پاکستان اور امریکا کے درمیان ٹیرف معاہدے پر کامیاب مذاکرات
اشاعت کی تاریخ: 14th, October 2025 GMT
وقاص عظیم :پاکستان اور امریکا کے درمیان ٹیرف معاہدے پر کامیاب مذاکرات، وزیر خزانہ سینیٹر محمد اورنگزیب کا مذاکرات کی کامیابی پر اظہار اطمینان، وزیر خزانہ سینیٹر محمد اورنگزیب کی واشنگٹن میں امریکی محکمہ خزانہ کے اعلیٰ حکام سے ملاقات کی۔
ملاقات میں پاکستان کے مضبوط معاشی اشاریوں پر بریفنگ، وزیرِ خزانہ نے امریکی کمپنیوں کو تیل و گیس، معدنیات، زراعت اور آئی ٹی میں سرمایہ کاری کی دعوت دی، وزیرخزانہ نے آئی ایف سی کے ریجنل نائب صدر ریکارڈو پولیتی سے بھی ملاقات کی۔
سیمنٹ سستاہوگیا
وزیرِ خزانہ و محصولات سینیٹر محمد اورنگزیب نے امریکی انتظامیہ کے ساتھ کامیاب مذاکرات کے نتیجے میں ٹیرف معاہدہ طے پانے کا خیر مقدم کیا ہے۔
امریکی محکمۂ خزانہ کے عہدیداروں سے ملاقات کے دوران، وزیرِ خزانہ نے آئی ایم ایف پروگرام کے تحت پاکستان کی مضبوط معاشی بنیادوں کو اجاگر کیا اور ورچوئل اثاثوں سے متعلق نئی قانون سازی پر تبادلۂ خیال کیا۔
محمد اورنگزیب نے امریکا پاکستان بزنس کونسل سے خطاب کرتے ہوئے کہا کہ پاکستان میں معاشی استحکام اور مالیاتی اشاریوں میں نمایاں بہتری آئی ہے۔
نادرا کی جانب سے شہریوں کیلئے نئی سہولت
اس کے علاوہ آئی ایف سی کے ریجنل نائب صدر ریکارڈو پولیتی نے وزیرِ خزانہ محمد اورنگزیب سے ملاقات کی، ریکوڈک منصوبے کے مالیاتی معاملات جلد طے کرنے پر اتفاق کیا۔
اسلامی ترقیاتی بینک کے صدر ڈاکٹر سلیمان الجاسر سے وزیرِ خزانہ نے ملاقات کی اور ایم۔6 موٹر وے کے دو حصوں کے لیے فنانسنگ کی منظوری پر اظہارِ تشکر کیا۔
پولیو کے خاتمے اور تیل فنانسنگ سہولت میں تعاون جاری رکھنے پر اتفاق کیا گیا، پاکستان اور اسلامی ترقیاتی بینک کے درمیان نئے کنٹری انگیجمنٹ فریم ورک کی تیاری پر اتفاق بھی کیا گیا۔
پنجاب لوکل گورنمنٹ بل 2025ء منظور، اپوزیشن کا شور شرابا
علاوہ ازیں، سٹی بینک کے نمائندوں سے الگ ملاقات میں انہوں نے ادارے کی پاکستان میں جاری شراکت داری کو سراہا اور اقتصادی استحکام اور اصلاحاتی اقدامات پر بریفنگ دی۔
.
ذریعہ
ذریعہ: City 42
کلیدی لفظ: محمد اورنگزیب ملاقات کی
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ