حنیف عباسی کی زیرِ صدارت اجلاس،وزارتِ ریلوے میں پشاور ریلوے ڈویژن کے امور پر گفتگو
اشاعت کی تاریخ: 14th, October 2025 GMT
اسلام آباد (اُردو پوائنٹ اخبارتازہ ترین - این این آئی۔ 14 اکتوبر2025ء) وفاقی وزیرِ ریلوے محمد حنیف عباسی کی زیرِ صدارت وزارتِ ریلوے میں پشاور ریلوے ڈویژن کے امور پر ایک اہم اجلاس منعقد ہوا، جس میں پشاور ڈویژن کی جانب سے وزیرِ ریلوے کو آن لائن بریفنگ دی گئی۔ اجلاس میں آپریشنز، مینٹیننس، اینٹی اِنکروچمنٹ مہم، صفائی ستھرائی اور مسافروں کو فراہم کی جانے والی سہولیات کے حوالے سے تفصیلی پیش رفت سے آگاہ کیا گیا۔
ڈی ایس پشاور فرمان غنی نے بتایا کہ پشاور ڈویژن میں ٹرینوں کی پنکچوئیلٹی 99 فیصد تک پہنچ چکی ہے جبکہ گزشتہ تین ماہ کے دوران کھٹمل، مچھر یا لال بیگ سے متعلق کوئی شکایت موصول نہیں ہوئی۔ انہوں نے مزید بتایا کہ فومیگیشن مہم مؤثر انداز میں جاری ہے اور ٹرینوں و اسٹیشنوں پر صفائی کے بہترین انتظامات کو یقینی بنایا جا رہا ہے۔(جاری ہے)
وزیرِ ریلوے نے ہدایت کی کہ ٹرین ڈرائیورز کی سیفٹی اور کمفرٹ پر کسی قسم کا سمجھوتہ نہ کیا جائے۔
انہوں نے کہا کہ مسافروں کو ہر ممکن سہولت فراہم کرنا وزارتِ ریلوے کی اولین ترجیح ہے۔محمد حنیف عباسی نے بغیر ٹکٹ سفر کرنے والوں پر کڑی نظر رکھنے اور مؤثر کارروائی کی بھی ہدایت کی۔بریفنگ میں بتایا گیا کہ پشاور ریلوے ڈویڑن کے 9 اسٹیشن مکمل طور پر سولر انرجی پر منتقل کر دیے گئے ہیں، جب کہ 1400 ریلوے کوارٹرز کی سولرائزیشن اور میٹرائزیشن کا عمل بھی مکمل کر لیا گیا ہے۔اجلاس کو بتایا گیا کہ اینٹی اِنکروچمنٹ مہم بھرپور انداز میں جاری ہے اور ریلوے اراضی کے تحفظ پر کوئی سمجھوتہ نہیں کیا جا رہا۔ وزیرِ ریلوے نے پشاور ڈویڑن کی انتظامیہ کی کارکردگی کو سراہا اور کہا کہ تمام ریلوے ڈویڑنز میں اسی طرز کی تفصیلی بریفنگز باقاعدگی سے منعقد کی جائیں گی۔محمد حنیف عباسی نے کہا کہ پاکستان ریلوے جدّت، شفافیت اور عوامی خدمت کے نئے دور میں داخل ہو چکا ہے اور محکمہ ریلوے مسافروں کو بہتر سہولیات، صفائی اور محفوظ سفر فراہم کرنے کے لیے پرعزم ہے۔.ذریعہ: UrduPoint
کلیدی لفظ: تلاش کیجئے حنیف عباسی اور ریلوے
پڑھیں:
چیئرمین سی ڈی اے محمد علی رندھاوا کی زیر صدارت کیش لیس اکانومی کو مزید فروغ دینے کے حوالے سے اجلاس
چیئرمین سی ڈی اے محمد علی رندھاوا کی زیر صدارت کیش لیس اکانومی کو مزید فروغ دینے کے حوالے سے اجلاس WhatsAppFacebookTwitter 0 26 November, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت وفاقی دارالحکومت اسلام آباد میں کیش لیس اکانومی کو مزید فروغ دینے کے حوالے سے بدھ کے روز سی ڈی اے ہیڈکوارٹرز میں اہم اجلاس منعقد ہوا۔ جسمیں سی ڈی اے کے ممبر ایڈمن طلعت محمود، ممبر فنانس طاہر نعیم، سی ڈی اے کے سینئر افسران سمیت مرکزی و کمرشل بینکس کے نمائندگان نے شرکت کی۔
چیئرمین سی ڈی اے محمد علی رندھاوا نے کہا کہ وزیراعظم پاکستان شہباز شریف اور وزیر داخلہ محسن نقوی کے وژن کے مطابق اسلام آباد کو کیش لیس اکانومی کے حوالے سے ماڈل شہر بنایا جارہا ہے۔ تفصیلات کے مطابق، اسلام آباد کے ہفتہ وار بازاروں، سی ڈی اے کے ون ونڈو فیسلیٹیشن سینٹر اور میٹرو و الیکٹرک بسوں میں کامیابی کیساتھ کیش لیس نظام متعارف کرایا جاچکا ہے۔ جبکہ کیو آر کوڈ سسٹم کے نفاذ کا دائرہ کار شہر بھر کے تمام مراکز، شاپنگ مالز اور کلاس تھری مارکیٹوں تک بھی تیزی سے بڑھایا جارہا ہے۔ اسی طرح اسلام آباد شہر میں ہوٹل، گیسٹ ہاسز، پیٹرول پمپس اور ریستورانوں میں بھی کیش لیس نظام متعارف کرایا جا رہا ہے۔
چیئرمین سی ڈی اے نے کہا کہ کیش لیس اکانومی کو فروغ دینے کیلئے کمرشل بینکس مرچنٹس اور شہریوں کو مکمل آگاہی فراہم کریں۔ انہوں نے کہا کہ تمام اسٹیک ہولڈرز دوکاندار اور تاجروں کے ساتھ صارفین کو راست کیو آر کوڈ کے زریعے ادائیگیوں کی طرف راغب کرنے کیلئے زیادہ سے زیادہ رعایت اور مراعات دیں۔چیئرمین سی ڈی اے نے کہا کہ وفاقی دارالحکومت اسلام آباد کو ڈیجیٹل شہر بنانے کیلئے ایم ٹیگ اور ڈیجیٹل پارکنگ جیسے منصوبے بھی متعارف کروائے جا ریے ہیں۔ انہوں نے مزید کہا کہ ان اقدامات سے اسلام آباد کو مکمل طور پر ایک کیش لیس اور ڈیجیٹلائزڈ شہر بنانے میں مدد ملے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکرپشن اسکینڈل، این سی سی آئی اے کے ملوث افسران کے بیرون ملک سفر پر پابندی عائد کرپشن اسکینڈل، این سی سی آئی اے کے ملوث افسران کے بیرون ملک سفر پر پابندی عائد ترقی کی چابی صرف ن لیگ کے پاس ہے ،سازشیں کرنے والے تاریخ کی کتاب میں بند ہو گئے، مریم نواز وزیراعظم شہبازشریف بحرین کے 2 روزہ سرکاری دورے پر منامہ پہنچ گئے بانی پی ٹی آئی اکیلے نہیں،ان کو لانے والے بھی مجرم ہیں، نوازشریف وزیراعلی خیبرپختونخوا سہیل آفریدی کی الیکشن کمیشن طلبی نوٹس کیخلاف درخواستیں خارج چھبیس نومبر احتجاج کیس، علیمہ خان عارضی عدالتی تحویل میں لینے کے بعد ضمانت پر رہاCopyright © 2025, All Rights Reserved
رابطہ کریں ہماری ٹیم
آرہاہے آنے والا