’صدر ٹرمپ کا وزیراعظم کو خطاب کی دعوت دینا سب کو پسند آیا ہوگا‘: بلاول بھٹو کی بھی تعریف
اشاعت کی تاریخ: 14th, October 2025 GMT
پاکستان پیپلز پارٹی (پی پی پی) کے چیئرمین بلاول بھٹو نے امریکی صدر ڈونلڈ ٹرمپ کی جانب سے وزیراعظم پاکستان شہباز شریف کو خطاب کی دعوت دینے کو سراہا ہے۔
یہ بھی پڑھیں: ٹرمپ کی ایک بار پھر وزیراعظم اور فیلڈ مارشل کی تعریف، شہباز شریف کو خود خطاب کی دعوت دی
مصر کے شہر شرم الشیخ میں غزہ امن معاہدے پر دستخطوں کی تقریب کے دوران امریکی صدر ڈونلڈ ٹرمپ نے اپنا خطاب مکمل کرکے خود ہی وزیراعظم شہباز شریف کو خطاب کی دعوت دی۔
انہوں نے جہاں شہباز شریف کی تعریف کی وہیں آرمی چیف فیلڈ مارشل سید عاصم منیر کو بھی ’فیورٹ جنرل‘ قرار دیا۔
وزیراعظم شہباز شریف کو ملنے والی اس پذیرائی کو ملک بھر میں سراہا جارہا ہے۔ آج چیئرمین پی پی پی بلاول بھٹو زرداری نے بھی اس عمل کی تعریف کی ہے۔
کراچی میں تقریب سے خطاب کرتے ہوئے بلاول بھٹو نے کہاکہ گزشتہ روز امریکی صدر ڈونلڈ ٹرمپ نے وزیراعظم شہباز شریف کو خطاب کرنے کی دعوت دی، جو یقیناً سب کو پسند آیا ہوگا۔
یہ بھی پڑھیں: غزہ امن سربراہ اجلاس: صدر ٹرمپ سے وزیراعظم شہباز شریف کی ملاقات، گرمجوشی سے مصافحہ
واضح رہے کہ مصر کے شہر شرم الشیخ میں ثالث ملکوں نے غزہ جنگ بندی معاہدے پر دستخط کردیے ہیں۔ جبکہ دوسری جانب حماس نے یرغمالیوں کو بھی رہا کردیا ہے، جس کے بدلے میں 2 ہزار کے قریب فلسطینی قیدی بھی آزاد کیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر بلاول بھٹو پی پی پی تعریف صدر ٹرمپ غزہ امن معاہدہ وی نیوز.ذریعہ: WE News
کلیدی لفظ: امریکی صدر بلاول بھٹو پی پی پی تعریف غزہ امن معاہدہ وی نیوز وزیراعظم شہباز شریف شہباز شریف کو خطاب کی دعوت بلاول بھٹو امریکی صدر کو خطاب
پڑھیں:
وزیراعظم شہباز شریف کرآرڈر آف بحرین کے اعزاز سے نواز دیا گیا
بحرین:(ویب ڈیسک)وزیراعظم نے کے بادشاہ حمد بن عیسیٰ الخلیفہ سے ملاقات کی، بادشاہ نے انہیں آرڈر آف بحرین (فرسٹ کلاس) سے نواز دیا، یہ بحرین کی جانب سے عالمی سربراہان کو دیا جانے والا سب سے بڑا اعزاز ہے۔
وزیراعظم نے بحرین کے بادشاہ عزت مآب حمد بن عیسیٰ الخلیفہ سے ملاقات کی اور دونوں برادر ممالک کے درمیان مضبوط اور تاریخی شراکت داری پر گفتگو کی۔ وزیراعظم نے پرتپاک استقبال پر عزت مآب حمد بن عیسیٰ الخلیفہ کا شکریہ ادا کیا اور پاکستان کے ساتھ بحرین کی دیرینہ خیر سگالی کو سراہا۔ انہوں نے امن، رواداری اور بقائے باہمی کو فروغ دینے میں بحرین کی قیادت کو سراہا۔
ملاقات کے دوران بحرین کے بادشاہ نے وزیراعظم محمد شہباز شریف کو آرڈر آف بحرین (فرست کلاس) پیش کیا، جو کہ بحرین کی جانب سے عالمی سربراہان کو پیش کیے جانے والا سب سے بڑا اعزاز ہے۔
ملاقات میں بحرین کے بادشاہ نے وزیراعظم محمد شہباز شریف کو بتایا کہ بحرین کو یہ اعزاز حاصل ہے کہ قائد اعظم محمد علی جناح نے بحرین کی قانونی نمائندگی کی۔ بحرین کے بادشاہ نے کہا کہ ہمارے ریکارڈ موجود دستاویزات کے مطابق محمد علی جناح بحرین کے وکیل رہے۔
آرہاہے آنے والا