’اپنے دوست کو کیسے قتل کروں؟‘، چیٹ جی پی ٹی سے مدد مانگنے پر نوجوان گرفتار
اشاعت کی تاریخ: 10th, October 2025 GMT
فلوریڈا کے ایک 13 سالہ طالبعلم کو اسکول کے جاری کردہ لیپ ٹاپ پر چیٹ جی پی ٹی سے ’کلاس کے دوران اپنے دوست کو قتل کرنے‘ کے طریقے کے متعلق سوال پوچھنے پر گرفتار کر لیا گیا۔ یہ کارروائی اُس وقت عمل میں آئی جب اسکول کی نگرانی کے لیے نصب گیگل (Gaggle) نامی سافٹ ویئر نے طالبعلم کی مشتبہ آن لائن سرگرمی کو فوری طور پر شناخت کر کے حکام کو خبردار کیا۔
پولیس کے مطابق، طالبعلم نے چیٹ جی پی ٹی پر لکھا کہ ’میں اپنے دوست کو کلاس کے دوران کیسے مار سکتا ہوں‘؟ گیگل نے اس جملے کو خطرناک مواد کے زمرے میں شامل کرتے ہوئے اسکول انتظامیہ کو اطلاع دی، جس کے بعد قانون نافذ کرنے والے اداروں کو فوری طور پر طلب کیا گیا۔
یہ بھی پڑھیں: مالی مشکلات سے تنگ ہیں؟ جانیے چیٹ جی پی ٹی کیسے آپ کی مدد کرسکتا ہے
تفتیش کے دوران طالبعلم نے دعویٰ کیا کہ اُس کا ارادہ محض مذاق کا تھا اور وہ کسی کو نقصان پہنچانے کا کوئی منصوبہ نہیں رکھتا تھا۔ تاہم، حکام نے معاملے کو سنجیدگی سے لیتے ہوئے اُسے قتل یا جسمانی نقصان پہنچانے کی تحریری دھمکی دینے کے الزام میں گرفتار کر لیا۔
یہ واقعہ اسکولوں میں ڈیجیٹل نگرانی کے حوالے سے ایک نئی بحث کو جنم دے رہا ہے کہ آیا گیگل جیسے نظام تحفظ اور رازداری کے درمیان صحیح توازن قائم کر پاتے ہیں یا نہیں۔ حامیوں کا کہنا ہے کہ اس طرح کے نظام ممکنہ سانحات کو روکنے میں مدد دیتے ہیں، جبکہ ناقدین کا مؤقف ہے کہ یہ سسٹمز اکثر غلط فہمی، زیادتی، اور نابالغوں کو غیر ضروری فوجداری سزا کی طرف لے جا سکتے ہیں۔
یہ بھی پڑھیں: کمسن کو اپنی جان لینے پر اکسانے کا الزام، چیٹ جی پی ٹی کا مؤقف کیا ہے؟
شہری آزادی کے حامی اس بات پر بھی تشویش کا اظہار کر رہے ہیں کہ مصنوعی ذہانت (اے آئی) کو طالبعلموں کے رویوں پر نظر رکھنے کے لیے استعمال کرنا کس حد تک مناسب ہے، کیونکہ الگوردمز انسانی نیت یا لطیف جذبات کو سمجھنے سے قاصر ہوتے ہیں۔
چونکہ طالبعلم کی عمر کم ہے، اس لیے اس کی شناخت ظاہر نہیں کی گئی۔ کیس کی تحقیقات اب بھی جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی چیٹ جی پی ٹی وائرل ویڈیو.
ذریعہ
ذریعہ: WE News
کلیدی لفظ: اے ا ئی چیٹ جی پی ٹی وائرل ویڈیو چیٹ جی پی ٹی
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی