خلا میں 9 ماہ تک زندہ رہنے والا موس واپس زمین پر پہنچ گیا
اشاعت کی تاریخ: 22nd, November 2025 GMT
ایک تحقیق میں یہ انکشاف ہوا ہے کہ موس (moss) کے سپورز نے بین الاقوامی خلائی اسٹیشن (ISS) کے باہر 9 ماہ تک زندہ رہ کر واپس زمین پر پہنچنے میں کامیابی حاصل کی۔
یہ بھی پڑھیں:چین کا تاریخی اعلان، پاکستانی خلا بازوں کی چینی خلائی مشن میں شمولیت اور تربیت کا اعلان
تحقیق کے مطابق واپس آنے کے بعد 80 فیصد سے زائد سپورز دوبارہ پھیلنے کی صلاحیت رکھتے تھے۔ یہ نتائج سائنسدانوں کے لیے حیران کن ہیں کیونکہ زیادہ تر جاندار خلاء کے خالی ماحول میں مختصر وقت بھی زندہ نہیں رہ سکتے۔
Most moss spores germinated normally after spending about nine months in outer space, a team of researchers in Japan said Friday, confirming that mosses can survive for an extended period in the harsh space environment.
Read more: https://t.co/8g4JrhpiQp pic.twitter.com/3INbSJevD5
— Tuoi Tre News (@VietNewsGateway) November 22, 2025
ہوکائیڈو یونیورسٹی کے پروفیسر ٹومومچی فوجیتا نے کہا کہ یہ تجربہ واضح ثبوت فراہم کرتا ہے کہ زمین پر موجود کچھ حیاتیاتی خلیات خلا کے سخت حالات میں بھی زندہ رہ سکتے ہیں۔
ماضی میں خلائی تجربات میں زیادہ تر بڑے جاندار یا پودوں اور بیکٹیریا پر توجہ دی گئی تھی، لیکن یہ تحقیق چھوٹے اور سخت ماحول میں زندہ رہنے والے موس پر مرکوز تھی۔
یہ بھی پڑھیں:ناسا کے معروف خلا باز بُچ وِلمور کے شاندار کیریئر کا اختتام، ریٹائرمنٹ لے لی
فوجیتا نے مزید کہا کہ یہ تجربہ مستقبل میں دیگر سیاروں پر زندگی کے امکانات اور ماحولیاتی نظام قائم کرنے کے حوالے سے اہم معلومات فراہم کر سکتا ہے۔
تجربے سے یہ بھی ظاہر ہوا کہ موس کے سپورز کی بقا کے امکانات زیادہ تھے، جب کہ سائنسدان ابتدائی طور پر تقریباً صفر بقا کی توقع کر رہے تھے۔
واضح رہے کہ ’سپورز‘ موس کے وہ چھوٹے ذرات ہیں جو پودے کی تولید کے لیے استعمال ہوتے ہیں۔ یہ عام بیج کی طرح نہیں ہوتے بلکہ ہلکے اور مضبوط ہوتے ہیں، ہوا یا پانی کے ذریعے پھیلتے ہیں اور نئے موس کے پودے اگاتے ہیں۔
سپورز سخت ماحول یا خلاء جیسے مشکل حالات میں بھی زندہ رہنے کی صلاحیت رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جاپان خلا سپورز موس
ذریعہ
ذریعہ: WE News
پڑھیں:
اغوا برائے تاوان کیس: پولیس نے منیب بٹ کو بے گناہ قرار دیا، ضمانت واپس لینے کی درخواست
اغوا برائے تاوان کیس میں پولیس نے منیب بٹ کو بے گناہ قرار دیا ہے اور ان کے وکیل نے عدالت سے ضمانت واپس لینے کی درخواست کی ہے۔
کراچی کی انسدادِ دہشت گردی کی منتظم عدالت میں اداکار منیب بٹ کے خلاف اغوا برائے تاوان کے مقدمے کی سماعت ہوئی، جہاں ان کے وکیل نے ضمانت واپس لینے کی درخواست دائر کر دی۔
سماعت کے دوران وکیلِ صفائی نے مؤقف اختیار کیا کہ پولیس نے اپنے چالان میں منیب بٹ کو بے گناہ قرار دیا ہے، لہٰذا ضمانت کی درخواست واپس لینے کی اجازت دی جائے۔
پولیس کے مطابق مقدمے میں ملزمان پر الزام ہے کہ انہوں نے مدعی محمد متعال کو اغوا کر کے 24 لاکھ 94 ہزار روپے مالیت کی کرپٹو کرنسی اور دیگر سامان لوٹ لیا۔
پولیس کا کہنا ہے کہ منیب بٹ پر ملزمان کو مری میں رہائش دلوانے کا الزام تھا، تاہم تفتیش مکمل ہونے کے بعد انہیں چالان میں بے گناہ قرار دیا گیا۔
پولیس کے مطابق مقدمے میں ایک پولیس اہلکار غالب تاحال مفرور ہے، جبکہ دیگر ملزمان میں شاہد ستار، محمد سلیم، علیم اور وزیر محمد شامل ہیں۔
تحقیقات کے مطابق ملزمان نے 23 اپریل کو شاہراہِ فیصل سے محمد متعال کو اغوا کیا اور کرپٹو کرنسی سمیت دیگر قیمتی سامان چھیننے کے بعد انہیں کورنگی انڈسٹریل ایریا میں چھوڑ دیا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع