پاکستان بمقابلہ بھارت: بلائنڈ ویمنز کرکٹ میں نیا مقابلہ آج تیار
اشاعت کی تاریخ: 15th, November 2025 GMT
پہلے عالمی بلائنڈ ویمنز کرکٹ ٹورنامنٹ میں آج روایتی حریف پاکستان اور بھارت آمنے سامنے ہوں گے، جس کا شائقین بے چینی سے انتظار کر رہے ہیں۔
پاکستان ویمن بلائنڈ ٹیم کی کپتان نرما رفیق کا کہنا ہے کہ سری لنکا کے خلاف 221 رنز کی شاندار جیت نے پوری ٹیم کے حوصلے بلند کر دیے ہیں اور کھلاڑی بھرپور فارم میں ہیں۔
افتتاحی میچ میں پاکستان نے میزبان سری لنکا کے خلاف بغیر کوئی وکٹ کھوئے 331 رنز بنائے تھے، جس میں 15 سالہ آل راؤنڈر مہرین علی نے صرف 78 گیندوں پر 230 رنز کی ناقابلِ یقین اننگز کھیل کر عالمی ریکارڈ اپنے نام کیا۔
ٹورنامنٹ میں پاکستان اپنی مہم جاری رکھتے ہوئے 18 نومبر کو نیپال، 19 نومبر کو آسٹریلیا اور 20 نومبر کو امریکا کے خلاف میدان میں اترے گا۔
پاک بھارت میچ آج ایونٹ کا سب سے بڑا مقابلہ تصور کیا جا رہا ہے، اور شائقین دونوں ٹیموں سے زبردست کارکردگی کی امید کر رہے ہیں۔
ذریعہ
ذریعہ: Daily Mumtaz
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی