پاسپورٹ بنوانے والوں کے لئے بڑی خوشخبری
اشاعت کی تاریخ: 7th, October 2025 GMT
اسلام آباد: پاسپورٹ بنوانے والے شہریوں نے انتظامات پر اطمینان کا اظہار کرتے ہوئے کہا صرف5 منٹ میں باری آجاتی ہے اور پاسپورٹ بنوانے کا پراسس بھی فوری مکمل ہوتا ہے۔
تفصیلات کے مطابق وفاقی وزیرِ داخلہ محسن نقوی نے ایگزیکٹو پاسپورٹ آفس ڈیفنس کا اچانک دورہ کیا اور پاسپورٹ بنوانے کے لیے آئے شہریوں سے ملاقات کی۔
وزیرِ داخلہ نے شہریوں سے پاسپورٹ بنوانے کے عمل، سہولتوں اور وقت پر ڈلیوری کے بارے میں استفسار کیا۔
شہریوں نے پاسپورٹ بنوانے کے انتظامات پر اطمینان کا اظہار کرتے ہوئے وزیرِ داخلہ کو بتایا کہ اب صرف پانچ منٹ میں باری آجاتی ہے اور پاسپورٹ بنوانے کا پورا عمل فوری طور پر مکمل ہو جاتا ہے۔
شہریوں کا کہنا تھا کہ پہلے لمبی قطاروں میں کئی گھنٹے انتظار کرنا پڑتا تھا، اکثر سسٹم ڈاؤن ہو جاتا تھا، لیکن اب انتظامات قابلِ تعریف ہیں۔
شہریوں نے مزید بتایا کہ عملہ مکمل رہنمائی کرتا ہے اور پاسپورٹ اب مقررہ مدت کے اندر فراہم کر دیا جاتا ہے۔ جبکہ پاسپورٹ اب مقررہ مدت کے اندرڈلیور بھی ہو جاتا ہے۔
محسن نقوی نے بہترین انتظامات وشہریوں کے اظہار اطمینان پرانچارج آفس اورعملے کی کارکردگی کو سراہا اور کہا “پاسپورٹ آفس آکر دلی خوشی ہوئی، شہریوں کا اطمینان ہی ہماری اصل کامیابی ہے۔”
پاسپورٹ واحد دستاویز ہے جو پاکستان کے بیرون ملک مقیم شہری کی شناخت کی تصدیق کرتی ہے، ساتھ ہی ملک سے باہر نکلنے اور ملک میں داخل ہونے کے اس کے حق کا احساس کرتی ہے۔
پاسپورٹ کے لیے درکار دستاویزات
پہلی بار پاسپورٹ کے حصول کے لیے درخواست دہندہ مطلوبہ دستاویزات کے ساتھ متعلقہ پاسپورٹ آفس یا فارن مشن جا سکتا ہے۔ پہلی بار پاسپورٹ حاصل کرنے کے لیے درج ذیل دستاویزات درکار ہیں۔
اوریجنل بینک ادا شدہ فیس چالان (رسید) یا ای-ادائیگی کی تصدیق کی تفصیل (پی ایس آئی ڈی نمبر کے ساتھ رسید، ایس ایم ایس، ای میل) کے ذریعے تجویز کردہ پاسپورٹ فیس کی ادائیگی کا ثبوت درکار ہے۔
اصل درست شناختی کارڈ یا نائیکوپ فوٹو کاپی کے ساتھ ہونا چاہیے۔
سرکاری، نیم سرکاری یا خود مختار ادارے کے ملازمین کی صورت میں متعلقہ محکمے سے این او سی (نو آبجیکشن سرٹیفکیٹ) لازمی درکار ہے۔
غیر ملکی پاسپورٹ اس کی فوٹو کاپی کے ساتھ، (صرف دوہری شہریوں کے لیے) ہوگا۔
اکتوبر 2025 کے لیے پاسپورٹ فیس
تازہ ترین شیڈول کے تحت، 36 صفحات پر مشتمل پاسپورٹ کی فیس عام زمرے کے تحت پانچ سال کے لیے 4,500 روپے اور دس سال کے لیے 6,700 روپے ہے جبکہ ارجنٹ پر بالترتیب 7500 اور 11200 روپے ہے۔
72 صفحات پر مشتمل پاسپورٹ کی عام فیس پانچ سال کے لیے 8200 روپے اور دس سال کے لیے 12400 روپے مقرر کی گئی ہے جس کی ارجنٹ فیس 13500 اور 20,200 روپے مقرر کی گئی ہے۔
اسی طرح 100 صفحات پر مشتمل پاسپورٹ کی قیمت پانچ سال کے لیے 9000 روپے اور عام کیٹیگری کے تحت دس سال کے لیے 13500 روپے ہوگی، جبکہ ارجنٹ اجراء پر بالترتیب 18000 اور 27000 روپے وصول کیے جائیں گے۔
.ذریعہ: Daily Mumtaz
کلیدی لفظ: پاسپورٹ بنوانے اور پاسپورٹ سال کے لیے کے ساتھ
پڑھیں:
کراچی کو بدترین انتظامی بحران میں دھکیلنے کی ذمہ دار پیپلز پارٹی ہے، فوزیہ صدیقی
رہنما تحریک انصاف نے کہا کہ اسٹریٹ کرائم کے ہاتھوں کراچی کے شہریوں کی جان و مال غیر محفوظ ہوچکی ہے، روزانہ کی بنیاد پر ڈکیتی، رہزنی اور قتل کی وارداتیں معمول بن چکی ہیں، مگر پولیس اور انتظامیہ مسلسل ناکام اور مجرمانہ غفلت کی تصویر بنی ہوئی ہیں۔ اسلام ٹائمز۔ پاکستان تحریکِ انصاف کراچی کی ترجمان و سیکریٹری اطلاعات فوزیہ صدیقی نے کہا ہے کہ کراچی اس وقت شدید ترین شہری و انتظامی بحران کا شکار ہے اور اس بدحالی کی واحد ذمہ دار پیپلز پاٹی ہے جس کے پاس موجودہ صوبائی اور شہری حکومتیں ہیں۔ انہوں نے کہا کہ اربوں روپے کے فنڈز کرپشن کی نذر ہوچکے ہیں جبکہ شہر بنیادی سہولیات سے محروم ہو کر تباہی کے دہانے پر کھڑا ہے۔ فوزیہ صدیقی نے کہا کہ پیپلز پارٹی نے ایک مرتبہ پھر کراچی کے شہریوں کے بے وقوف بنانے کے لئے کراچی پیکیج کے نام پر ایک افسانہ سنایا ہے، میئر کراچی نے کراچی کے انفرا اسٹریچکر کی بحالی کے لئے کوئی خاطر خواہ انتظامات نہیں کئے ہیں سب فنڈز ہڑپ کرنے کی سازشیں ہیں۔ فوزیہ صدیقی نے کہا کہ پانی کا مسئلہ شہر کی سب سے بڑی ناکامی بن چکا ہے، عوام صاف پانی کے لیے روزانہ اذیت سہتے ہیں جبکہ ٹینکر مافیا حکومتی سرپرستی میں لوٹ مار میں مصروف ہے۔
انہوں نے کہا کہ اسٹریٹ کرائم کے ہاتھوں کراچی کے شہریوں کی جان و مال غیر محفوظ ہوچکی ہے، روزانہ کی بنیاد پر ڈکیتی، رہزنی اور قتل کی وارداتیں معمول بن چکی ہیں، مگر پولیس اور انتظامیہ مسلسل ناکام اور مجرمانہ غفلت کی تصویر بنی ہوئی ہیں۔ فوزیہ صدیقی نے کہا کہ کراچی پاکستان کی معاشی شہ رگ ہے مگر جان بوجھ کر اسے پسماندہ، غیر محفوظ اور مسائل زدہ رکھا جا رہا ہے۔ انہوں نے کہا کہ یہ مجرمانہ غفلت نہیں بلکہ ایک منظم منصوبہ بندی کے تحت شہر کو محرومیوں کا شکار بنایا جا رہا ہے تاکہ سیاسی فائدہ حاصل کیا جا سکے۔ انہوں نے کہا کہ پاکستان تحریکِ انصاف کراچی عوام کی واحد حقیقی آواز ہے اور ہر فورم پر کراچی کے مسائل اٹھاتی رہے گی۔ انہوں نے واضح کیا کہ کراچی کے عوام تبدیلی چاہتے ہیں اور وہ صرف شفاف، اہل اور دیانت دار قیادت ہی کے ذریعے ممکن ہیاور پی ٹی آئی ہی وہ جماعت ہے جو کراچی کے مسائل کا عملی اور حقیقت پسندانہ حل رکھتی ہے۔
سویٖڈن: مسافر بس نے اسٹاپ پر کھڑے افراد کو روند ڈالا، 3 ہلاک