دہشتگردوں کے اصل سہولت کار جعلی وفاقی حکومت ہے، بیرسٹر ڈاکٹر سیف
اشاعت کی تاریخ: 10th, October 2025 GMT
خیبر پختونخوا کے مشیرِ اطلاعات بیرسٹر ڈاکٹر سیف نے وزیراعظم اور وفاقی وزرا کے حالیہ بیانات پر سخت ردِعمل دیتے ہوئے وفاقی حکومت کو دہشتگردوں کا اصل سہولت کار قرار دیا ہے۔
وفاقی پالیسیاں دہشت گردی کو فروغ دے رہی ہیںبیرسٹر سیف نے کہا کہ وفاق اپنی ناقص اور کمزور پالیسیوں کے باعث دہشت گردوں کی سہولت کاری کر رہا ہے۔
ان کے بقول وفاق کی غیر مؤثر حکمتِ عملی دہشت گردی کے خاتمے کے بجائے اسے مزید بڑھا رہی ہے۔
یہ بھی پڑھیں:اسٹیبلشمنٹ کے ساتھ تنازع ختم؟ عمران خان علی امین گنڈاپور ملاقات کے بعد بیرسٹر سیف کا بڑا دعویٰ
ڈاکٹر سیف نے وزیراعظم پر براہِ راست تنقید کرتے ہوئے کہا جب یہ جعلی وزیراعظم وزیراعلیٰ تھے تو دہشتگردوں سے منتیں کرتے تھے کہ انہیں معاف رکھیں۔
انہوں نے کہا کہ ایک غیر ذمہ دار وزیراعظم سے دہشت گردی کے خاتمے کی توقع رکھنا احمقوں کی جنت میں رہنے کے مترادف ہے۔
خیبر پختونخوا فرنٹ لائن پر ہےمشیرِ اطلاعات نے کہا کہ خیبر پختونخوا دہشتگردی کے خلاف سب سے آگے ہے۔ ہماری پولیس اور عوام روزانہ اپنی جانوں کے نذرانے پیش کر رہے ہیں۔ صوبائی حکومت دہشت گردی کے مکمل خاتمے کے لیے تمام وسائل استعمال کر رہی ہے۔
ڈاکٹر سیف نے وفاق پر الزام لگایا کہ وہ صوبائی حکومت کی مدد کرنے کے بجائے الزام تراشی کی سیاست میں مصروف ہے۔ وفاقی حکومت دہشتگردی کے خلاف ہمارے اقدامات میں رکاوٹ ڈال رہی ہے اور شہدا کی قربانیوں کی توہین کر رہی ہے۔
بیرسٹر سیف نے وفاقی وزرا کے بیانات کو بیمار ذہنیت کا مظہر قرار دیا۔جعلی وزیراعظم اور ان کے درباری وزراء کے بیانات ہمارے شہدا کی قربانیوں کی توہین ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرسٹر سیف خیبرپختونخوا ڈاکٹر سیف وفاقی حکومت.
ذریعہ
ذریعہ: WE News
کلیدی لفظ: بیرسٹر سیف خیبرپختونخوا ڈاکٹر سیف وفاقی حکومت وفاقی حکومت بیرسٹر سیف ڈاکٹر سیف گردی کے سیف نے رہی ہے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار