آئی سی سی ویمنز ورلڈ کپ: قومی ٹیم کی نشرہ سندھو نے تاریخ رقم کردی
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: آئی سی سی ویمنز ورلڈکپ میں پاکستانی بولر نشرہ سندھو نے پاکستان کیلئے نئی تاریخ رقم کر دی۔
پاکستانی اسپنر نشرہ سندھو نے بدھ کو آئی سی سی ویمنز ورلڈ کپ 2025 میں آسٹریلیا کے خلاف میچ کے دوران شاندار بولنگ کرتے ہوئے 3 اہم وکٹیں حاصل کیں۔انہوں نے آسٹریلیا کی ایلیس پیری، انا بیل سدرلینڈ اور تاہلیہ میک گرا کو پویلین بھیجا۔
کینگروز کے خلاف 3 وکٹیں لینے کے بعد نشرہ سندھو اب آئی سی سی ویمنز ورلڈ کپ کی تاریخ میں پاکستان کی جانب سے سب سے زیادہ وکٹیں لینے والی بولر بن گئی ہیں۔
نشرہ سندھو نے ورلڈکپ کے 16 میچوں میں سب سے زیادہ 20 وکٹیں حاصل کی ہیں۔اس سے قبل یہ ریکارڈ پاکستان کی سابق کپتان ثنا میر کے پاس تھا جنہوں نے ورلڈکپ کے 18 میچوں میں 17 وکٹیں حاصل کیں۔اس کے علاوہ بائیں ہاتھ کی اسپنر نشرہ نے ندا ڈار کا ریکارڈ بھی برابر کر دیا ہے اور ویمنز ون ڈے انٹرنیشنل کرکٹ میں وہ پاکستان کی جانب سے مشترکہ طور پر دوسری سب سے زیادہ وکٹیں لینے والی بولر بن گئی ہیں۔دونوں کھلاڑیوں نے ون ڈے میں 108،108 وکٹیں حاصل کیں۔
نشرہ نے یہ سنگ میل 78 میچوں میں حاصل کیا جبکہ ندا ڈار نے 112 میچوں میں 108 وکٹیں حاصل کیں۔ پاکستان کے لیے ون ڈے فارمیٹ میں سب سے زیادہ وکٹیں ثنا میر کے نام ہیں، جنہوں نے 120 میچوں میں 151 وکٹیں حاصل کیں۔واضح رہے کہ آئی سی سی ویمنز ورلڈکپ میں آسٹریلیا نے پاکستان کو جیت کیلئے 222 رنز کا ہدف دیا۔
ذریعہ: Jasarat News
کلیدی لفظ: ا ئی سی سی ویمنز وکٹیں حاصل کیں نشرہ سندھو نے وکٹیں حاصل کی سب سے زیادہ پاکستان کی میچوں میں
پڑھیں:
اجتماع پاکستان کی سیاسی تاریخ میں سنگ میل ثابت ہوگا، جاوید قصوری
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی)جماعت اسلامی کے تین روزہ تاریخی اجتماع میں شرکت کے لئے آنے والے شرکاکو خوش آمدید کہتے ہوئے امیر جماعت اسلامی پنجاب محمد جاوید قصوری نے کہا ہے کہ یہ اجتماع پاکستان کی سیاسی و سماجی تاریخ میں سنگِ میل ثابت ہوگا۔جماعت اسلامی جلد ملک میں ایسا انقلاب برپا کرے گی جو حقیقی معنوں میں عوام کی تقدیر بدل دے گا۔ موجودہ طبقہ اشرافیہ کی سیاست نے ملک کو مسائل کے دلدل میں دھکیل دیا ہے۔ عام آدمی مہنگائی، بے روزگاری، ناانصافی، بدعنوانی اور کرپشن کے بوجھ تلے دبا ہوا ہے جبکہ حکمران اپنی ترجیحات بدلنے کے لئے تیار نہیں۔ان کا کہنا تھا کہ جماعت اسلامی اس فرسودہ اور کرپٹ سیاسی نظام کے خلاف عوام کے اندر نئی امید اور نیا شعور پیدا کر رہی ہے۔ لاہور میں ہونے والا اجتماع عام صرف ایک جلسہ نہیں، بلکہ ملک گیر اصلاحاتی تحریک کا نقطہ آغاز ہوگا۔ یہاں لاکھوں مرد، خواتین، نوجوان اور بچے شریک ہوں گے جو یہ ثابت کریں گے کہ قوم اب تبدیلی کے لئے پوری طرح تیار ہے۔ انہوں نے کہا کہ جماعت اسلامی وہ واحد جماعت ہے جو نظریاتی بنیادوں، ایماندار قیادت، شفاف کردار اور خدمت کے عملی نمونے کے ساتھ میدان میں ہے۔ اس اجتماع کا مقصد صرف نعرے بازی نہیں بلکہ ایک منظم اور پْرامن طریقے سے قوم کو وہ قیادت فراہم کرنا ہے جس کی بنیاد دیانت، صلاحیت اور خدمت ہو۔ جماعت اسلامی پاکستان کے ہر طبقے کے لئے آواز اٹھا رہی ہے۔ چاہے مزدور ہو یا کسان، نوجوان ہو یا تاجر، خواتین ہوں یا معمارانِ وطن، جماعت اسلامی سب کو ساتھ لے کر چلنے کی حکمت عملی رکھتی ہے۔ان کا کہنا تھا کہ اجتماع عام میں ملک کی موجودہ صورتحال، اسلامی فلاحی ریاست کا نقشہ، معاشی استحکام، عدالتی اصلاحات، تعلیم و صحت کا بہتر نظام اور نوجوانوں کے روشن مستقبل کے لئے عملی اقدامات کا روڈ میپ پیش کیا جائے گا۔آخر میں محمد جاوید قصوری نے کہا کہ آنے والے تین روز پاکستان میں مثبت سیاسی بیداری کے لئے تاریخی ثابت ہوں گے، اور ان شاء اللہ جماعت اسلامی وہ حقیقی قیادت فراہم کرے گی جس کی اس قوم کو سالہا سال سے ضرورت ہے۔
صوبے میں دہشت گردی خود ساختہ ہے‘ وزیراعلیٰ خیبرپختونخوا