روس کے لیے لڑنے والے بھارتی نوجوان نے یوکرینی فوج کے سامنے ہتھیار ڈال دیے
اشاعت کی تاریخ: 8th, October 2025 GMT
یوکرین کی فوج نے دعویٰ کیا ہے کہ اس نے ایک بھارتی شہری کو گرفتار کیا ہے جو روسی فوج کے لیے جنگ لڑ رہا تھا۔ بھارت نے اس اطلاع کی باضابطہ تصدیق سے انکار کرتے ہوئے کہا ہے کہ وہ معاملے کی جانچ کر رہا ہے۔
یوکرینی میڈیا رپورٹس کے مطابق گرفتار شخص کی شناخت مجوتی ساحل محمد حسین کے طور پر ہوئی ہے، جو گجرات کے موربی ضلع کا رہائشی بتایا جا رہا ہے اور اس کی عمر 22 سال ہے۔
بھارتی وزارتِ خارجہ کے ذرائع نے بتایا کہ وہ اس رپورٹ کی صداقت معلوم کرنے کی کوشش کر رہے ہیں۔ یوکرین کی جانب سے انہیں ابھی تک کوئی باضابطہ اطلاع موصول نہیں ہوئی۔
یوکرین کی فوجی ویڈیو میں حسین کا انکشافیوکرین کی 63ویں میکانائزڈ بریگیڈ نے ایک ویڈیو جاری کی ہے، جس میں حسین کو قید میں دکھایا گیا ہے۔
ویڈیو میں حسین کا کہنا ہے کہ وہ روس میں تعلیم حاصل کرنے گیا تھا، لیکن منشیات کے مقدمے میں اسے 7 سال قید کی سزا دی گئی۔
انہوں نے بتایا کہ دورانِ قید، روسی حکام نے انہیں فوج میں شامل ہونے کی پیشکش کی جس کے بدلے ان کی سزا معاف کی جا سکتی تھی۔ انہوں نے یہ پیشکش قبول کر لی۔
یہ بھی پڑھیے چین کے کرائے کے فوجی بھی ہمارے خلاف جنگ میں حصہ لے رہے ہیں، یوکرین
’میں جیل میں نہیں رہنا چاہتا تھا، اس لیے روسی فوج کے ساتھ ’خصوصی فوجی آپریشن‘ کے لیے معاہدہ کر لیا مگر بعد میں مجھے وہاں سے نکلنا تھا۔‘
حسین کے مطابق، اسے روسی فوج نے صرف 16 دن کی تربیت دی، اور یکم اکتوبر کو اسے پہلی جنگی کارروائی میں بھیج دیا گیا۔
3 دن لڑنے کے بعد، ایک کمانڈر سے جھگڑے کے نتیجے میں حسین نے یوکرینی فوج کے سامنے ہتھیار ڈال دیے۔
’میں ایک یوکرینی مورچے کے قریب پہنچا، اپنی بندوق زمین پر رکھ دی اور کہا کہ میں لڑنا نہیں چاہتا، بس مدد چاہیے۔‘
روس میں غیر ملکیوں کی بھرتی کا سلسلہیہ خبر اس وقت سامنے آئی ہے جب کئی رپورٹس میں دعویٰ کیا جا رہا ہے کہ روس نے بھارت، شمالی کوریا اور دیگر ممالک کے شہریوں کو مالی لالچ دے کر فوج میں بھرتی کیا ہے۔ حسین کا کہنا ہے کہ اسے بھی پیسے دینے کا وعدہ کیا گیا تھا، مگر کوئی ادائیگی نہیں ہوئی۔
یہ بھی پڑھیے روس یوکرین جنگ: روسی فوجی تیزی سے ایڈز کا شکار ہونے لگے، ہولناک اسباب کا انکشاف
’میں روس واپس نہیں جانا چاہتا۔ وہاں سچ نہیں ہے، کچھ بھی نہیں۔ بہتر ہے میں یہیں جیل میں رہوں۔‘
بھارتی وزارتِ خارجہ کا مؤقفبھارت نے پہلے بھی اس معاملے پر روس سے شدید احتجاج کیا تھا۔ جنوری 2025 میں وزارتِ خارجہ نے بتایا تھا کہ روسی فوج میں بھیجے گئے 12 بھارتی شہری یوکرین میں ہلاک ہو چکے ہیں، جب کہ 16 لاپتا ہیں۔
بھارت نے ماسکو سے مطالبہ کیا تھا کہ وہ بھارتی شہریوں کی فوری رہائی اور ان کی محفوظ واپسی کو یقینی بنائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس یوکرین جنگ.
ذریعہ
ذریعہ: WE News
کلیدی لفظ: روس یوکرین جنگ یوکرین کی روسی فوج کے لیے فوج کے
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ