پختونخوا پولیس سمگلروں کی سرپرستی کرتےہوئے اپنے اہلکار کو سزا دے دی
اشاعت کی تاریخ: 15th, October 2025 GMT
سٹی42: خیبر پختونخوا کی پولیس کے اعلیٰ حکام کے سمگلروں کی سرپرستی کرنے کا انکشاف سامنے آ گیا۔ پشاور اور خیبر پختونخوا مین ہر طرح کی غیر قانونی اشیا کی سمگلنگ معمول کی بات ہے، البتہ پولیس کے کسی اہلکار کا سمگلنگ روکنے کے لئے کارروائی کرنا غیر معمولی بات ہے۔ ایسا ہی ایک غیر معمولی واقعہ سوشل میڈیا پر وائرل ہوا لیکن اس کا افسوسناک انجام یہ ہوا کہ سمگلروں کی سرپرستی کرنے میں بدنام پولیس کے سینئیر افسر نے "سمگلروں کے خلاف فرض شناسی" دکھانے والے پولیس اہلکار کو سخت سزا دے ڈالی۔
آغا سراج درانی کی وفات پر ملک میں گہرے دکھ اور افسوس کی لہر
پشاور میں ایک پولیس اہلکار کی جانب سے کپڑا اسمگل کرنے والے چنگچی رکشہ کو روکنے کیلئے کی گئی ڈرامائی کوشش نے اسے ہیرو بننے کے بجائے مشکل میں ڈال دیا۔ ویڈیو سوشل میڈیا وائرل ہوگئی۔
پشاور کے علاقے گلبہار میں جی ٹی روڈ پر پیش آنے والا یہ واقعہ اس وقت سامنے آیا جب ایک پولیس اہلکار نے کپڑا اسمگل کرنے والے چنگچی رکشہ کو روکنے کےلیے چلتی ہوئی گاڑی کو پکڑ لیا۔واقعے کی ویڈیو سوشل میڈیا پر تیزی سے وائرل ہوئی جس میں دیکھا جا سکتا ہے کہ پولیس اہلکار نے گاڑی کو روکنے کےلیے ڈرامائی انداز اختیار کیا۔ تاہم ڈرائیور نے گاڑی روکنے کے بجائے اپنا راستہ جاری رکھا، جس کے نتیجے میں پولیس اہلکار گاڑی کے ساتھ چمٹ گیا اور کچھ فاصلہ تک گاڑی کے ساتھ سڑک پر گھسٹتا رہا۔ویڈیو میں واضح دیکھا جاسکتا ہے کہ پولیس اہلکار نے گاڑی کو روکنے کی پوری کوشش کی، لیکن اسمگلر ڈرائیور نے نہ صرف گاڑی نہ روکی بلکہ پولیس اہلکار کو گاڑی کے ساتھ گھسیٹتا رہا۔ اس ڈرامائی منظر نے راہگیروں کو بھی حیران کردیا۔اس واقعے کے بعد پولیس محکمہ کی طرف سے فوری کارروائی کرتے ہوئے ایس ایس پی آپریشنز نے اس پولیس اہلکار کو معطل کردیا ہے۔محکمہ پولیس کے مطابق اہلکار نے بغیر کسی مناسب بیک اپ کے خطرناک طریقہ کار اختیار کیا، جس سے اسکی اپنی جان کو بھی خطرہ تھا۔سوشل میڈیا صارفین نے اس واقعے پر مختلف ردعمل کا اظہار کیا۔ کچھ صارفین پولیس اہلکار کی بہادری کو سراہ رہے ہیں جبکہ کچھ صارفین اس کے طریقہ کار پر سوال اٹھا رہے ہیں۔ ایک صارف نے لکھا ’’ہیرو بننے کا شوق پورا ہوا مگر طریقہ کار غلط تھا۔‘‘ جبکہ دوسرے صارف نے کمنٹ کیا کہکم از کم کوشش تو کی، بہت سے لوگ تو یہ کوشش بھی نہیں کرتے۔پولیس حکام کا کہنا ہے کہ معطل اہلکار کے خلاف محکمانہ تفتیش شروع کر دی گئی ہے ۔ حکام کا مزید کہنا ہے کہ ایسے معاملات میں مناسب طریقہ کار اپنایا جانا چاہیے اور بغیر بیک اپ کے ایسی کارروائی کرنا نہ صرف خطرناک ہے بلکہ قواعد و ضوابط کے بھی خلاف ہے۔
کوئلہ، لکڑی یا چارکول استعمال کرنے والے ریسٹورنٹس پر پابندی
Waseem Azmet.ذریعہ: City 42
کلیدی لفظ: پولیس اہلکار سوشل میڈیا اہلکار کو اہلکار نے طریقہ کار کو روکنے روکنے کے پولیس کے
پڑھیں:
کراچی، شادی کی تقریب میں فائرنگ، ایک شخص جاں بحق 7 زخمی
کراچی کے علاقے بلدیہ نمبر پانچ میں شادی کی تقریب میں فائرنگ سے ایک شخص جاں بحق جبکہ بچے سمیت سات افراد زخمی ہوگئے، فائرنگ کرنے والا ملزم نشے میں تھا، پولیس نے ملزم کی تلاش شروع کردی۔
شادی کی تقریب میں فائرنگ سے جاں بحق شخص کی شناخت 35 سال کے نوروز خان کے نام سے ہوئی جو تقریب میں بطور مہمان شریک تھا، مقتول بلدیہ کا ہی رہائشی تھا۔
لیاری دھوبی گھاٹ سے شادی میں شریک عامر نامی شخص کا تقریب میں جھگڑا ہوگیا تو اس نے نشے میں اندھا دھند فائرنگ کردی جس سے نوروز جاں بحق جبکہ بچے سمیت سات افراد زخمی ہوگئے۔
ملزم عامر واردات کے فوری بعد اپنی گاڑی چھوڑ کر فرار ہوگیا، ملزم کے زیر استعمال گاڑی کو مشتعل افراد نے جلانے کی کوشش کی، تاہم پولیس نے گاڑی کو مشتعل افراد سے چھڑا کر تھانے منتقل کیا۔
پولیس نے جائے وقوعہ سے نائن ایم ایم پستول کے پانچ سے زائد خول برآمد کرکے ملزم کی تلاش شروع کردی ہے۔
اسرائیلی حملے میں شہید ہونے والے حزب اللہ کے چیف آف اسٹاف کون تھے ؟