افغان اشتعال انگیزی کے جواب میں پاک فوج کو خراجِ تحسین؛ پنجاب اسمبلی میں قرارداد جمع
اشاعت کی تاریخ: 13th, October 2025 GMT
لاہور:
افغان اشتعال انگیزی کے مؤثر اور بھرپور جواب پر پاک فوج کے حق میں خراجِ تحسین پیش کرنے کی قرارداد پنجاب اسمبلی میں جمع کرادی گئی۔
یہ قرارداد مسلم لیگ (ن) کی رکن صوبائی اسمبلی حنا پرویز بٹ کی جانب سے جمع کروائی گئی۔
قرارداد کے متن میں کہا گیا ہے کہ یہ ایوان فیلڈ مارشل جنرل عاصم منیر کی بہادر، مدبر اور جرات مند قیادت کو زبردست خراجِ تحسین پیش کرتا ہے۔ قرارداد میں مزید کہا گیا کہ پاک فوج نے مشکل حالات میں جس پیشہ ورانہ مہارت، نظم و ضبط اور عزم کا مظاہرہ کیا ہے، وہ پوری قوم کے لیے باعثِ فخر ہے۔
ایوان نے وزیراعظم شہباز شریف کے اس واضح عزم کی مکمل تائید کی کہ پاکستان کے دفاع، خودمختاری اور قومی سلامتی پر کسی قسم کا سمجھوتا نہیں کیا جائے گا۔
قرارداد میں وزیراعلیٰ پنجاب مریم نواز شریف کے اس بیان کو بھی سراہا گیا جس میں انہوں نے افغان جارحیت کی سخت مذمت کرتے ہوئے کہا تھا کہ پاکستان کی سرحدیں مقدس امانت ہیں اور ان کی حفاظت ہر شہری کا فرض ہے۔
قرارداد کے مطابق افغان جارحیت کے جواب نے یہ ثابت کر دیا کہ پاکستان ایک امن پسند ملک ہے مگر یہ ہماری کمزوری نہیں بلکہ طاقت اور استقامت کی علامت ہے۔ ایوان نے اس عزم کا اظہار بھی کیا کہ پوری قوم اپنی بہادر مسلح افواج کے ساتھ سیسہ پلائی دیوار کی طرح متحد کھڑی ہے۔
قرارداد کا اختتام پاک فوج زندہ باد، پاکستان پائندہ باد کے نعروں پر کیا گیا، جبکہ حکومتی اراکین نے قرارداد کی مکمل حمایت کرتے ہوئے فوج کے کردار کو خراجِ تحسین پیش کیا۔
استحکام پاکستان پارٹی کی قرارداد
پاک افواج کو خراجِ تحسین پیش کرنے کے لیے استحکام پاکستان پارٹی کے رکن صوبائی اسمبلی شعیب صدیقی نے بھی قرار داد جمع کرادی، جس میں انہوں نے فتنۃ الخوارج کے ممکنہ گٹھ جوڑ کی بے نقابی پر پاک فوج کو داد شجاعت دی ہے۔
شعیب صدیقی کی جانب سے جمع کرائی گئی قرارداد میں کہا گیاہ ے کہ ملکی دفاع میں کسی قسم کا سمجھوتا نہیں کریں گے۔ فیلڈ مارشل جنرل عاصم منیر کی مؤثر قیادت قابلِ فخر ہے۔ ایوانِ پنجاب 23 جوانوں کی شہادت پر انہیں خراجِ عقیدت پیش کرتا ہے۔
قرارداد کے مطابق افغانستان کی سرزمین سے وطن عزیز پر حملے کسی طور قبول نہیں۔ سرحدی تحفظ اور مؤثر قواعد عمل میں لائے جائیں۔ پاک فوج ہر اشتعال انگیزی کا بھرپور جواب دینے کے لیے تیار ہے۔ استحکام پاکستان پارٹی دہشت گردی کے خلاف کارروائیوں کی حمایت کرتی ہے۔ قرارداد میں شہدا کے درجات کی بلندی ا ور زخمیوں کی جلد صحت یابی کی دعا بھی کی گئی ہے۔ آخر میں کہا گیا ہے کہ اللہ تعالیٰ پاکستان کو ہر سازش سے محفوظ رکھے۔
.ذریعہ: Express News
کلیدی لفظ: تحسین پیش پاک فوج کہا گیا
پڑھیں:
جنرل ساحر شمشاد کا ایئر ہیڈ کوارٹرز کا الوداعی دورہ، شاندار خدمات پر خراج تحسین وصول
اپنی الوداعی مصروفیات کے دوران جنرل ساحر شمشاد مرزا، چیئرمین جوائنٹ چیفس آف اسٹاف کمیٹی نے ایئر ہیڈ کوارٹرز اسلام آباد کا دورہ کیا۔
یہ بھی پڑھیں: الوداعی ملاقات: جنرل ساحر شمشاد نے تینوں افواج میں ہم آہنگی بڑھائی، فیلڈ مارشل عاصم منیر
سربراہ پاک فضائیہ ایئر چیف مارشل ظہیر احمد بابر سدھو نے ان کا استقبال کیا۔ ایئر ہیڈ کوارٹرز آمد پر پاک فضائیہ کے ایک چاق و چوبند دستے نے معزز مہمان کو گارڈ آف آنر پیش کیا۔
بعد ازاں چیئرمین جوائنٹ چیفس آف اسٹاف کمیٹی نے سربراہ پاک فضائیہ سے ان کے دفتر میں ملاقات کی۔
ایئر چیف مارشل ظہیر احمد بابر سدھو نے چیئرمین جوائنٹ چیفس آف اسٹاف کمیٹی کی مثالی خدمات اور تینوں مسلح افواج میں ہم آہنگی کو مضبوط و مربوط بنانے میں ان کے اہم کردار کی تعریف کی۔
سربراہ پاک فضائیہ نے قومی دفاع کے لیے جنرل ساحر شمشاد مرزا کی نمایاں خدمات کو بھی سراہا اور دہشتگردی کی لعنت کے خاتمے کے لیے مسلح افواج کے ساتھ مل کر کام جاری رکھنے کے پاک فضائیہ کے غیر متزلزل عزم کا اعادہ کیا۔
مزید پڑھیے: پاکستان کے آخری جوائنٹ چیفس آف اسٹاف کمیٹی جنرل ساحر شمشاد کی وزیراعظم سے الوداعی ملاقات
چیئرمین جوائنٹ چیفس آف اسٹاف کمیٹی نے پاک فضائیہ کی جنگی تیاریوں، عملی مہارت، جدت طرازی اور اپ گریڈیشن کے اقدامات پر اطمینان کا اظہار کیا۔
انہوں نے پاکستان کی فضائی سرحدوں کی حفاظت میں پاک فضائیہ کے اہلکاروں کی پیشہ ورانہ مہارت و لگن کو سراہا اور دہشتگردی کے عفریت کے خلاف قومی جنگ میں پاک فضائیہ کے اہم کردار کا اعتراف کیا۔
انہوں نے پاکستان کی تینوں مسلح افواج کے مابین موجودہ ہم آہنگی کو بھی سراہا اور اس اعتماد کا اظہار کیا کہ یہ تعاون مستقبل میں مزید فروغ پاتا رہے گا۔
مزید پڑھیں: جوائنٹ چیفس آف اسٹاف کمیٹی جنرل ساحر شمشاد مرزا کا نیول ہیڈکوارٹرز کا الوداعی دورہ
جنرل ساحر شمشاد مرزا نے پاک فضائیہ کی بھرپور حمایت پر ایئر چیف کا شکریہ ادا کرتے ہوئے پی اے ایف اور اسکی قیادت کے لیے نیک خواہشات کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر ہیڈکوارٹرز جنرل ساحر شمشاد کا الوداعی دورہ چیئرمین جوائنٹ چیفس آف اسٹاف کمیٹی
وزیراعظم سے شرجیل میمن کی ملاقات، اہم سیاسی معاملات پر گفتگو