گورنر سندھ نے 13 میں سے 11 کیسز کے فیصلے سنا دیے
اشاعت کی تاریخ: 13th, October 2025 GMT
گورنر سندھ کامران ٹیسوری نے 13 میں سے 11 کیسز کے فیصلے سنادیے جبکہ 2 درخواستوں پر فیصلہ محفوظ کرلیا۔
محتسب اعلیٰ سندھ کے فیصلوں کے خلاف درخواستوں پر گورنر سندھ نے اپیلیٹ اتھارٹی کی حیثیت سے سماعت کی۔
کامران ٹیسوری نے 13 کیسز نمٹائے، جن میں 11 درخواستوں پر فیصلے سنائے جبکہ 2 پر فیصلہ محفوظ کیا گیا۔ اپیلوں میں صوبائی محکموں میں بدانتظامی، خواتین کو کام کی جگہ پر ہراسانی کی شکایات شامل تھیں۔
گورنر سندھ نے کہا کہ عوام کو بروقت ریلیف کی فراہمی اولین ترجیحات میں شامل ہے، معاملات میں شفافیت، میرٹ کو یقینی بنایا جائے تاکہ شہریوں کا اعتماد بحال رہے۔
گورنر ہاؤس میں ہراسانی، صوبائی محکموں میں بدانتظامی کی شکایات وصولی کےلیے افسر مقرر ہے۔
.ذریعہ: Jang News
کلیدی لفظ: گورنر سندھ
پڑھیں:
پنجاب میں ہر فیصلہ فوری نافذ ہوگا، مریم نواز کا ناجائز قبضوں کے خلاف سخت ایکشن
وزیراعلیٰ پنجاب مریم نواز شریف نے صوبے میں جائیدادوں پر ناجائز قبضوں کے خلاف سخت ترین کارروائی کا اعلان کردیا۔
لاہور میں ایک اعلیٰ سطحی اجلاس کی صدارت کرتے ہوئے انہون نے واضح کیا ہے کہ پنجاب میں ہر فیصلہ فوری نافذ ہوگا اور ہر شہری کی جائیداد محفوظ بنائی جائے گی۔
انہوں نے ہدایت کی کہ بے سہارا بیواؤں کی ملکیتی زمینوں پر قبضے سے متعلق کیسز کو فوری طور پر نمٹا کر متاثرہ خواتین کو ترجیحی بنیادوں پر انصاف فراہم کیا جائے۔
یہ بھی پڑھیں: کیا ن لیگ نے پنجاب دوبارہ حاصل کرلیا؟
اجلاس میں بریفنگ کے دوران بتایا گیا کہ گزشتہ 3 ہفتوں کے دوران صوبے بھر سے ناجائز قبضوں کے خلاف 2919 درخواستیں موصول ہوئی تھیں۔
موصولہ درخواستوں میں سے 499 کیسز ڈسٹرکٹ ڈسپیوٹ ریزولیشن کمیٹیوں نے حل کیے ہیں۔
وزیراعلیٰ نے سست روی پر برہمی کا اظہار کرتے ہوئے خاص طور پر گجرات، لیہ، حافظ آباد سمیت بعض اضلاع میں قبضہ کیسز کے فیصلوں میں تاخیر پر ناپسندیدگی کا اظہار کیا۔
مزید پڑھیں:وزیراعلیٰ پنجاب مریم نواز نے صوبے میں گورننس اور صفائی انتظامات کی نگرانی مزید سخت کردی
مریم نواز نے تمام ڈپٹی کمشنرز کو ہدایت کی کہ وہ روزانہ قبضہ مخالف کارروائیوں کے حوالے سے اجلاس منعقد کریں اور پیش رفت سے متعلق رپورٹ روزانہ وزیراعلیٰ آفس بھجوائیں۔
انہوں نے مزید کہا کہ وہ خود اس پورے عمل کی براہ راست مانیٹرنگ کریں گی۔
وزیراعلیٰ نے اس ضمن میں آرڈیننس کے مکمل نفاذ کا حکم دیتے ہوئے واضح کیا کہ ناجائز قبضوں کے خلاف کارروائی کو مؤثر اور تیز رفتار بنایا جائے۔
مزید پڑھیں: عوام نے انتشار، بدتمیزی اور الزام تراشی کی سیاست مسترد کردی، مریم نواز
صوبے کی ہر تحصیل میں اسسٹنٹ کمشنر آفس کو ہدایت کی گئی ہے کہ وہ قبضہ شکایات کی درخواستیں فوری وصول کریں، جبکہ حکومتی اقدامات سے عوام کو آگاہ کرنے کے لیے مساجد میں اعلانات بھی کرائے جائیں گے۔
وزیراعلیٰ پنجاب نے کہا کہ ناجائز قبضہ کیسز کے فوری حل سے عوام کو حقیقی ریلیف ملے گا، اور حکومت اس سلسلے میں کسی قسم کی غفلت برداشت نہیں کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرڈیننس پنجاب جائیداد حافظ آباد گجرات لیہ مانیٹرنگ مریم نواز شریف وزیر اعلی
حکومتی اعتراض مسترد، پی ٹی آئی کا اپوزیشن لیڈر کیلئے محمود اچکزئی کا نام برقرار رکھنے کا فیصلہ