٹری جنرل امیرالعظیم اور جماعت اسلامی لاہور کے امیر نے انہیں خوش آمدید کہا۔ سید محمد عزیز الدین نے گفتگو کرتے ہوئے بتایا کہ فلوٹیلا میں 44 کشتیوں پر مشتمل قافلہ تھا، جن میں سے 43 کشتیوں کو اسرائیلی فورسز نے روک کر اپنے قبضے میں لے لیا، تاہم ان کی کشتی، جس میں برطانیہ، ترکیہ اور ملائیشیا کے 22 رضاکار سوار تھے، تیونس پہنچنے میں کامیاب رہی۔ انہوں نے کہا کہ ان کی کشتی میں بچوں کے لیے خشک دودھ، ادویات اور پینے کا صاف پانی موجود تھا۔ اسرائیلی فورسز نے کئی دن تک ڈرونز کے ذریعے نگرانی کی اور واٹر کینن سے حملہ بھی کیا، تاہم وہ اپنی تیز رفتار موٹر بوٹ کے ذریعے گرفتاری سے بچ نکلے۔ گلوبل صمود فلوٹیلا اسپین سے روانہ ہوا تو اس میں دنیا کے مختلف ممالک کے 500 سے زاید کارکن، سیاست دان اور انسانی حقوق کے علمبردار شریک تھے، جن میں پاکستان کے سابق سینیٹر مشتاق احمد خان اور سویڈن کی ماحولیاتی کارکن گریٹا تھنبرگ بھی شامل تھیں۔
ذریعہ: Jasarat News
کلیدی لفظ: عزیز الدین
پڑھیں:
اسرائیل کی جانب سے گرفتار 36 ترک شہری آج وطن واپس پہنچیں گے
ترکیہ کی وزارتِ خارجہ نے اعلان کیا ہے کہ اسرائیلی فورسز کی جانب سے ’گلوبل صمود فلوٹیلا‘ کے جہازوں پر گرفتار کیے گئے 36 ترک شہری آج خصوصی پرواز کے ذریعے وطن واپس پہنچیں گے۔
یہ بھی پڑھیں:صمود فلوٹیلا کے گرفتار پاکستانی کارکنوں کی واپسی کے لیے کوششیں کررہے ہیں، دفتر خارجہ
وزارتِ خارجہ کے ترجمان کے مطابق گرفتار شدگان کی حتمی تعداد ابھی طے نہیں ہوئی، تاہم باقی شہریوں کی واپسی کے لیے سفارتی و قانونی کارروائیاں تیزی سے جاری ہیں۔
ترجمان نے بتایا کہ مذکورہ خصوصی پرواز میں دیگر ممالک کے شہری بھی شامل ہوں گے جنہیں اسرائیل نے بین الاقوامی پانیوں سے حراست میں لیا تھا۔
فلوٹیلا پر اسرائیلی کارروائییاد رہے کہ گزشتہ جمعرات کو اسرائیلی بحریہ نے ’گلوبل صمود فلوٹیلا‘ کے جہازوں پر حملہ کر کے انہیں اپنے قبضے میں لے لیا اور 470 سے زائد کارکنان کو حراست میں لے لیا۔
İkbal Gürpınar:
— Bizi aç bıraktılar…
— Her şeyimizi çaldılar…
— İlaçlarımızın hepsini aldılar…
İsrail'in Sumud Filosu'nda alıkoyduğu 36 Türk, 137
aktivist İstanbul Havalimanı'na getirildi..#pazar pic.twitter.com/hm0WiOsFXk
— Ece Kızılırmak (@ecemkizilirmak) October 5, 2025
یہ کارکنان 50 مختلف ممالک سے تعلق رکھتے تھے اور ان کا مقصد غزہ کے لیے انسانی امداد پہنچانا اور اسرائیلی محاصرے کے خلاف پرامن احتجاج کرنا تھا۔
فریڈم فلوٹیلا کولیشنیہ مشن ’فریڈم فلوٹیلا کولیشن‘ کے زیرِ اہتمام روانہ کیا گیا تھا، جو 2010 سے غزہ کے محاصرے کو توڑنے کے لیے بین الاقوامی سول سوسائٹی کی ایک مشترکہ کوشش کر رہی ہے۔
تنظیم کے مطابق، فلوٹیلا میں امدادی سامان، طبی سہولیات اور خوراک شامل تھی جو غزہ کے محصور عوام تک پہنچائی جانی تھی۔
غزہ کی سنگین صورتحالاسرائیل کی جانب سے غزہ کا محاصرہ تقریباً 18 برس سے جاری ہے۔ اکتوبر 2023 سے شروع ہونے والی حالیہ جنگ میں 66 ہزار سے زائد فلسطینی جاں بحق ہو چکے ہیں، جن میں اکثریت خواتین اور بچوں کی ہے۔
مسلسل بمباری، غذائی قلت اور تباہ حال بنیادی ڈھانچے کے باعث اقوام متحدہ نے غزہ کو ’رہائش کے قابل نہ رہنے والا علاقہ‘ قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ترکیہ صمود فلوٹیلا غزہ گلوبل فلوٹیلا
سیکیورٹی فورسز کا کوئٹہ میں کامیاب آپریشن، بھارتی حمایت یافتہ 10 دہشت گرد ہلاک