نیپرا نے کے الیکٹرک پر کروڑوں روپے جرمانہ کیوں عائد کیا؟
اشاعت کی تاریخ: 9th, October 2025 GMT
نیشنل الیکٹرک پاور اینڈ ریگولیٹری اتھارٹی (نیپرا) نے کراچی کی بجلی تقسیم کار کمپنی کے الیکٹرک (KE) پر اپنی ذمہ داریاں پوری نہ کرنے پر 2 کروڑ 50 لاکھ روپے کا جرمانہ عائد کر دیا ہے۔
میڈیا رپورٹس کے مطابق یہ جرمانہ جنوری 2023 میں ہونے والے ملک گیر بجلی کے بریک ڈاؤن پر عائد کیا گیا۔
یہ بھی پڑھیں: نیپرا نے بجلی سستی کردی، صارفین کو 24 ارب روپے سے زیادہ کا ریلیف
نیپرا کے نوٹیفکیشن میں بتایا گیا کہ کے الیکٹرک نے بجلی بحالی کے لیے ’بلیک اسٹارٹ فیسلٹیز‘ استعمال کرنے کی کوشش کی، جو مکمل بلیک آؤٹ کی صورت میں بجلی بحال کرنے کے لیے مخصوص ہوتی ہیں، تاہم بار بار ٹرپنگ کے باعث یہ کوششیں ناکام رہیں۔
نوٹیفکیشن کے مطابق مختلف پاور پلانٹس میں بلیک اسٹارٹ فیسلٹیز کے ناکام تجربات اس بات کی نشاندہی کرتے ہیں کہ کمپنی نے اس نظام کی مناسب مشق نہیں کی، جو بلیک آؤٹ کی صورتحال سے نمٹنے کے لیے نہایت ضروری عمل ہے۔
کے الیکٹرک نے اپنے جواب میں مؤقف اختیار کیا کہ بجلی کے نظام میں خرابی نیشنل ٹرانسمیشن اینڈ ڈسپیچ کمپنی کے 500 کلو وولٹ نیٹ ورک میں پیدا ہونے والے مسائل کے باعث ہوئی۔
یہ بھی پڑھیں: کے الیکٹرک کے سی ای او مونس علوی نوکری سے برطرف، وجہ کیا بنی؟
تاہم نیپرا نے قرار دیا کہ کے الیکٹرک کا یہ مؤقف کہ اس کا نظام مکمل طور پر این ٹی ڈی سی کے نیٹ ورک پر منحصر ہے، کمپنی کی اپنی تیاری اور تکنیکی اہلیت پر سوال اٹھاتا ہے۔
اتھارٹی نے قرار دیا کہ کے الیکٹرک نے نیپرا ایکٹ کی شق 14B(4)، نیپرا لائسنسنگ رولز 2000 کے رول 10(6)، اور گرڈ کوڈ کی متعدد شقوں کی خلاف ورزی کی ہے۔
نیپرا نے ہدایت دی کہ کے الیکٹرک 15 دن کے اندر 2 کروڑ 50 لاکھ روپے کا جرمانہ ادا کرے، بصورتِ دیگر یہ رقم نیپرا ایکٹ کی شق 41 اور متعلقہ فائن ریگولیشنز 2021 کے تحت بطور واجبات وصول کی جائے گی۔
یہ بھی پڑھیں: روشنیوں کے شہر کراچی میں اندھیروں کا راج، کے الیکٹرک کی بھی انوکھی منطق
کے الیکٹرک کے ترجمان نے نیپرا کے فیصلے کو حیران کن قرار دیتے ہوئے کہا کہ کمپنی فیصلے کا تفصیلی جائزہ لے رہی ہے اور آئندہ کے لائحہ عمل کا تعین بعد میں کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلیک اسٹارٹ فیسلٹیز پاور پلانٹس جرمانہ کے الیکٹرک نیپرا.
ذریعہ
ذریعہ: WE News
کلیدی لفظ: پاور پلانٹس کے الیکٹرک نیپرا کہ کے الیکٹرک نیپرا نے کے لیے
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ