پاکستان اور متحدہ عرب امارات کا ٹیکنالوجی، ڈیجیٹل سرمایہ کاری اور اسٹارٹ اپس میں تعاون بڑھانے پر اتفاق
اشاعت کی تاریخ: 14th, October 2025 GMT
پاکستان اور متحدہ عرب امارات نے جدید ٹیکنالوجی، ڈیٹا انوویشن اور سرحد پار اسٹارٹ اپ سرمایہ کاری سمیت مختلف شعبوں میں دوطرفہ تعاون کو مزید مضبوط بنانے پر اتفاق کیا ہے۔
یہ اتفاق وزیر مملکت برائے آئی ٹی شہازہ فاطمہ خواجہ اور متحدہ عرب امارات کی وزارت صنعت و جدید ٹیکنالوجی کے انڈر سیکریٹری عمر سوینۃ السویدی کے درمیان ابوظہبی میں جاری GITEX 2025 کے موقع پر ہونے والی ملاقات میں طے پایا۔
ملاقات کے دوران شہازہ فاطمہ خواجہ نے پاکستان کے "ڈیجیٹل نیشن پاکستان ایکٹ”، "نیشنل ڈیٹا ایکسچینج لیئر”، نان کیش معیشت، سمارٹ گورننس اور مصنوعی ذہانت (AI) کے انضمام سے متعلق حکومتی اقدامات پر روشنی ڈالی۔
انہوں نے ابوظہبی انویسٹمنٹ آفس کے چیف کمپیٹیٹیو نیس آفیسر، ماسیمو فالچیونی سے بھی ملاقات کی، جس میں ڈیجیٹل سرمایہ کاری، اختراعات کے فروغ، اور ٹیکنالوجی کے شعبے میں پاکستان-یو اے ای شراکت داری کو وسعت دینے کے امکانات پر تبادلہ خیال کیا گیا۔
اشتہار
ذریعہ: Al Qamar Online
پڑھیں:
بنگلہ دیش انتخابات سے قبل سی آئی ڈی اور ٹک ٹاک کا تعاون بڑھانے پر اتفاق
بنگلہ دیش میں مجرمانہ تحقیقات کے محکمے نے سوشل میڈیا پلیٹ فارم ٹک ٹاک کے حکام سے مذاکرات کے بعد ایک محفوظ ڈیجیٹل ماحول کے قیام کے لیے مشترکہ کوششیں جاری رکھنے کے عزم کا اعادہ کیا۔
ٹک ٹاک کے ایک وفد کے ساتھ اہم مشاورتی اجلاس میں ملک کے آئندہ 13ویں پارلیمانی انتخابات کے تناظر میں غلط معلومات کے پھیلاؤ کی روک تھام اور ڈیٹا شیئرنگ کے مؤثر طریقۂ کار پر گفتگو کی گئی۔
یہ بھی پڑھیں: بنگلہ دیش کی آئندہ عام انتخابات کے شفاف انعقاد کے لیے کامن ویلتھ سے تعاون کی درخواست
مذاکرات کے دوران سی آئی ڈی نے بنگلہ دیش پولیس اور ٹک ٹاک کے درمیان باضابطہ رابطہ چینل اور موثر اسکیلیشن سسٹم کی ضرورت پر زور دیا، تاکہ نقصان دہ یا غیر قانونی مواد کو بروقت ہٹایا جا سکے۔
اجلاس میں غلط معلومات، جنسی طور پر نامناسب مواد، آن لائن جوئے کی تشہیر، سائبر بُلیئنگ اور آن لائن فراڈ گروپس کی جانب سے بھرتی کے ویڈیوز پر بھی تشویش کا اظہار کیا گیا۔
متوقع قومی انتخابات کے تناظر میں ، سی آئی ڈی نے ٹک ٹاک کے ساتھ تعاون بڑھانے کی اہمیت پر زور دیا، تاکہ سائبر پولیس سینٹر کی ہمہ وقت مانیٹرنگ کو مؤثر بنایا جا سکے۔
نوجوان صارفین کے تحفظ کو بھی کلیدی ترجیح قرار دیا گیا۔ اس سلسلے میں سی آئی ڈی نے ایپ میں حفاظتی الرٹس، آگاہی مہمات اور والدین کی جانب سے مضبوط نگرانی کے ٹولز کی تجویز دی، تاکہ نوجوان خطرناک آن لائن چیلنجز سے دور رہیں۔
مزید پڑھیں: بنگلہ دیش: انتخابات سے قبل غلط معلومات سے نمٹنے کے لیے خصوصی سیل قائم
دونوں فریقوں نے اے آئی سے تیار کردہ ڈیپ فیک مواد اور انتخابات سے متعلق گمراہ کن معلومات کی نشاندہی اور بروقت ہٹانے کے لیے مخصوص پروٹوکول پر بھی تبادلۂ خیال کیا۔
اجلاس میں قانون نافذ کرنے والے اداروں کی درخواستوں کی بروقت کارروائی بھی اہم ایجنڈا رہی۔
مزید پڑھیں: یورپی یونین کا بنگلہ دیش میں عام انتخابات کے لیے بڑی مبصر ٹیم بھیجنے کا اعلان
سی آئی ڈی نے کہا کہ ٹک ٹاک کی جانب سے ڈیٹا فراہم کرنے میں تاخیرخصوصاً سائبر فراڈ، ہراسگی اور جعلی پروفائلنگ سے متعلق کیسز میں تحقیقات میں رکاوٹ بنتی ہے۔
محکمے نے ٹک ٹاک سے واضح اور وقت کے پابند فریم ورک بنانے کی درخواست کی تاکہ قانونی تقاضوں کے تحت مطلوبہ ڈیٹا تیزی سے فراہم کیا جا سکے۔
اجلاس کے اختتام پر، فریقین نے ٹیکنالوجی تعاون، معلومات کے تبادلے اور سائبر کرائم کے خلاف مربوط اقدامات کو مزید مضبوط بنانے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن لائن انتخابات بنگلہ دیش پروٹوکول پولیس ٹک ٹاک ڈیٹا سائبر فراڈ سوشل میڈیا سی آئی ڈی مانیٹرنگ ہراسگی
پاکستان میں اگلے سال تک سولر پینلز کی بجلی نیشنل گرڈ سے تجاوز کریگی