کرسٹیانو رونالڈو ایک بار پھر دنیا کے سب سے زیادہ کمانے والے فٹبالر قرار
اشاعت کی تاریخ: 17th, October 2025 GMT
معروف فٹبالر کرسٹیانو رونالڈو ایک بار پھر فوربز کی جانب سے جاری فہرست میں دنیا کے سب سے زیادہ معاوضہ حاصل کرنے والے فٹبالر قرار پائے ہیں۔ یہ گزشتہ 10 برسوں میں چھٹی مرتبہ ہے کہ رونالڈو نے یہ اعزاز حاصل کیا ہے۔
مزید پڑھیں: کرسٹیانو رونالڈو نے ایک اور سنگ میل عبور کرلیا، دنیا کے پہلے ارب پتی فٹبالر بن گئے
فوربز کے مطابق، رونالڈو اس سیزن میں 28 کروڑ ڈالر (قریباً 78 ارب 40 کروڑ روپے پاکستانی) کمائیں گے۔ چند روز قبل بلومبرگ نے بھی انہیں دنیا کے پہلے کھیلوں کے ارب پتی کھلاڑی کے طور پر تسلیم کیا تھا۔
رپورٹ کے مطابق رونالڈو کے بعد دوسرے نمبر پر لیونل میسی ہیں جن کی متوقع آمدن 13 کروڑ ڈالر بتائی گئی ہے۔
فوربز کے اعداد و شمار کے مطابق، دنیا کے دس سب سے زیادہ کمانے والے فٹبالرز اس سیزن میں مجموعی طور پر 94 کروڑ 50 لاکھ ڈالر کمائیں گے۔
مزید پڑھیں: کرسٹیانو رونالڈو نے فٹ بال کی تاریخ میں ایک اور سنگ میل عبور کرلیا
رونالڈو کی آمدن کا بڑا حصہ برانڈ اینڈورسمنٹس، ملبوسات، ہوٹلوں اور جم چینز سے آتا ہے۔ دبئی میں ان کے 2 معروف ریستوران ٹٹل دبئی (Tatel Dubai) اور ٹوٽو دبئی (TOTÓ Dubai) خاصی شہرت رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Tatel Dubai TOTÓ Dubai فوربز کرسٹیانو رونالڈو.
ذریعہ
ذریعہ: WE News
کلیدی لفظ: فوربز کرسٹیانو رونالڈو کرسٹیانو رونالڈو دنیا کے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار