حماس غیرمسلح ہو جائے ورنہ ہم طاقت کے ذریعے کر دیں گے، ٹرمپ کی پھر وارننگ
اشاعت کی تاریخ: 15th, October 2025 GMT
امریکی صدر ڈونلڈ ٹرمپ نے ایک بار پھر فلسطینی مزاحمتی تنظیم حماس کو فوری طور پر غیر مسلح ہونے کا پیغام دیتے ہوئے واضح کیا ہے کہ اگر حماس نے ایسا نہ کیا تو امریکا خود کارروائی کرےگا۔
وائٹ ہاؤس میں ارجنٹائن کے صدر سے ملاقات کے بعد صحافیوں سے گفتگو کرتے ہوئے صدر ٹرمپ نے کہاکہ امریکی اعلیٰ حکام نے حماس کی قیادت سے رابطہ کیا ہے۔ حماس نے عندیہ دیا ہے کہ وہ ہتھیار ڈالنے پر آمادہ ہے، تاہم اگر ایسا نہ ہوا تو امریکا خود اس عمل کو یقینی بنائے گا۔
انہوں نے خبردار کیا کہ حماس کو غیر مسلح کرنے کا عمل تیزی سے اور بوقتِ ضرورت طاقت کے استعمال کے ذریعے مکمل کیا جائے گا۔
صدر ٹرمپ نے اس سے قبل بھی دھمکی دی تھی کہ اگر حماس نے اقتدار نہ چھوڑا تو اسے مکمل طور پر صفحہ ہستی سے مٹا دیا جائے گا۔
دوسری جانب اسرائیلی وزیراعظم بنیامین نیتن یاہو نے بھی غزہ میں جنگ بندی کے باوجود سخت مؤقف اپناتے ہوئے کہا ہے کہ اسرائیل کی فوجی کارروائی ابھی ختم نہیں ہوئی۔
قوم سے خطاب میں نیتن یاہو کا کہنا تھا کہ اسرائیل کو اب بھی سنگین سکیورٹی چیلنجز درپیش ہیں اور ملکی دفاع کے لیے تمام ضروری اقدامات جاری رہیں گے۔
واضح رہے کہ امریکا سمیت ثالثی ملکوں نے غزہ جنگ بندی معاہدے پر دستخط کردیے ہیں۔ دوسری جانب حماس نے اسرائیلی یرغمالیوں کو بھی رہا کردیا ہے، جس کے بدلے میں فلسطینی قیدیوں کی رہائی عمل میں لائی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر حماس ڈونلڈ ٹرمپ غزہ امن معاہدہ غیرمسلح وارننگ وی نیوز.ذریعہ: WE News
کلیدی لفظ: امریکی صدر ڈونلڈ ٹرمپ غزہ امن معاہدہ وارننگ وی نیوز
پڑھیں:
ٹرمپ کا یوکرین‘ روس جنگ مقرہ تاریخ پر ختم کرانے میں ناکامی کا اعتراف
data-id="863a0a8" data-element_type="widget" data-widget_type="theme-post-content.default">
251127-01-6
واشنگٹن (مانیٹرنگ ڈیسک) امریکی صدر ڈونلڈ ٹرمپ نے یوکرین کیلیے 27 نومبر کی مقررہ تاریخ سے پیچھے ہٹتے ہوئے کہا ہے کہ وہ یوکرین کو امریکی حمایت یافتہ امن منصوبے پر رضامند کرنے کی جلدی نہیں کر رہے، میرے لیے آخری تاریخ وہ ہے جب یہ ختم ہو جائے۔ برطانوی خبر رساں ادارے ’رائٹرز‘ کے مطابق ٹرمپ نے ائر فورس ون پر فلوریڈا جاتے ہوئے ’تھینکس گیونگ‘ کی چھٹی منانے کے دوران رپورٹرز سے بات کرتے ہوئے کہا کہ امریکی مذاکرات کار روس اور یوکرین کے ساتھ بات چیت میں پیش رفت کر رہے ہیں اور ماسکو نے کچھ رعایتیں دینے پر اتفاق کیا ہے، تاہم انہوں نے ان کی تفصیل نہیں بتائی۔ٹرمپ نے حالیہ دنوں میں 27 نومبر جمعرات کی چھٹی کو وہ دن قرار دیا تھا، جب وہ چاہتے تھے کہ یوکرین معاہدے پر رضامند ہو جائے تاکہ روس کی یوکرین میں جنگ ختم ہو سکے۔لیکن اب وہ اور ان کے معاونین کسی سخت آخری تاریخ سے پیچھے ہٹ گئے ہیں اور کہتے ہیں کہ وہ چاہتے ہیں کہ معاہدہ جلد از جلد ہو جائے۔
حیدرآباد: 72سالہ باپ بیٹوں کے ظلم کے خلاف پریس کلب پہنچ گیا