پنجاب اسمبلی میں ‘مقامی حکومت پنجاب بل 2025’ منظور، اپوزیشن کا شدید احتجاج
اشاعت کی تاریخ: 13th, October 2025 GMT
پنجاب اسمبلی نے حکومت کی جانب سے پیش کردہ ‘مقامی حکومت پنجاب 2025’ کا مسودہ قانون منظور کر لیا، جب کہ اپوزیشن کی جانب سے پیش کی جانے والی تمام ترامیم مسترد کر دی گئیں۔
بل کی منظوری کے دوران ایوان میں اپوزیشن کی جانب سے مسلسل شور شرابہ اور ہنگامہ آرائی جاری رہی۔ اپوزیشن ارکان نے اجلاس کی کارروائی ٹی ایل پی کے احتجاجی مظاہروں اور تشدد کے واقعات کے باعث موخر کرنے کی اپیل کی۔
یہ بھی پڑھیے: پی ٹی آئی نے معین ریاض قریشی کو پنجاب اسمبلی میں اپوزیشن لیڈر نامزد کردیا
اپوزیشن لیڈر معین ریاض قریشی نے کہا کہ پنجاب میں امن و امان کی صورتحال خراب ہے، لہٰذا ایجنڈا ملتوی کیا جائے۔ تاہم حکومت نے اپوزیشن کے مطالبے کو مسترد کر دیا۔
ذرائع کے مطابق اپوزیشن ارکان اپنی نشستوں پر کھڑے ہو کر نعرے بازی کرتے رہے اور مسودہ بل کی کاپیاں ہوا میں لہراتے رہے۔ اس دوران ایوان کا ماحول خاصا کشیدہ رہا۔
قائم مقام اسپیکر ظہیر اقبال چنڑ نے اپوزیشن کے شدید شور شرابے کے باوجود بل کی منظوری دے دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپوزیشن احتجاج بل پنجاب اسمبلی.
ذریعہ
ذریعہ: WE News
کلیدی لفظ: اپوزیشن پنجاب اسمبلی پنجاب اسمبلی
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی