ایوانِ صدر میں اہم ملاقات: فیلڈ مارشل کی آصف زرداری کو سکیورٹی صورتحال پر بریفنگ
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: صدرِ مملکت آصف علی زرداری سے فیلڈ مارشل حافظ عاصم منیر نے ایوانِ صدر میں ملاقات کی، جس میں ملک کی داخلی و خارجی سکیورٹی صورتحال پر تفصیلی تبادلہ خیال کیا گیا۔
میڈیا رپورٹس کے مطابق ایوانِ صدر سے جاری اعلامیے میں کہا گیا ہےکہ جنرل حافظ عاصم منیر نے آصف زرداری کو ملک کی مجموعی سکیورٹی صورتحال سے آگاہ کیا، ملاقات میں فیلڈ مارشل نے افغان طالبان حکومت کی جارحانہ اور اشتعال انگیز کارروائیوں پر بریفنگ دی اور اس کے نتیجے میں پیدا ہونے والی تازہ سکیورٹی صورتحال سے متعلق تفصیلات پیش کیں۔
فیلڈ مارشل نے صدرِ مملکت کو بتایا کہ پاک فوج نے افغان حکومت کی جانب سے ہونے والی اشتعال انگیزی کے جواب میں انتہائی محتاط اور مؤثر کارروائیاں کی ہیں تاکہ قومی خودمختاری اور علاقائی استحکام کو ہر صورت یقینی بنایا جا سکے۔
صدرِ مملکت نے پاک فوج کی جرات، پیشہ ورانہ صلاحیت اور مکمل تیاری پر مکمل اعتماد کا اظہار کرتے ہوئے کہا کہ افواجِ پاکستان ملکی سرحدوں کے دفاع کے لیے ہمہ وقت مستعد ہیں۔
انہوں نے افغان سرحد پر حملوں کا فوری اور پیشہ ورانہ جواب دینے پر پاک فوج کی کارکردگی کو سراہا تے ہوئے کہا کہ پاکستان اپنی قومی خودمختاری اور علاقائی سالمیت کے تحفظ کے لیے ہر ممکن اقدام کرے گا۔
صدرِ مملکت نے مزید کہا کہ ملکی سلامتی کے حوالے سے کسی بھی خطرے کا مقابلہ کرنے کے لیے قوم اور افواجِ پاکستان متحد ہیں اور پاکستان کی سلامتی و خودمختاری پر کوئی سمجھوتہ نہیں کیا جا سکتا۔
ویب ڈیسک
وہاج فاروقی
ذریعہ: Jasarat News
کلیدی لفظ: سکیورٹی صورتحال فیلڈ مارشل
پڑھیں:
صدر مملکت آصف علی زرداری کا نیشنل ڈیفنس یونیورسٹی اسلام آباد کا دورہ
کولاج بشکریہ آئی ایس پی آرصدرِ مملکت آصف علی زرداری نے نیشنل ڈیفنس یونیورسٹی اسلام آباد کا دورہ کیا۔
پاک فوج کے شعبۂ تعلقاتِ عامہ (آئی ایس پی آر) کے مطابق صدر آصف علی زرداری نے 27ویں نیشنل سیکیورٹی ورکشاپ کے شرکاء سے خطاب کیا۔
ورکشاپ میں پارلیمنٹیرینز، سینئر سول و ملٹری افسران، تعلیمی و سماجی شعبوں کے نمائندوں نے شرکت کی۔
آئی ایس پی آر کے مطابق صدرِ مملکت نے ورکشاپ مکمل کرنے پر شرکاء کو مبارکباد دی اور قومی سلامتی سے متعلق آگاہی بڑھانے میں اِن کی لگن کو سراہا۔
صدرِ مملکت نے باخبر قیادت، قومی یکجہتی اور مربوط پالیسی سازی کی اہمیت پر زور دیا اور کہا کہ اس سے پاکستان کو درپیش موجودہ سیکیورٹی چیلنجز کا مؤثر طریقے سے مقابلہ کیا جاسکتا ہے۔
صدرِ پاکستان نے اختتامی تقریب میں فارغ التحصیل شرکاء میں اسناد بھی پیش کیں۔
آئی ایس پی آر کے مطابق نیشنل سیکیورٹی ورکشاپ مکالمے کو فروغ دینے کے نمایاں پلیٹ فارمز میں سے ایک ہے۔ نیشنل سیکیورٹی ورکشاپ ملک کی اُن نمایاں پلیٹ فارمز میں سے ہے جو قومی سطح پر مکالمے کو فروغ دیتی ہیں، یہ پلیٹ فارم ادارہ جاتی صلاحیت کو بڑھانے اور قومی سلامتی کے لیے قومی حکمتِ عملی کو مضبوط بنانے میں اہم کردار ادا کرتا ہے۔
انتخابات پرامن‘ ٹرن آؤٹ کم رہا: چیف الیکشن کمشنر