شہباز شریف نے میثاقِ جمہوریت کی دعوت دی، عطا تارڑ
اشاعت کی تاریخ: 28th, November 2025 GMT
وفاقی وزیر اطلاعات عطا تارڑ نے کہا ہے کہ وزیر اعظم شہباز شریف نے میثاقِ جمہوریت کی دعوت دی۔
قومی اسمبلی کے اجلاس میں اظہارِ خیال کرتے ہوئے انہوں نے کہا کہ پی ٹی آئی نے ضمنی انتخابات کا بائیکاٹ کیا، ضمنی الیکشن کا بائیکاٹ کرنے والوں کو تنقید کا کوئی حق نہیں۔
عطا تارڑ کا کہنا تھا کہ دھاندلی کا شور کرنے والوں سے پوچھتے ہیں کہ ان کے لیگل کاغذ کہاں ہیں، ٹریبونل کے لیے کتنے کیس تیار کیے ہیں، جب عدالتیں ان سے ثبوت مانگتی ہیں تو یہ تاریخیں مانگتے ہیں۔
انہوں نے کہا کہ اپنی سیاسی غلطی کو چھپانے کے لیے الزام لگانا قابلِ مذمت ہے، ان کے ہر قول و فعل میں تضاد ہے۔
وفاقی وزیر اطلاعا ت کا مزید کہنا تھا کہ ان کے سوشل میڈیا اکاؤنٹس پر اداروں کو نشانہ بنایا جاتا ہے، ان کے سوشل میڈیا اکاؤنٹس سے شروع کی گئی مہم قابلِ مذمت ہے۔
.ذریعہ: Jang News
پڑھیں:
وزیرِاعظم شہباز شریف کی جناح میڈیکل کمپلیکس و دانش یونیورسٹی کی تکمیل میں شفافیت یقینی بنانے کی ہدایت
وزیرِاعظم شہباز شریف—فائل فوٹووزیرِاعظم شہباز شریف نے جناح میڈیکل کمپلیکس اور دانش یونیورسٹی کے منصوبے کی تکمیل میں شفافیت یقینی بنانے کی ہدایت کی ہے۔
وزیرِاعظم شہباز شریف نے جناح میڈیکل کمپلیکس اور دانش یونیورسٹی کی سائٹس کا دورہ کیا ہے۔
اس موقع پر انہیں جناح میڈیکل کمپلیکس کی تعمیر سے متعلق مختلف امور پر بریفنگ دی گئی۔
بریفنگ میں بتایا گیا کہ ماہرین کی مشاورت سے منصوبے کا پی سی ون تیار کیا گیا ہے۔
وزیرِاعظم شہباز شریف نے گفتگو کرتے ہوئے ہدایت کی کہ تعمیراتی کام کے لیے بہترین معیار کی حامل کمپنیوں کی خدمات حاصل کی جائیں۔
انہوں نے مزید ہدایت کی کہ ادائیگی کا عمل تھرڈ پارٹی کے ذریعے کیا جائے۔
بھارت کے ساتھ اب بھی جنگ کا خطرہ ہے: وزیر دفاع