اسلام آباد: 9 گینگز کے 20 ملزمان گرفتار، 2 کروڑ روپے مالیت کی نقدی و زیورات برآمد
اشاعت کی تاریخ: 21st, November 2025 GMT
اسلام آباد پولیس نے متعدد وارداتوں میں ملوث 20 ملزمان گرفتار کرکے ان کے قبضے سے 2 کروڑ روپے مالیت کی نقدی اور طلائی زیورات برآمد کرلیے ہیں۔
ڈی آئی جی اسلام آباد پولیس محمد جواد طارق نے بتایا کہ رابر ی ڈکیتی یونٹ نے شہر میں قتل، ڈکیتی، راہزنی اور نقب زنی کی وارداتوں میں ملوث 9 گینگز کے 20 ملزمان کو گرفتار کیا گیا ہے۔
اسلام آباد میں پریس کانفرنس کے دوران انہوں نے بتایا کہ گرفتار ملزمان کیخلاف 36 مقدمات یکجا کرتے ہوئے قانونی کارروائی کی جارہی ہے۔
یہ بھی پڑھیں: اسلام آباد پولیس کی کارروائی، دہرے قتل کا مجرم گرفتار
انہوں نے بتایا کہ ملزمان نے شہر کے مختلف علاقوں میں متعدد وارداتیں انجام دی تھیں۔
https://Twitter.
بہارہ کہو میں پنجاب کیش اینڈ کیری کے اکاؤنٹنٹ سے 45 لاکھ روپے چھینے گئے، جبکہ سیکٹر آئی 8 میں شیل پیٹرول پمپ کے منیجر سے تقریباً 56 لاکھ روپے چھینے گئے، جو بعد میں ملزمان کے قبضے سے برآمد کر لیے گئے۔
اسی طرح، بلیو ایریا میں فرینڈز میگا مارٹ کے اکاؤنٹ افسر سے 37 لاکھ 50 ہزار روپے چھین کر فرار ہونے والے ملزمان سے رقم برآمد کی گئی۔
مزید پڑھیں:اسلام آباد پولیس کے سینیئر افسر نے گولی مار کر اپنی جان لے لی
بے نظیر چوک، ترنول میں ڈکیتی کے دوران مزاحمت کرنے والے دوکاندار کو قتل کر دیا گیا، جس میں ملوث گینگ اسلام آباد میں متعدد دیگر وارداتوں میں بھی شامل رہا۔
ڈی آئی جی جواد طارق نے مزید بتایا کہ ملزمان نے بینکوں کے باہر شہریوں سے رقم چھیننے کی وارداتیں بھی کیں، جس سے چھینی گئی رقم 34 لاکھ 50 ہزار روپے برآمد کر لی گئی۔
تھانہ شہزاد ٹاؤن اور آئی 9 کی حدود میں موبائل فون اور نقدی چھیننے کے مختلف واقعات میں ملزمان سے 1 لاکھ 65 ہزار روپے برآمد کیے گئے۔
علاوہ ازیں، گھریلو چوری کی وارداتوں میں ملوث گینگ سے 25 لاکھ 50 ہزار روپے مالیت کے طلائی زیورات اور دیگر اشیا بھی برآمد کی گئی ہیں۔
مزید پڑھیں:شاہین چوک انڈر پاس کی تعمیر، اسلام آباد پولیس نے متبادل ٹریفک پلان جاری کردیا
ڈی آئی جی نے بتایا کہ دھوکہ دہی کے ذریعے بینک سے رقم ہتھیانے والے 3 رکنی گینگ کو بھی گرفتار کرکے ان کے قبضے سے 25 لاکھ 50 ہزار روپے برآمد کیے گئے ہیں۔
تھانہ سمبل کے حدود سے ٹیکسی ڈرائیور محمد رشید کو اغوا کر کے قتل کرنے والے ملزمان کو بھی گرفتار کر کے مقتول کی گاڑی برآمد کر لی گئی۔
ڈی آئی جی محمد جواد طارق کے مطابق تمام برآمد شدہ سامان مالکان کے حوالے کردیا اور گرفتار ملزمان کے خلاف قانونی کارروائی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد پولیس پیٹرول پمپ ڈکیتی ڈی آئی جی رابری راہزنی زیورات قتل گینگ نقدی یونٹذریعہ: WE News
کلیدی لفظ: اسلام اباد پولیس پیٹرول پمپ ڈکیتی ڈی ا ئی جی راہزنی زیورات قتل گینگ یونٹ لاکھ 50 ہزار روپے وارداتوں میں اسلام ا باد نے بتایا کہ اسلام آباد باد پولیس ڈی آئی جی برآمد کی میں ملوث
پڑھیں:
کراچی: کیمروں کے ذریعے ہزاروں ٹریفک چالان، شہریوں پر بھاری جرمانے عائد
اُسامہ ملک:شہر قائد میں ٹریفک قوانین کی خلاف ورزی کرنے والوں کے خلاف خودکار کیمروں کا شکنجہ مزید سخت ہو گیا ہے۔
ترجمان کے مطابق 27 اکتوبر سے 20 نومبر تک 77,785 سے زائد ای چالان جاری کیے گئے، جن میں ہیوی ٹریفک کے 1,223 ای چالان بھی شامل ہیں۔
اس دوران 89 بسیں، 33 کرینیں، 59 آئل ٹینکرز، 528 واٹر ٹینکرز، 414 ٹرک اور 100 ڈمپر جرمانے کی زد میں آئے، ای چالان سسٹم نے سرکاری گاڑیوں کو بھی نہ بخشا، جس میں پولیس موبائل 133 اور دیگر سرکاری اداروں کی 413 گاڑیاں شامل ہیں۔
نادرا کا سسٹم ڈاؤن ، بیرون ملک جانے کیلئے پولیو سرٹیفکیٹ کا اجرا بند
تفصیلات کے مطابق سیٹ بیلٹ نہ باندھنے پر سب سے زیادہ 49 کروڑ 41 لاکھ 10 ہزار روپےچالان جاری کئے گئے،ہیلمٹ نہ پہننے پر 8 کروڑ 32 لاکھ 55 ہزار روپے،اوور اسپیڈنگ پر 2 کروڑ 65 لاکھ 10 ہزار روپے،ڈرائیونگ کے دوران موبائل فون استعمال پر 1 کروڑ 6 لاکھ 90 ہزار روپے کے جرمانے عائد کئے گئے،ٹریفک سگنلز کی خلاف ورزی پر 1 کروڑ 18 لاکھ 5 ہزار روپے ،فینسی نمبر پلیٹس پر 1 کروڑ 4 لاکھ 70 ہزار روپے،کالے شیشوں والی گاڑیاں 2 کروڑ 53 لاکھ 50 ہزار روپے کےای چالان جاری کیے گئے،نو پارکنگ کی خلاف ورزی پر 50 لاکھ 30 ہزار روپے کے جرمانے عائد کئے گئے۔
پبلک سروس کمیشن کے امتحانات، خیبر پختونخوا میں دفعہ144 نافذ
سرکاری گاڑیوں کو بھی 54 لاکھ روپے سے زائد کے چالان بھیجے گئے، جبکہ ہیوی ٹریفک کے جرمانے 1 کروڑ 22 لاکھ روپے تک پہنچے۔
بہنوں کی عمر میں 10ماہ کا فرق کیوں ہے؟