چند گھنٹوں میں اسلام آباد کے معروف مراکز میں 2 افراد قتل
اشاعت کی تاریخ: 8th, October 2025 GMT
وفاقی دارالحکومت کے مرکزی تجارتی علاقے بلیو ایریا میں منگل اور بدھ کی درمیانی شب فائرنگ کے ایک افسوسناک واقعے میں 1 فرد جاں بحق جبکہ دوسرا زخمی ہو گیا ہے۔ واقعہ اسلام آباد اسٹاک ایکسچینج ٹاور کے سامنے، لوفولوجی بیکری کے قریب پیش آیا۔
پولیس کے مطابق ایک شخص جس کا نام احسان الٰہی ہے اور وہ وزارت ہاؤسنگ کا ملازم تھا، موقع پر چل بسا جبکہ دوسر شخص شدید زخمی ہوا جسے بروقت اسپتال منتقل کر کے بچا لیا گیا۔
#Islamabad: On 7/10/25 around 11:25pm 1 killed infront of Loafology bakery in bluearea.
— Shaheryar Hassan (@shaheryarhassan) October 7, 2025
واقعے کی اطلاع ملتے ہی پولیس اور کرائم سین انویسٹی گیشن یونٹ فوری طور پر جائے وقوعہ پر پہنچ گئے اور علاقے کو گھیرے میں لے کر شواہد جمع کرنا شروع کر دیے۔ فرانزک ٹیموں نے بھی جائے وقوعہ سے شواہد اکٹھے کر کے تحقیقات کا آغاز کر دیا ہے۔
اس سے قبل گولڑہ کے علاقے میں بھی ایک افسوسناک واقعہ پیش آیا، جہاں موٹر سائیکل پر سوار 2 مسلح افراد نے اے ٹی ایم سے رقم نکالنے والے نوجوان کو گولی مار کر ہلاک کر دیا۔ ابتدائی تفتیش کے مطابق، واقعہ ڈکیتی کی کوشش نہیں تھا بلکہ مقتول کو پرانی دشمنی کے تحت نشانہ بنایا گیا۔
اسلام آباد میں جرائم کی خوفناک لہر ‼️
ایک ہی رات میں فائرنگ کے دو واقعات ????
گولڑہ موڑ پر اے ٹی ایم سے پیسے نکالنے والا نوجوان ڈکیتی کے دوران قتل ????
بلیو ایریا میں موٹرسائیکل سواروں کی اندھا دھند فائرنگ — ایک جاں بحق، ایک زخمی ????
وفاقی دارالحکومت خوف میں ڈوب گیا! ????️ #Islamabad… pic.twitter.com/FhRoaQrysa
— Nadir Baloch (@BalochNadir5) October 8, 2025
پولیس کا کہنا ہے کہ مقتول نوجوان کو 2023 کے ایک قتل کیس میں عدالت سے بری کیا گیا تھا اور بظاہر اسی مقدمے کی رنجش پر اسے قتل کیا گیا۔ واقعے کی مزید تفتیش جاری ہے۔
دونوں واقعات نے شہریوں میں خوف و ہراس پھیلا دیا ہے، جبکہ پولیس نے قاتلوں کی گرفتاری کے لیے خصوصی ٹیمیں تشکیل دے دی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس اسلام آباد میں قتل لوفولوجی بیکری نوجوان قتلذریعہ: WE News
کلیدی لفظ: اسلام ا باد پولیس اسلام ا باد میں قتل نوجوان قتل
پڑھیں:
اسلام آباد کے پٹوار خانوں میں پرائیویٹ افراد کے کام کرنے پر جسٹس محسن اختر برہم
اسلام آباد ہائی کورٹ کے جسٹس محسن اختر کیانی نے پٹوار خانوں میں پرائیویٹ افراد کے کام کرنے پر برہمی کا اظہار کرتے ہوئے کہا کہ لگتا ہے سیکرٹریز سمیت نیچے کسی کے بس کی بات نہیں، وزیر کو بلانا پڑے گا۔
اسلام آباد کے پٹوار خانوں میں پرائیویٹ افراد کے کام کرنے کے خلاف کیس کی سماعت ہوئی۔
دوران سماعت، اسٹیٹ کونسل عبد الرحمٰن نے اسٹبلشمنٹ ڈویژن اور وزارت داخلہ کی رپورٹ پیش کی جس میں بتایا گیا کہ اسٹبلشمنٹ ڈویژن اور وزارت داخلہ نے پٹواریوں کی 35 خالی آسامیاں پُر کرنے کی منظوری دے دی جبکہ وزارت خزانہ نے تاحال اسامیاں پُر کرنے کی منظوری نہیں دی۔
اسلام آباد ہائی کورٹ نے ریمارکس دیے کہ امید ہے کہ وزارت خزانہ و حکومت خالی اسامیوں کو جلدی پُر کریں گے۔
جسٹس محسن اختر کیانی نے برہمی کا اظہار کرتے ہوئے ریمارکس دیے کہ لگتا ہے پٹواریوں کی پوسٹوں پر خزانہ خالی ہوگیا ہے، کوئی ان کو پُر کرنے کو تیار نہیں۔ کورٹ اسٹبلشمنٹ ڈویژن کے ماتحت نہیں ہے فیڈرل گورنمنٹ خود اپنا کام کرے، فنانس والوں کو بلاوں گا تو وہ کچھ اور کہہ دیں گے۔
جسٹس محسن اختر کیانی نے ریمارکس دیے کہ سوائے عوام کے باقی ہر کسی کے لیے کام ہو جاتا ہے۔ چیف کمشنر، ڈی سی لوگوں کے لیے کام کریں صرف حکومت اور اداروں کے لیے کام نہ کریں، چیف کمشنر و بیوروکریسی لوگوں کو بس گھوماتے ہیں۔
کیس میں جسٹس محسن نے ریمارکس دیے کہ اگر کام نہیں کر سکتے تو انکار کر دیں ہم آرڈر کر دیں گے، سات پٹواری دیگر پرائیویٹ افراد کے ساتھ مل کر کام کر رہے ہیں۔
عدالت نے کیس کی سماعت اگلے ماہ تک ملتوی کر دی۔
نارتھ کراچی، خوفناک آتشزدگی، 20 سے زاید جھگیاں خاکستر