جی بی حکومت اور نجی کمپنی کے مابین ہنزہ میں بجلی کی فراہمی کا معاہدہ
اشاعت کی تاریخ: 23rd, November 2025 GMT
اس موقع پر منعقدہ تقریب سے خطاب کرتے ہوئے وزیر اعلیٰ گلگت بلتستان حاجی گلبر خان نے کہا کہ ضلع ہنزہ میں بجلی کے بحران کو مستقل بنیادوں پر حل کرنے کیلئے این پاک انرجی کا ہنزہ میں کام شروع کرنا سنگ میل ثابت ہوگا۔ اسلام ٹائمز۔ حکومت گلگت بلتستان اور این پاک انرجی کے مابین ضلع ہنزہ میں بجلی کی پیداوار اور ترسیل کے نظام کی منتقلی اور نئے بجلی کے منصوبوں میں سرمایہ کاری کیلئے کئے جانے والے باہمی معاہدے پر دستخط کر دیئے۔ اس موقع پر منعقدہ تقریب سے خطاب کرتے ہوئے وزیر اعلیٰ گلگت بلتستان حاجی گلبر خان نے کہا کہ ضلع ہنزہ میں بجلی کے بحران کو مستقل بنیادوں پر حل کرنے کیلئے این پاک انرجی کا ہنزہ میں کام شروع کرنا سنگ میل ثابت ہوگا۔ امید ہے این پاک انرجی رن آف دی ریور منصوبوں کی تعمیر، ترسیل کے نظام کی بہتری اور معاہدے کے تحت متعین ٹیرف کو یقینی بنائے گا۔ پائلٹ پروجیکٹ کے تحت پہلے مرحلے میں ضلع ہنزہ میں این پاک انرجی کی کامیابی اور کارکردگی کے بعد این پاک انرجی کے دائرہ کار کو دیگر اضلاع تک وسعت دینے پر غور کیا جائے گا۔ وزیر اعلیٰ نے اس بات پر زور دیا کہ این پاک انرجی ضلع ہنزہ میں انرجی ماسٹر پلان کے تحت رن آف دی ریور پاور پروجیکٹس پر خصوصی توجہ دے گا۔
اس سے پہلے حکومت گلگت بلتستان اور این پاک انرجی کے درمیان ایک اہم معاہدے پر دستخط کیے گئے، جس کا مقصد خطے میں بجلی کی فراہمی کو بہتر بنانا اور مقامی سطح پر پائیدار توانائی کے منصوبوں کو فروغ دینا ہے۔ وزیر اعلیٰ گلگت بلتستان نے اس اہم پیش رفت پر سیکریٹری واٹر اینڈ پاور صفدر خان کی کوششوں کو سراہا۔ ایڈیشنل چیف سیکریٹری نے اس معاہدے کو صوبے کیلئے نہایت خوش آئند قرار دیا۔ اس موقع پر چیف سیکریٹری گلگت بلتستان ابرار احمد مرزا، ایڈیشنل چیف سیکریٹری مشتاق احمد، سیکریٹری واٹر اینڈ پاور صفدر خان اور این پاک انرجی سمیت دیگر اداروں کے اعلیٰ حکام شریک تھے۔ این پاک کے ماہرین نے منصوبے پر تفصیلی بریفنگ دی۔ این پاک انرجی کے سی ای او محمد عمران حلیم نے اس موقع پر گفتگو کرتے ہوئے یقین دلایا کہ این پاک انرجی ضلع ہنزہ کے عوام کے وسیع مفاد کو مدنظر رکھتے ہوئے انرجی منصوبوں میں سرمایہ کاری کو فروغ دے گا، بجلی کے ترسیل اور پیداوار کے نظام کوموثر بناتے ہوئے ہنزہ سے بجلی بحران کا خاتمہ کرے گا۔
ذریعہ
ذریعہ: Islam Times
کلیدی لفظ: پاک انرجی کے ہنزہ میں بجلی گلگت بلتستان وزیر اعلی بجلی کے
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ