صوبائی وزیر صحت و بہبود آبادی خواجہ عمران نذیر نے اچانک سرگودہا آمد
اشاعت کی تاریخ: 8th, October 2025 GMT
سرگودہا(اُردو پوائنٹ اخبارتازہ ترین - این این آئی۔ 08 اکتوبر2025ء) صوبائی وزیر صحت و بہبود آبادی خواجہ عمران نذیر نے اچانک سرگودہا آمد پر ہیلتھ کلینک اور کلینک ان ویلز کو چیک کرتے ہوئے مریضوں کو فراہم کی جانے والی سہولیات کا جائزہ لیا اور سٹاف کو بروقت تنخواہوں کی ادائیگی سمیت حکام کو ضروری ہدایات جاری کیں۔زرائع کے مطابق صوبائی وزیر صحت و بہبود آبادی خواجہ عمران نذیر نے اچانک سرگودہا آمد پر مریم نواز ہیلتھ کلینک چک 88 جنوبی اور "کلینک آن ویلز" چک 47 شمالی کو چیک کرتے ہوئے مریضوں کو فراہم کی جانے والی طبی سہولیات، عملہ کی حاضری اور مریضوں کو دی جانے والی خدمات کو معائنہ کیا اور سٹاف سے ملاقات میں تنخواہوں کی ادائیگی کے بارے پوچھتے ہوئے متعلقہ حکام کو ہدایت کی کہ ہیلتھ کلینکس میں تعینات عملے کی بروقت تنخواہوں کی ادائیگی کو یقینی بنایا جائے تاکہ وہ دلجمعی کے ساتھ عوام کی خدمت جاری رکھ سکیں۔
(جاری ہے)
صوبائی وزیر خواجہ عمران نذیر نے کلینک آن ویلز کے ماڈل کو عوام کے لیے ایک موثر سہولت قرار دیتے ہوئے کہا کہ مریم نواز ہیلتھ کلینک اور کلینک آن ویلز منصوبے وزیراعلی پنجاب مریم نواز شریف کے وژن کا حصہ ہیں، جن کا مقصد دور دراز دیہات کے عوام کو ان کی دہلیز پر بنیادی طبی سہولیات فراہم کرنا ہے۔ انہوں نے کہا کہ حکومت پنجاب دیہی علاقوں میں صحت عامہ کے نظام کو مزید مضبوط بنانے کے لیے تمام وسائل بروئے کار لا رہی ہے۔ ہر شہری کو معیاری علاج معالجے کی سہولت فراہم کرنا حکومت کی اولین ترجیح ہے۔ صوبائی وزیر نے آوٹ سورس اسٹاف سے ملاقات کی اور ان کی کارکردگی پر مریم نواز ہیلتھ کلینک چک نمبر 88 جنوبی کی ہیلتھ مینیجر ڈاکٹر صبا نعمان کو تعریفی سرٹیفکیٹ دینے کا اعلان کیا اور افسران کو ہدایت کی کہ تمام ہیلتھ کلینکس میں عملے کی باقاعدہ حاضری یقینی بنائی جائے، ریکارڈ شفاف رکھا جائے اور عوامی شکایات کے ازالے کے لیے موثر نظام قائم کیا جائے۔.
ذریعہ
ذریعہ: UrduPoint
کلیدی لفظ: تلاش کیجئے خواجہ عمران نذیر نے مریم نواز
پڑھیں:
اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
پاکستانی شوبز انڈسٹری کی معروف اداکارہ، ماڈل اور ڈیجیٹل کریئیٹر میرب علی حال ہی میں انگلی کی سرجری کے بعد اسپتال میں زیرِ علاج رہیں۔
میرب علی نے سماجی رابطوں کی ویب سائٹ پر اپنے مداحوں کو آگاہ کرتے ہوئے بتایا کہ ان کی ایک انگلی میں طویل عرصے سے حرکت کے دوران مسئلہ درپیش تھا جس میں انگلی کا ’لاک‘ ہو جانا اور محدود حرکت شامل تھی۔
یہ بھی پڑھیں: عاصم اظہر اور ہانیہ عامر کی وائرل ویڈیو کے بعد میرب علی کا انسٹاگرام پر طنزیہ پیغام
اداکارہ کے مطابق ابتدائی طور پر ان کا معائنہ ریمیٹولوجسٹ اور نیورولوجسٹ نے کیا جنہوں نے انہیں فٹ قرار دیا تاہم بعد ازاں آرتھوپیڈک سرجن نے مسئلے کے حل کے لیے سرجری تجویز کی۔
View this post on Instagram
A post shared by Merub Ali (@meruub)
میرب علی نے بتایا کہ انہوں نے اس آپریشن کو معمولی طبی عمل سمجھا تھا تاہم سرجری ان کی توقع سے زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں کیا گیا۔
انہوں نے اپنے مداحوں کے لیے ویڈیو پیغام بھی جاری کیا جس میں انہوں نے اپنی صحت سے متعلق صورتحال سے آگاہ کیا۔ اداکارہ کی سرجری کی خبر سامنے آنے کے بعد شوبز شخصیات اور مداحوں کی جانب سے ان کی جلد صحت یابی کے لیے نیک خواہشات اور دعاؤں کا اظہار کیا جا رہا ہے۔
یہ بھی پڑھیں: عاصم اظہر اور میرب علی نے راہیں جدا کرلیں، گلوکار نے اپنے پیغام میں کیا کہا؟
مایا خان، درِفشاں سلیم، ثناء فہد، رابعہ کلثوم سمیت متعدد فنکاروں نے بھی ان کی جلد صحت یابی کے لیے دعائیں کیں۔ سوشل میڈیا صارفین نے میرب علی کو آرام کرنے اور موبائل فون کے زیادہ استعمال سے گریز کرنے کا مشورہ دیا ہے تاکہ تکلیف میں اضافہ نہ ہو۔
میرب علی ڈرامہ سیریلز صِنفِ آہن، پریستان، وبال اور فرار کے ذریعے شہرت حاصل کر چکی ہیں۔ اداکاری کے ساتھ ساتھ وہ قانون کی ڈگری بھی رکھتی ہیں اور ماڈلنگ کے شعبے میں بھی اپنی شناخت بنا چکی ہیں۔ گزشتہ سال ان کی اور گلوکار عاصم اظہر کی منگنی ختم ہونے کی خبر بھی سامنے آئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاصم اظہر میرب علی میرب علی سرجری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ