پاکستان میں چیٹ جی پی ٹی کا سستا ترین سبسکرپشن پلان متعارف
اشاعت کی تاریخ: 9th, October 2025 GMT
اوپن اے آئی(OPEN AI) کی جانب سے اپنا سب سے کم قیمت سبسکرپشن پلان چیٹ جی پی ٹی گو( chat gpt go) پاکستان سمیت ایشیا کے مزید 16 ممالک میں متعارف کرا دیا گیاہے۔
چیٹ جی پی ٹی کے سربراہ نک ٹورلے نے سوشل میڈیا پلیٹ فارم ایکس (ٹوئٹر) پر اس کا اعلان کیا۔
انہوں نے کہا کہ صارفین کی جانب سے چیٹ جی پی ٹی کو زیادہ سستا بنانے کا مطالبہ کیا جا رہا تھا۔
اب اوپن اے آئی کی جانب سے پاکستان سمیت افغانستان، بنگلادیش، بھوٹان، برونائی، کمبوڈیا، لاؤس، ملائیشیا، مالدیپ، میانمار، نیپال، فلپائن، سری لنکا، مشرقی تیمور اور ویتنام میں چیٹ جی پی ٹی گو کو متعارف کرایا گیا ہے۔
اوپن اے آئی کے مطابق چیٹ جی پی ٹی گو کو متعارف کرانے کا مقصد کمپنی کے نئے ماڈل جی پی ٹی 5 تک صارفین کی رسائی کو بڑھانا ہے۔
چیٹ جی پی ٹی گو میں اس اے آئی چیٹ بوٹ کے مفت ورژن کے تمام فیچرز کے علاوہ زیادہ تصاویر بنوانے، فائل اپ لوڈز، ایڈوانسڈ ڈیٹا اینالسٹس اور دیگر فیچرز صارفین کو دستیاب ہوں گے۔
کمپنی نے بتایا کہ اس کے علاوہ اے آئی چیٹ بوٹ کے مفت ورژن کے مقابلے میں چیٹ جی پی ٹی گو میں صارفین کے لیے چیٹ اور ٹولز کی لمٹ (Limit) بھی زیادہ ہوگی۔
پاکستان میں چیٹ جی پی ٹی گو کی ماہانہ فیس 1400 روپے (لگ بھگ 5 ڈالرز کے قریب) رکھی گئی ہے۔
اس کے مقابلے میں چیٹ جی پی ٹی پلس کی ماہانہ فیس 5700 روپے، چیٹ جی پی ٹی پرو کی 49 ہزار 900 روپے جبکہ بزنس پلان کی 8499 روپے ہے۔
یاد رہے آرٹی فیشل انٹیلی جنس (اے آئی) کمپنی نے چیٹ جی پی ٹی گو کو کچھ عرصے قبل سب سے پہلے بھارت اور انڈونیشیا میں متعارف کرایا تھا۔
ذریعہ: Daily Mumtaz
پڑھیں:
ڈی جی آئی ایس پی آر لیفٹیننٹ جنرل احمد شریف چوہدری کا جامعہ الرشید کراچی میں خصوصی اوپن سیشن
سیشن میں ملکی صورتحال، سیکورٹی چیلنجز اور قومی یکجہتی کے امور پر تفصیلی تبادلۂ خیال کیا گیا۔ سیشن کے شرکاء نے کہا کہ پاک فوج اور عوام کے درمیان رابطے مضبوط بنانے کے لیے ایسے سیشن نہایت اہم کردار ادا کرتے ہیں اور یہ ملاقات باہمی اعتماد کو فروغ دینے کا بہترین ذریعہ ہے۔ اسلام ٹائمز۔ ڈی جی آئی ایس پی آر لیفٹیننٹ جنرل احمد شریف چوہدری نے مسلک دیوبند کے معروف مدرسہ جامعہ الرشید کراچی میں طلباء اور علمائے کرام کے ساتھ ایک خصوصی اوپن سیشن میں شرکت کی، جہاں ملکی صورتحال، سیکورٹی چیلنجز اور قومی یکجہتی کے امور پر تفصیلی تبادلۂ خیال کیا گیا۔ سیشن کے شرکاء نے کہا کہ پاک فوج اور عوام کے درمیان رابطے مضبوط بنانے کے لیے ایسے سیشن نہایت اہم کردار ادا کرتے ہیں اور یہ ملاقات باہمی اعتماد کو فروغ دینے کا بہترین ذریعہ ہے۔ طلباء اور علمائے کرام نے سیشن کے اختتام پر ڈی جی آئی ایس پی آر لیفٹیننٹ جنرل احمد شریف چوہدری کا خصوصی شکریہ ادا کرتے ہوئے وطنِ عزیز اور پاک فوج سے اپنی محبت اور یکجہتی کے جذبات کا بھرپور اظہار کیا۔
شیخ حسینہ واجد نے عدالتی فیصلے کو سیاسی اور جانبدار قرار دے دیا