حکومت کو تاجروں کے ساتھ بیٹھ کر فیصلے کرنے ہوں گے، گورنر پنجاب
اشاعت کی تاریخ: 26th, November 2025 GMT
گورنز پنجاب سلیم حیدر خان نے کہا ہے کہ حکومت اور تاجروں کے درمیان اعتماد کی کمی ختم کرنا ناگزیر ہے، حکومت کو تاجروں کے ساتھ بیٹھ کر فیصلے کرنے ہوں گے۔
گورنر پنجاب نے لاہور چیمبر آف کامرس میں خطاب کرتے ہوئے کہا ہے کہ موجودہ معاشی صورتحال میں حکومت اور کاروباری برادری کے درمیان اعتماد کی کمی کو ختم کرنا ناگزیر ہے۔ انہوں نے کہا کہ اگر حکومت 80 روپے چاہتی ہے تو تاجر 100روپے دینے کو تیار ہیں، ضرورت صرف اعتماد کی بحالی اور کاروبار کے لیے بہتر ماحول کی ہے۔
یہ بھی پڑھیں: حکومتی کشتی ڈوبے یا تیرتی رہے دونوں صورتوں میں ساتھ ہیں، گورنرپنجاب
گورنر نے کہا کہ کاروباری معاملات میں مشاورت کے بغیر پالیسی سازی مؤثر نہیں ہوسکتی، اس لیے حکومت کو تاجروں کے ساتھ بیٹھ کر فیصلے کرنے ہوں گے۔ ان کا کہنا تھا کہ صدر اور وزیر اعظم سے ملاقاتوں میں وہ ہمیشہ بزنس کمیونٹی کے مسائل پہنچاتے رہے ہیں اور آئندہ بھی حکومتی سطح پر بہتر مشاورت کے لیے اپنا کردار ادا کریں گے۔
انہوں نے کہا کہ سرکاری ادارے مسلسل خسارے میں جا رہے ہیں، جبکہ نجی ادارے منافع کما رہے ہیں۔ اگر انہیں ہوا بازی کی وزارت دی جائے تو ان کی اپنی ایئرلائن منافع میں ہوگی لیکن قومی ایئرلائن روز بروز خسارے میں جارہی ہے، جس کی بنیادی وجہ کمزور حکمت عملی ہے۔
یہ بھی پڑھیں: ’صوبے میں قانون کی حکمرانی ہوگی‘، مریم نواز کی گورنرپنجاب سے ملاقات کے موقع پر گفتگو
گورنر پنجاب نے کہا کہ گزشتہ 20 سے 30 برسوں میں، چاہے ٹیکنوکریٹس ہوں یا سیاست دان، سرکاری اداروں کو نقصان سے نہیں نکال سکے۔ انہوں نے اس تاثر کی تردید کی کہ خسارہ ختم کرنے کا آسان حل ملازمین کو نکالنا ہے، اور کہا کہ غریب ملازمین کو نکالنے سے مسائل بڑھیں گے۔
انہوں نے بتایا کہ ملک میں بے روزگاری میں اضافہ ہوا ہے اور اب غربت کی شرح 50 فیصد کے قریب پہنچ چکی ہے۔ اس صورت حال میں غریب طبقات پر مزید بوجھ ڈالنا نامناسب ہوگا۔ انہوں نے بی آئی ایس پی کو خطے میں غربت کم کرنے کا بہترین پروگرام قرار دیا اور اسے مزید مضبوط کرنے کی ضرورت پر زور دیا۔
یہ بھی پڑھیں: نواز شریف سمیت سب نےقانون کا احترام کیا ایک عمران خان ’بالاتر‘ ہیں، گورنرپنجاب
گورنر پنجاب نے کہا کہ سچ بولنا مشکل ہے لیکن اس سے بھی زیادہ مشکل سچ برداشت کرنا ہے۔ انہوں نے کہا کہ معاشرے کا سب سے بڑا مسئلہ معاشی نہیں بلکہ اخلاقی زوال ہے، اور جب اخلاق بہتر ہوگا تو معیشت بھی بہتر ہوگی۔
تقریب میں لاہور چیمبر کے عہدیداروں نے بھی خطاب کیا اور گورنر پنجاب کی کاروباری برادری کے ساتھ مسلسل رابطے اور مسائل کی نشاندہی پر شکریہ ادا کیا۔ انہوں نے کہا کہ دو برس کے دوران کاروباری طبقہ شدید مشکلات سے گزرا ہے اور حکومت کو فوری اور عملی اقدامات کرنا ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news تاجر سلیم حیدر ہوتی گورنر پنجاب.
ذریعہ
ذریعہ: WE News
کلیدی لفظ: تاجر سلیم حیدر ہوتی گورنر پنجاب انہوں نے کہا کہ گورنر پنجاب تاجروں کے حکومت کو کے ساتھ ہوں گے
پڑھیں:
پنجاب حکومت کے دو پراجیکٹ ورلڈ سمٹ انفارمیشن سوسائٹی کی ٹاپ لسٹ میں شامل، دنیا میں پاکستان کا تشخص نمایاں ہوا: مریم نواز
لاہور (نوائے وقت رپورٹ+ نیوز رپورٹر) وزیراعلیٰ مریم نواز نے’’میرا پیارا‘‘ پراجیکٹ کو یو این گلوبل چیمپئن قرار دئیے جانے پر اظہار تشکر کیا ہے۔ تاریخ میں پہلی بار وزیراعلیٰ کے وژنری اقدامات کی بدولت پاکستان کے دو پراجیکٹس کواقوام متحدہ کی ورلڈ سمٹ انفارمیشن سوسائٹی نے ٹاپ لسٹ میں شامل کیا۔ مریم نواز کے ورچوئل سینٹر فار چائلڈ سیفٹی ’’میرا پیارا‘‘ پراجیکٹ کو دنیا کے ٹاپ فائیو میں شامل کیا گیا ہے۔ پنجاب کا ورچوئل ویمن پولیس سٹیشن بھی دنیا بھر کے ٹاپ 20 پراجیکٹس میں شارٹ لسٹ کیا گیا ہے۔ وزیراعلیٰ نے ’’میرا پیارا‘‘ پراجیکٹ کی ٹیم کو ڈبلیو ایس آئی ایس کی طرف سے گلوبل چیمپئن قرار دیئے جانے پر شاباش دی ہے۔ مریم نواز نے کہا کہ عوامی خدمات کے معتبر فورم اقوام متحدہ کے تحت (WSIS) پرائزز ڈیجیٹل گورننس پر پنجاب کے دو پروگرامز کا شامل کیا جانا اعزاز ہے۔ ورچوئل سینٹر فار چائلڈ سیفٹی ’’میرا پیارا‘‘ نے 1 لاکھ 45 ہزار سے زائد گمشدہ بچوں کے کیس کی مثال قائم کی۔ ’’میرا پیارا‘‘ پراجیکٹ کے تحت 54 ہزار سے زائد گمشدہ بچوں کے لئے مؤثر کارروائی قابل تحسین ہے۔ ’’میرا پنجاب‘‘ سے بچوں کے استحصال آن لائن ہراسگی اور دیگر معاملات میں معاونت کی گئی۔ ’’میرا پنجاب‘‘ کی عالمی سطح پر پذیرائی ٹیکنالوجی پر مبنی پبلک سروسز کی عالمی سطح پر اعتراف کا ثبوت ہے۔ گمشدہ افراد کے لئے میرا پیارا ایپ دنیا بھر میں پاکستان کا مثبت تشخص نمایاں ہوا۔ یہ امر قابل ذکر ہے کہ پنجاب کے پراجیکٹس کی بدولت پاکستان ڈبلیو ایس آئی ایس کیٹیگری میں دو شارٹ لسٹ شدہ پراجیکٹس کے ساتھ دنیا کا واحد ملک بن گیا۔ ورچوئل سینٹر فار چائلڈ سیفٹی (VCCS) کے ذریعے بچوں سے متعلق 1 لاکھ 45 ہزار سے زائد کیسز نمٹائے گئے۔ ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب کرایا گیا۔ مریم نواز کی قیادت میں پنجاب حکومت حکومت نے 3 ہزار سپیشل (معذور) بچوں کو بھی تلاش کر کے خاندانوں سے ملوایا۔ ڈبلیو ایس آئی ایس کی رپورٹ کے مطابق پراجیکٹ کے تحت گمشدہ یا اغوا ہونے والے بچوں کے 54 ہزار سے زائد کیسز پر کارروائی کی گئی۔ 77 ہزار سے زائد بچے خاندانوں سے ملوائے گئے جن میں تین ہزار سپیشل بچے بھی شامل ہیں۔ مربوط ڈیجیٹل رسپانس کے ذریعے بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔ رپورٹ کے مطابق پنجاب بھر میں اب تک مختلف کیٹیگریز کے کل 1,45,772 کیسز رپورٹ، ریکارڈ 1,36,157کیسز کو کامیابی سے حل کر لیا گیا۔ رپورٹ ہونے والے مقدمات میں سے مجموعی طور پر 26,274 ایف آئی آرز رجسٹرڈ جبکہ 7,081 چالان عدالتوں میں جمع کروا دیے گئے۔ گمشدہ اور اغوا ہونے والے 54,741بچوں میں سے 53,811بچوں کو کامیابی سے تلاش کر کے اہلخانہ سے ملایا گیا۔ ریسکیو ٹیموں کی کارروائی کے نتیجے میں 22,989بچے ملے،جن میں سے 21,178 کو فوری طور پر خاندانوں کے حوالے کیا گیا۔ رپورٹ کے مطابق اس وقت سسٹم میں 930بچے لاپتہ اور1,811بچے تاحال غیر شناخت شدہ ہیں جن کے لیے روزانہ کی بنیاد پر فالو اپ جاری ہے۔ بچوں پر تشدد اور بدسلوکی کے 15,447 کیسز رپورٹ ہوئے، جن پر فوری کارروائی کرتے ہوئے 5,075ایف آئی آرز درج کی گئیں۔ چائلڈ بدسلوکی کیسز میں اب تک 3,830 ملزمان کو گرفتار کر کے 4,168مقدمات کے چالان عدالتوں میں جمع کروائے جا چکے ہیں۔ بچوں کے خلاف آن لائن اور ڈیجیٹل بد سلوکی کے 191کیسز سامنے آئے، جن پر 14 ایف آئی آرز درج اور 5 ملزموں کو گرفتار کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ