اسلام آباد (اپنے سٹاف رپورٹر سے+ نمائندہ خصوصی) وزیراعظم شہباز شریف نے دہشت گردوں اور ان کے سہولت کاروں کے مکمل خاتمے کے عزم کا اعادہ کرتے ہوئے کہا ہے کہ شہداء پاکستان کی عزت و وقار اور ہمارے ماتھے کا جھومر ہیں۔ دوست نما دشمن دہشت گردوں کو تحفظ دے رہے ہیں۔ خوارج ہمسایہ ملک سے آ کر دہشت گردی کرتے ہیں۔ آگ اور پانی کا کھیل اب مزید نہیں چل سکتا۔ ٹھوس فیصلے کرنے کا وقت آ گیا ہے۔ چین پاکستان کا انتہائی دیرینہ، قابل قدر، قابل اعتبار اور ہر مشکل گھڑی میں ساتھ دینے والا دوست ملک ہے۔ اس کے تعاون کو کبھی نہیں بھلا سکتے۔ پاکستان اور سعودی عرب کے تعلقات صدیوں پر محیط ہیں۔ دورہ ملائیشیا کے دوران پرتپاک استقبال دونوں ممالک کی مضبوط دوستی کی علامت تھا۔ رواں ماہ ترسیلات زر گزشتہ سال کی نسبت 11.
3 فیصد بڑھ گئیں۔ بلوم برگ نے پاکستان کو ترکیہ کے بعد دوسری ابھرتی ہوئی معیشت قرار دیا ہے۔ کشمیری بہن بھائی ہمارے سروں کا تاج ہیں، ان کے حقیقی مسائل پہلے بھی حل کیے ہیں آئندہ بھی کریں گے۔ انہوں نے ان خیالات کا اظہار جمعرات کو وفاقی کابینہ کے اجلاس میں کیا۔ وزیراعظم نے کہا کہ کل بدھ کو انہوں نے راولپنڈی میں سپہ سالار فیلڈ مارشل سید عاصم منیر، افواج پاکستان کے اعلی افسروں اور جوانوں کے ساتھ لیفٹیننٹ کرنل جنید طارق اور میجر طیب کی نماز جنازہ ادا کی۔ ضلع اورکزئی میں ان کے ساتھ پاک فوج کے 9 اور جوان بھی شہید ہوئے۔ شہید لیفٹیننٹ کرنل جنید طارق نے بہادری اور شجاعت کی نئی تاریخ رقم کی۔ فتنہ الخوارج کے 19 دہشت گردوں کو جہنم واصل کیا۔ اس کے بعد خود بھی اور ان کے باقی 10 ساتھیوں نے جام شہادت نوش کیا۔ جمعرات کی صبح ایک اور شہید میجر سبطین حیدر کی نماز جنازہ میں بھی شرکت کی۔ ہم نے ان کے والدین اور بہن بھائیوں سے ملاقات کی، ان کا جذبہ لائق تحسین تھا۔ انہوں نے کہا کہ ہمارے بیٹے نے ملک کے لیے جان کا نذرانہ پیش کیا ہے اور جام شہادت نوش کیا ہے۔ ہم اللہ تعالی کا شکر ادا کرتے ہیں اس قربانی پر ہمیں بہت فخر ہے۔ وزیراعظم نے کہا کہ دہشت گردی کے واقعات ہر روز ہو رہے ہیں اور انتہائی قیمتی جانیں قربان ہو رہی ہیں۔ جس ملک نے ان کو عزت دی، پناہ دی اس کے ساتھ دشمنی کر رہے ہیں، ہمارے شہداء نے اپنے خون سے لکیر کھینچ دی ہے، اس کو کوئی مٹا نہیں سکتا۔ دہشت گردی کا ہر صورت میں مکمل خاتمہ کرنا ہے۔ وفاقی صوبائی حکومتیں، پارلیمنٹ، سرکاری افسروں، افواج پاکستان اور سپہ سالار ملک کی ترقی کے لئے دن رات محنت کر رہے ہیں۔ اگر اس دہشت گردی کا مکمل خاتمہ نہ کیا اور اس کا سر نہ کچلا تو خدا نخواستہ یہ محنت رائیگاں چلی جائے گی، بس اب بہت ہو گیا۔ وزیراعظم نے کہا کہ وقت آ گیا ہے اب مزید انتظار نہیں کر سکتے۔ کراچی سے لے کر پشاور تک پوری قوم یکسو ہے۔ ایک طرف ہم معاشی میدان میں آگے بڑھنے کے لیے دن رات کوششیں کر رہے ہیں، سفارتی میدان میں کامیابیاں حاصل کر رہے ہیں۔ ہندوستان کے خلاف معرکہ حق میں اللہ تعالی نے ہمیں عظیم فتح عطا فرمائی۔ افواج پاکستان کی جرأت، بہادری اور قوم کی دعائوں سے یہ فتح ملی اور دوسری طرف ملک کو نقصان پہنچانے کے لیے دہشت گردی ہو رہی ہے۔ آگ اور پانی کا یہ کھیل اب مزید نہیں چل سکتا، وقت آ گیا ہے کہ ہمیں ٹھوس فیصلے کرنا ہوں گے۔ شہداء پاکستان کی عزت و وقار اور ہمارے ماتھے کا جھومر ہیں، ان کی قربانیوں کو ہمیشہ یاد رکھا جائے گا۔ وہ سہولت کار جو دہشت گردوں کو سہولت دیتے ہیں، انہیں ٹھکانے دیتے ہیں، وہ اس جرم میں ان کے ساتھ برابر کے شریک ہیں۔ سپہ سالار فیلڈ مارشل سید عاصم منیر کا عزم انتہائی بلند اور سوچ انتہائی پختہ ہے۔ 24 کروڑ عوام پوری طرح یکسو ہیں کہ ان خوارج کا ہمیشہ کے لیے خاتمہ کیا جائے۔ افواج پاکستان نے ہندوستان کو شکست فاش دی ہے۔ اس سے دنیا میں پاکستان کی عزت اور وقار میں اضافہ ہوا ہے جو اس سے پہلے کبھی نہیں دیکھا گیا۔ اس پر پاکستان کے 24 کروڑ عوام، افواج پاکستان، سپہ سالار فیلڈ مارشل سید عاصم منیر اور پوری کابینہ کو مبارک ہو۔ صدر ٹرمپ سے ملاقات میں پاکستان بھارت جنگ بندی میں ان کے کردار کو سراہا اور ان کا شکریہ ادا کیا کہ ان کے کردار کو تاریخ ہمیشہ یاد رکھے گی۔ وزیراعظم نے کہا کہ واشنگٹن میں صدر ٹرمپ کے ساتھ انتہائی تعمیری اور مفید ملاقات ہوئی۔ ملاقات میں سپہ سالار فیلڈ مارشل سید عاصم منیر، امریکی نائب صدر اور امریکہ کے وزیر خارجہ بھی موجود تھے۔ وزیراعظم نے کہا کہ چین پاکستان کا انتہائی دیرینہ، قابل قدر، قابل اعتبار اور ہر مشکل گھڑی میں ساتھ دینے والا دوست ملک ہے۔ سعودی عرب کے ساتھ طے پانے والا معاہدہ ہمارے برادرانہ تعلقات کا عکاس ہے۔ آزاد جموں وکشمیر میں اعلی سطح حکومتی مذاکراتی کمیٹی کی کاوشوں کو خراج تحسین پیش کرتے ہوئے وزیراعظم نے کہا کہ آزاد کشمیر میں حکومتی مذاکراتی کمیٹی نے بڑا کلیدی کردار ادا کیا ہے۔ کشمیری بہن بھائی ہمارے سروں کا تاج ہیں، ان کی ترقی اور خوشحالی ہماری ذمہ داری ہے۔ اس کے لیے مذاکراتی کمیٹی نے جو کام کیا ہے اس پر ان کا شکر گزار ہوں۔ وزیراعظم نے کہا کہ بلوم برگ نے حالیہ رپورٹ میں پاکستان کو ترکیہ کے بعد دوسری ابھرتی ہوئی معیشت قرار دیا ہے۔ یہ تمام متعلقہ وزراء، افسران اور معاشی ٹیم کی مکمل عزم کے ساتھ انتھک کاوشوں کا اعتراف اور محنت کا ثمر ہے۔ دوسری جانب وفاقی کابینہ نے پاکستان اور سعودی عرب کے درمیان باہمی سٹرٹیجک دفاعی معاہدے کی توثیق کر دی۔ شہباز شریف نے وفاقی کابینہ کو سعودی عرب، قطر، اقوام متحدہ جنرل اسمبلی اور ملائیشیا کے سرکاری دوروں کے حوالے سے تفصیلی آگاہ کیا۔ اس موقع پر کابینہ اراکین نے پاکستان اور سعودی عرب کی قیادت کو خراج تحسین پیش کیا۔ وفاقی کابینہ نے وزارت قومی غذائی تحفظ و تحقیق کی سفارش پر محکمہ پلانٹ پروٹیکشن کے 15 ناقابل پرواز ہوائی جہازوں (8 سیسنا اور 7 فلیچر) کو تعلیمی، یادگاری یا نمائش کے مقاصد کے لیے مختلف اداروں کو عطیہ کرنے کی منظوری دی۔ ادارے کے زیر استعمال باقی 4 قابل پرواز بیور ہوائی جہاز ٹڈی دل کے خلاف کارروائیوں کے لیے محکمہ پلانٹ پروٹیکشن کے زیر استعمال رہیں گے۔ وفاقی کابینہ نے وزارت آبی وسائل کی سفارش پر واپڈا کے زیر انتظام اہم ڈیموں اور ہائیڈرو پاور منصوبوں کی حفاظت کے لیے خصوصی سکیورٹی فورس کے قیام کے لئے "واپڈا سکیورٹی فورس ایکٹ 2025"ء کی قانون سازی کی اصولی منظوری دی۔ دوسری جانب شہباز شریف نے قومی خزانے پر بوجھ بننے والے اور غیرفعال سرکاری اداروں کی نجکاری کا عمل جلد از جلد انتظامی اور ادارہ جاتی پیچیدگیوں سے بچاتے ہوئے مکمل کرنے کی ہدایت کرتے ہوئے کہا ہے کہ مجوزہ سرکاری اداروں کی نجکاری میں قومی مفاد اور مستقبل میں اداروں کی پیشہ ورانہ استعداد بڑھانے کو ملحوظ خاطر رکھا جائے۔ اجلاس سے خطاب کرتے ہوئے وزیر اعظم نے کہا کہ مجوزہ سرکاری اداروں کی نجکاری میں قومی مفاد اور مستقبل میں اداروں کی پیشہ ورانہ استعداد بڑھانے کو ملحوظ خاطر رکھا جائے۔ انہوں نے مجوزہ سرکاری اداروں کی نجکاری کے عمل میں عالمی شہرت یافتہ ماہرین کی خدمات حاصل کرنے اور سرکاری اداروں کی اندرونی استعداد کار بڑھانے کے لیے جامع حکمت عملی کے تحت ہر ممکن اقدامات فوری طور پر اٹھانے کی بھی ہدایت کی۔ وزیر اعظم نے حکم دیا کہ نجکاری کے عمل میں شامل سرکاری اداروں کے لیے بہترین معاملہ طے کیا جائے۔ انہوں نے خبردار کیا کہ نجکاری کے عمل میں ادارہ جاتی اور انتظامی تاخیر اور سرخ فیتے کو برداشت نہیں کیا جائے گا۔ دوسری جانب پاکستان پیپلز پارٹی کے چیئرمین بلاول بھٹو زرداری کو وزیرِ اعظم شہباز شریف نے ٹیلی فون کیا ہے۔ پاکستان پیپلز پارٹی کے اعلامیہ کے مطابق بلاول بھٹو زرداری اور وزیرِ اعظم شہباز شریف کے درمیان موجودہ سیاسی صورت حال، سیلاب اور خارجہ پالیسی پر بات چیت ہوئی۔
ذریعہ
ذریعہ: Nawaiwaqt
کلیدی لفظ:
سرکاری اداروں کی نجکاری
سپہ سالار فیلڈ مارشل
وزیراعظم نے کہا کہ
افواج پاکستان
اعظم نے کہا کہ
شہباز شریف نے
وفاقی کابینہ
پاکستان اور
پاکستان کی
کر رہے ہیں
کرتے ہوئے
انہوں نے
کے ساتھ
کیا ہے
اور ان
کے لیے
پڑھیں:
پاکستان کے دفاع، سیکیورٹی کے شعبے میں ٹیکنالوجی کا استعمال قابل فخر ہے، وزیراعظم
لاہور(ڈیلی پاکستان آن لائن)وزیراعظم محمد شہباز شریف نے ملکی خودمختاری کے تحفظ اور دفاع کو مضبوط بنانے کے لئے جدید ٹیکنالوجی کے استعمال کے عزم کا اعادہ کرتے ہوئے روبوٹکس اور اٹانومس سسٹمز کی ترقی کے لئے سپارک اینڈ ایلیویٹ پروگرام کے آغاز اور 20 ملین ڈالر کا پاکستان وینچر فنڈ قائم کرنے کا اعلان کیا اور کہا ہے کہ پاکستان نے دفاع اور سیکیورٹی کے شعبے میں ملکی صلاحیتیں بڑھانے میں نمایاں کامیابیاں حاصل کی ہیں اور سلامتی کے شعبے میں ٹیکنالوجی کا استعمال قابل فخر ہے۔
اسلام آباد میں انڈس راس روبوٹکس اینڈ اٹانومس سسٹمز ایکسپو 2026 کی افتتاحی تقریب سے خطاب کرتے ہوئے وزیراعظم شہباز شریف نے کہا کہ انڈس راس روبوٹکس اینڈ اٹانومس سسٹمز ایکسپو سے ٹیکنالوجی کے شعبے میں صف اول کا کردار ادا کرنے کے حوالے سے پاکستان کے عزم کی عکاسی ہوتی ہے، یہ نمائش اور اس طرح کے اقدامات پاکستان کو 21ویں صدی کی جدید ٹیکنالوجی میں صف اول کا ملک بنائیں گے۔ وزیراعظم نے کہا کہ رواں سال کے اوائل میں پاکستان نے انڈس اے آئی سمٹ کی بھی میزبانی کی، جس سے مصنوعی ذہانت کے دور میں پاکستان کے سفر کو آگے بڑھانے کے لیےحکومتی نمائندوں، ٹیکنالوجی لیڈرز اور محققین کاروباری افراد کو مل بیٹھنے کا موقع ملا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ آج انڈس راس ایکسپو سے اس وژن کو عملی شکل دینے کا موقع حاصل ہوا ہے کہ کس طرح جدت کو فعال سلوشنز میں تبدیل کریں، روبوٹکس اور ڈرونز کی جدت سے معیشت مضبوط سلامتی بہتر اور عوام کی زندگی آسان ہوگی، اس جہت نے اکیڈیمیا، انڈسٹری، اسٹارٹ اپس اور پالیسی سازوں کو ایک پلیٹ فارم پر جمع کیا ہے۔وزیراعظم نے کہا کہ میرے بچپن میں ٹیکنالوجی کی جدت بلیک اینڈ وائٹ ٹیلی ویژن کی آمد تھی اور خاندان کے تمام افراد’’اچے برج لاہور دے‘‘ جیسی پاکستان ٹیلی ویژن کی کلاسک نشریات کو مل کر دیکھتے تھے لیکن آج دنیا ٹیکنالوجی کے میدان میں بہت آگے بڑھ گئی ہے اور ہم تاریخ کے ایک غیر معمولی دور میں ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
ان کا کہنا تھا کہ زرعی پیداوار کے لیے پانی اور دیگر بنیادی عوامل کی ضرورت، موسمیاتی تبدیلی اور دیگر چیلنجوں سے نمٹنے کے لیے جدید ٹیکنالوجی کا استعمال انتہائی اہمیت کا حامل ہے، آج ٹیکنالوجی کی جدید شکل ہمارے سامنے موجود ہے، آج مشینیں محسوس کر کے تیزی سے فیصلے اور ان پر عمل درآمد کرتی ہیں جو کبھی خواب لگتا تھا آج حقیقت بن کر ہمارے سامنے موجود ہے۔انہوں نے کہا کہ فخریہ طور پر کہتا ہوں کہ پاکستان نے دفاع اور سیکیورٹی کے شعبے میں ملکی صلاحیتیں بڑھانے میں نمایاں کامیابیاں حاصل کی ہیں، سلامتی کے شعبے میں ٹیکنالوجی کا استعمال قابل فخر ہے، فیلڈ مارشل عاصم منیر کی قیادت میں مسلح افواج نے جدید ٹیکنالوجی اپنائی، سیمولیٹرز 100 فیصد پاکستان میں تیار ہو رہے ہیں، ڈرونز کی 60 فیصد سے زائد مقامی تیاری حاصل کر لی گئی ہے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
وزیراعظم نے کہا کہ معرکہ حق میں مسلح افواج نے جدید آٹونومس سسٹمز اور سائبر سیکیورٹی کے ذریعے سرحدوں کا دفاع کیا، معرکہ حق میں فیلڈ مارشل کی سربراہی میں ایئر چیف مارشل ظہیر احمد بابر اور نیول چیف ایڈمرل نوید اشرف کی معاونت شان دار رہی اور ہماری مسلح افواج نے ملکی خود مختاری کے تحفظ کے لیے آہنی عزم کے مظاہرے کے ساتھ ساتھ ملکی صلاحیتوں، ٹیکنالوجی کی ترقی اور اور آپریشنل مہارت کا بھی بھرپور ثبوت دیا۔ان کا کہنا تھا کہ دفاعی شعبے میں شان دار کامیابیاں مادر وطن کے قومی دفاع کا لازمی جزو ہیں، اس سے ہمارے سیکیورٹی کا نظام مضبوط ہوگا، دفاع مزید ناقابل تسخیر ہو جائے گا اور اس سے ابھرتے اور مستقبل کے خطرات سے نمٹنے کے لیے صلاحیت میں اضافہ ہوگا۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
انہوں نے کہا کہ پاکستان اپنی خودمختاری کے تحفظ اور دفاع کو مضبوط بنانے کے لیے جدید ٹیکنالوجی استعمال کرے گا، دفاع میں آٹونومس صلاحیتوں کی ترقی میں نمایاں پیش رفت ہوئی ہے۔اپنے خطاب میں انہوں نے کہا کہ ٹیکنالوجی کا انقلاب چند جدید معیشتوں، بڑی کارپوریشنز اور بڑے شہروں تک محدود نہیں رہنا چاہیے بلکہ سب کے لیے مساوی ترقی ہونی چاہیے، کسانوں کی حالت بہتر ہو، چھوٹے کاروبار فروغ پائیں،کاروبار کرنے والی خواتین کو سہولیات ملیں اور کمزور طبقات کو فائدہ پہنچے، محفوظ اور شفاف آٹونومس سسٹمز کے لیے واضح قانون سازی اور اخلاقی فریم ورک بنانا چاہیے۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار