انٹربینک مارکیٹ میں ڈالر کے مقابلے میں روپیہ تگڑا
اشاعت کی تاریخ: 17th, October 2025 GMT
کراچی:
انٹربینک مارکیٹ میں ڈالر کے مقابلے میں روپے کی قدر میں اضافے کا رجحان برقرار ہے تاہم اوپن مارکیٹ میں ڈالر کی قدر میں کوئی تبدیلی نہیں آئی۔
ایکسپریس نیوز کے مطابق معیشت میں طلب اور بڑھتی ہوئی درآمدی ضروریات کے باوجود انٹربینک مارکیٹ میں جمعے کو بھی ڈالر کی نسبت روپیہ تگڑا رہا جبکہ اوپن مارکیٹ میں دوسرے دن بھی ڈالر مستحکم رہا۔
انٹربینک مارکیٹ میں کاروبار کے بیشتر دورانیے میں ڈالر تنزلی سے دوچار رہا جس سے ایک موقع پر ڈالر کی قدر 18پیسے کی کمی سے 280روپے 93پیسے کی سطح پر بھی آگئی تھی۔
کاروبار کے دوران درآمدی نوعیت کی طلب بڑھنے سے کاروبار کے اختتام پر ڈالر کی قدر صرف ایک پیسے کی کمی سے 281روپے 10پیسے کی سطح پر بند ہوئی۔
دوسری جانب اوپن کرنسی مارکیٹ میں ڈالر کی قدر بغیر کسی تبدیلی کے 282روپے 15پیسے کی سطح پر مستحکم رہی۔
.ذریعہ: Express News
کلیدی لفظ: انٹربینک مارکیٹ میں مارکیٹ میں ڈالر ڈالر کی قدر
پڑھیں:
یوروویژن 2026 میں اسرائیل کی شرکت کا فیصلہ آج ہوگا
data-id="863a0a8" data-element_type="widget" data-widget_type="theme-post-content.default">
یورپی براڈکاسٹنگ یونین (EBU) اگلے ماہ ہونے والے سالانہ بین الاقوامی گانے کے مقابلے( یوروویژن) میں اسرائیل کی شمولیت کے بارے میں ووٹ لے سکتی ہے، یہ مقابلہ ہر سال یورپی ممالک کے درمیان ہوتا ہے، جہاں ہر ملک ایک گلوکار یا ٹیم بھیجتا ہے اور سب کے ووٹ سے جیت کا فیصلہ ہوتا ہے۔
بین الاقوامی میڈیا رپورٹس کےمطابق EBU کی جنرل اسمبلی 4 اور 5 دسمبر کو اجلاس کرے گی، جس میں مقابلے کے ووٹنگ سسٹم میں حالیہ تبدیلیوں کا جائزہ بھی لیا جائے گا، یہ تبدیلیاں مقابلے میں شفافیت بڑھانے کے لیے کی گئی ہیں کیونکہ گزشتہ سال اسرائیلی حکومت کی مداخلت کے الزامات سامنے آئے تھے۔
نئی قواعد کے مطابق کسی بھی حکومت یا ریاستی ادارے کی جانب سے ہونے والی تشہیری مہم جو نتائج پر اثر ڈال سکتی ہے، اب منع ہے، ہر شخص کے ووٹ کی زیادہ سے زیادہ تعداد بھی 20 سے 10 کر دی گئی ہے، نیم فائنل میں پیشہ ور جرائز کی شمولیت دوبارہ بحال کی جائے گی تاکہ عوامی ووٹ اور جرائز کے درمیان توازن قائم رہے۔
اسرائیل کی شمولیت پر یورپی ممالک کے ردعمل مختلف ہیں، اسپین، ہالینڈ، سلووینیا اور آئس لینڈ نے کہا ہے کہ اگر اسرائیل حصہ لے تو وہ مقابلے سے نکل جائیں گے۔
آئرلینڈ نے بھی کہا کہ اسرائیل کی شرکت کی صورت میں مقابلے میں نہیں حصہ لے گا، اسرائیل ایک ظالم ملک ہے جس نے بے شمار بچوں کا قتل کیا ہے۔
دوسری طرف جرمنی اور آسٹریا نے اسرائیل کے شامل رہنے کی حمایت کرتے ہوئے کہا کہ اسرائیل یوروویژن کا ایک لازمی حصہ ہے۔
یوروویژن 2026 کا مقابلہ آئندہ مئی میں وینس میں ہوگا، جس میں اسرائیل کی شمولیت کا حتمی فیصلہ EBU کے اجلاس کے بعد کیا جائے گا۔
پاکستان کو شکست، آسٹریلیا نے اوور 40 ٹی ٹوئنٹی ورلڈ کپ جیت لیا