ملک کو امن، استحکام اور معاشی بحالی کی ضرورت ، دشمن انتشار پھیلانے کی سازش کی سہولت کاری کررہا ہے، وفاقی وزیرپروفیسراحسن اقبال
اشاعت کی تاریخ: 13th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 13 اکتوبر2025ء) وفاقی وزیر برائے منصوبہ بندی، ترقی ، اصلاحات و خصوصی اقدامات پروفیسر احسن اقبال نے کہا ہے کہ پاکستان میں انتشار پھیلانے کی سازش کی سہولت کاری ہو رہی ہے، اس وقت ملک کو امن، استحکام اور معاشی بحالی کی ضرورت ہے ، امن کو نقصان پہنچانے والے عناصر ناقابلِ قبول ہیں۔پیر کو’’ ایکس‘‘ پر اپنی پوسٹ میں انہوں نے کہا کہ غزہ میں مکمل جنگ بندی اور امن کے بعد جب فلسطینی خوشی سے سرشار ہیں اور ان کی عسکری تنظیم نے بھی امن معاہدہ کیا ہے، ایسے نازک وقت میں کسی مذہبی گروہ کی جانب سے دو سال تک سوئے رہنے والے افراد کو جذباتی نعرے لگا کر اکسانا اور اسلام آباد مارچ جیسی کالز دینا واضح طور پر انتشار پھیلانے کی سازش ہے، یہ حرکتیں بالآخر بیرونی و داخلی دشمنوں کی سہولت کاری کے مترادف ہیں۔
(جاری ہے)
پروفیسر احسن اقبال نے زور دیا کہ آج پاکستان کو امن، استحکام اور معاشی بحالی کی اشد ضرورت ہے، اس لمحے جو بھی عناصر پاکستان کے امن اور استحکام کے ساتھ کھیلتے ہیں وہ درحقیقت قومی مفاد کے خلاف کام کر رہے ہیں اور انہیں کسی بھی صورت برداشت نہیں کیا جائے گا۔ وفاقی وزیر نے عوام سے اپیل کی کہ وہ انتشار پھیلانے والی کسی بھی سرگرمی میں حصہ نہ لیں اور ریاستی اداروں کے ساتھ تعاون کریں تاکہ ملک کا امن و استحکام برقرار رکھا جا سکے۔ انہوں نے کہا کہ صورتِ حال کا بغور جائزہ لیا جا رہا ہے اور متعلقہ ادارے قانون و آئین کے تحت کارروائی کو یقینی بنائیں گے تاکہ عوامی امن و سلامتی میں خلل ڈالنے والے عناصر کو بے نقاب کرکے روکا جا سکے۔\932.ذریعہ: UrduPoint
کلیدی لفظ: تلاش کیجئے انتشار پھیلانے
پڑھیں:
اداروں، شہریوں کیخلاف بندوق اٹھانے والوں سے بات کرنے کی ضرورت نہیں، طارق فضل چوہدری
فائل فوٹووفاقی وزیر پارلیمانی امور طارق فضل چوہدری نے کہا ہے کہ اداروں اور شہریوں کے خلاف بندوق اٹھانے والوں سے بات کرنے کی ضرورت نہیں۔
جیو نیوز سے گفتگو میں طارق فضل چوہدری نے کہا کہ اللّٰہ تعالی کے فضل و کرم سے ضمنی انتخابات میں مسلم لیگ ن نے کلین سوئپ کیا ہے۔
انہوں نے کہا کہ ضمنی الیکشن میں کامیابی کا سہرا نواز شریف، وزیراعظم شہباز شریف اور وزیراعلیٰ مریم نواز شریف کو جاتا ہے۔
وفاقی وزیر طارق فضل چوہدری نے کہا ہے کہ نوجوان نسل بغیر تصدیق کوئی بھی مواد سوشل میڈیا پر شیئر نہ کرے۔
وفاقی وزیر نے مزید کہا کہ ہمارے لیے سب سے زیادہ چیلنجنگ سیٹ ہری پور کی تھی، عمر ایوب ایک پرانی سیاسی شخصیت ہیں، ان کا مضبوط سیاسی گھرانہ ہے۔
اُن کا کہنا تھا کہ وزیراعلیٰ کے پی نے ہری پور میں جلسہ کیا تو کھلے عام دھمکیاں دیں، افسوس کی بات ہے سہیل آفریدی تقسیم کی بات کر رہے ہیں۔
طارق فضل چوہدری نے یہ بھی کہا کہ پچھلے 15 سال سے تحریک انصاف صوبے پر حکومت کر رہی ہے، پی ٹی آئی نے صرف نفرت، گالم گلوچ اور انتشار کی سیاست کو فروغ دیا ہے۔
انہوں نے کہا کہ جنہوں نے ہمارے اداروں یا شہریوں کے خلاف بندوق اٹھائی ہے ان سے بات کرنے کی ضرورت نہیں۔ یہ نہیں ہوسکتا کہ آپ ہمارے شہریوں کا اور ہمارے جوانوں کا خون بہائیں اور ہم آپ کے ساتھ تجارت کریں۔
اُن کا کہنا تھا کہ بھارت طالبان رجیم کو ایک پراکسی کی طرح استعمال کررہا ہے، افغانستان کے جھوٹے پروپیگنڈے کی ہم مذمت کرتے ہیں۔
طارق فضل چوہدری نے کہا کہ پاکستان نے جب بھی کوئی کارروائی کی وہ اپنے دفاع میں کی ہے اور اسے اون کیا۔
ڈی پی ورلڈ آئی ایل ٹی20 اسکولز کپ 2025 کے فائنلسٹ ٹیموں کا اعلان